ياعلي وشبه وقتنا صار به ميل=واشوف ميلاته ... على كل طيـــّــــب
غدى لك الله قاسي ... وقسوته حيل=منها صغير السن ... بدري يشيـــّـــب
وقتٍ تفـــرعن به ... هل القال والقيل=كلٍ لقالـه فيــــــه ... ظل ونصيـــّــب
ثم عد حاله بالرخـى ... شبل حلحيل=وطاري الشـدايد ... هيّبه ما يهيـــّـب
يخاف ظله ... ما مشى عتمة الليل=ما يقطع الفـرجه ... بدون الصحيــّــب
ماخذ بنفسه ... مقلبٍ هـــــالمهيبيل=يبغى ينال اللي ... لمثله صعيــــّـب
ماغير بالفضوات ... يضـرب مواويل=وللعرف والقانــون ... تارك مسيـــّـب
ولى زمانٍ فيه ... ربـــــع المعاميل=الكل منهم حِـــــط ... فوقه نصيـــّــب
لاشك مهــما مــــر ... جيلٍ بثر جيل=ما مات تاريخٍ ... حـــــواه الكتيــّــب
ناسٍ مجالسهم ... بها البـن والهيـل=ماحاش واحدهم ... علـــــومٍ تعيــّــب
تلقى السوالف ... عندهم والتعاليل=ولا فيهم اللـي ... للهقـاوي يخيــّــب
ناسٍ بفعل ايمانهم ... وصلو سهيل=يوم غيرهم فعله ... ببطن الشعيـــّــب
حياتهم فيـها ... الـرخى والتســاهيل=لأن الحســـــد ... عن النوايا تغيـــّـب
كـان المطر ... بايامهم يتبعه سيل=يسقي بعيد ديار... ماهــي قريـــّــب
واليـوم حــنا لو ... مطـرنا هماليل=مابل يامشكاي ... حتـــى التريـــّــب
قلته ... ولاني داخــــلٍ بالتفاصيل=باسباب وقتٍ ... ماترك قــلب طيـّــب
وصلوا ... على نبينا موفي الكيل=اعـــــداد ماذعذع ... نسيم الهبيـّــب
العرض العادي
