السـلام عليكم ورحمة الله وبركـــاته
وهـ أنا أعـود لكم من جـديد حاملهـ لكم كل التقـدير والمحبـه
وأريـد إن أجعل لكم متنفـس ولكـن بنكـهه شقاويهـ مختلفــه
ولعلهـا تنــال على إعجـابكم ويطيب لي في هـذا المكــان إن أبـارك لكم
حلــول شهـر رمضــان المبـارك أعـاده الله عليـنا وعليكم باليُمنِ والبـركـات
وجعلـنـا من صيــامه وقيّـامه وإنشـالله في هذا الشهر الفضيل إن تكـونوا بإحسـن حال
::.●.●.●. هيـــــــــــــــــــا بنـا .●.●.●.::
طبعا رمضـان على الابـواب ويصير فيه حالة استنفـار في كل بيـت وتبدا رحلـة البحث عن اغراض رمضـان (يعني ممكن نموت جوع) صدز ليش مايكون فيه عملية تقنين في الشراء ليش العثيم والسدحان والدانوب ولايهون بغلف قبل رمضان بعشر ايام تبدا عملية التغرير بهولاء المستهلكين ((اشتر كرتون فيمتو تحصل على تانق مجاناً) طيب ليش وانتم عارفين اصلا من يوم يومنا وحنا نعرف ان تانق وفيمتو ضراير وكلن مايبي الثـاني
الشبـاب ومادراك مـ الشباب منهم دون سن الخامسه والعشرون إذا جا رمضـان قام يصلي ولايتعدا المسجد من رحم الله منهم والنوع الاخر يسحبها نومه ولايقوم الا على الاذان (كلفت على عمرك ياحبي) يااخي رمضـان موب إنك تمسك عن الاكل وبس اقرأ قرأن - صل رحمك - ساعد في توزيع الافطار على الضعفاء والمحتاجين - اعزم الشباب اللي متغربين عن اهلهم فيه اشياء كثيره ممكن تنفعك في هذا الشهر الفضيل دام شيطانيك مربطه تعّود على شئ لعله يستمر معك طول الاشهـر ..
يقولون للزقـاره طعم خاص عقب الفطور في رمضـان وانا اقول قبح الله الامريكان
طبعا القنوات الفضائيه ومنها الفزائيه المسريه وكل القنوات التي تبث عبر الصحون الاقطه يتهافتون وكأنهم أسرة مكون من اربع دببه عند سماع اذان المغرب يطبون على الصحن طبة اللي ماشاف خير هذا هو حال القنوات علينا نحنو قاطنين هذه المعموره تبدا المسلسات والفوازير والاخبار واتصل نصل في هذا الشهر الفضيل (ياحلوين ـ تراهم يبون يلهونكم خليكم فطنين واجحدوهم )
"إزا مابتكبر مابتصغر" عزيزي المستهلك هل تمعنت في هذه المقوله عندما اطلقها المدعو بـ ابو شهاب وتكرار قناة ام بي سي لها تكرارا ومدرارا يريدون إن يشوقوك لمتابعة مسلسلهم على شان ماتصلي التراويح زي ماقلت لك فوق خلك ذهين واسحب عليهم وخلها تصغر ولا تكبر انتي وش دخلك :)
جدتك والا جدك الله يطول بـ اعمارهم إن كانهم حيين وان كانوا ميتين الله يرحمهم هم واموات المسلمين خلك حولهم في هـ الشهر الفضيل واسمع سوالفهم قبل وكيف كانوا يصومون ووش كان فطوورهم كان جداً بسيط ((عمركم شفتوا شايب ولا شايبه سمان ؟ مافيه )) لهذا السبب
انا ادعو لتقنين الاكل خصوصا في رمضان <- لابارك الله باللي علمك كلمة تقنين << هع هع
اعزائي كلنا نعرف ان الشوكولاته واخواتها شئ لايقاوم وخصوصا في شهر رمضـان الكريم وخصوصا عقب الفطور (الله يرحمك ياكريم كرميلا ويا الجلي ) 
طبعا لها نكهه خطيره وخصوصا إذا جت من يدين وحده فنـآآآآنه <- هذا انا ترى اللي سويتها
لحدن يرد بعد ماقضيت
الموضوع المميز (بمناسبة سلامته ابوي هذا موضوعي)
العرض الشجري
