۩ رواية »الموت ما هو أنك تكتفن بترابك الموت أنك تحب حي ويفارقك

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

باريس .. المقر الرئيسي لشركه L&M :
مكتب رئيس مجلس الاداره.:
للمره السابعه تاففت راني .. للمره الخامسه تاملت جوليا الساعه و للمره الالف تاملت فكتوريا صبغ اطافرها..
راني وقفت بملل: سأمت الانتظار.. ساتصل بها ..
اسماء كانت جالسه ترتب ملف اوراقها اللي بنتقاشها رفعت عيونها لراني باتسغراب: لا تظنينها نسيت الاجتماع.. لابد ان امرا هاما اخرها...
جوليا: اننا هنا يا سوما من اكثر من نصف ساعه.. والليدي لم تاتي بعد...
فكتوريا: ربما اضطرت للمرور بالمنزل قبل المجيء الى هنا .. فالمصنع في اطراف باريس كما تعرفون..
راني سحبت موبايلها متجاهله كلام اسماء وفي اللحظه اللي كانت بتتصل انفتح الباب و دخلت لارا ومعها سلين..: مرحباا..هل تاخرت..
راني كانت بتفنجر بوجهها من البرود اللي كانت فيه بس تمالكت نفسها: اجل يا سيدتي تاخرتي كثيرا.. ولدينا عمل كثير كان من الممكن ان نقوم به بدل الانتظار..
لارا حركت عيونها بدل مشبوك بحزن: انا اسفه يا راني.. لقد كان هنالك طفل صـغير يــ
جوليا بتأفف قاطعتها: يبعي زهور مقطوفه من الشوارع؟ مجلات قديمه ؟ علب سجائر فارغه؟
لارا بدلع عارضات الازياء عقدت حواجبها: جوليا لا تقولي هذا .. انهم اطفال برئيون و فقراء مساكين .. ليس لديهم سبيل لكسب النقود سوا هذا الشيء... ام انك تريدين ان يسرقوا
فكتوريا ولكن بيع اشياء غير حقيقيه يعتبر سرقه يا سيديتي..
لارا: انا اعطيهم المال وانا اعرف انه اشياء غير حقيقيه .. لانني ارغب ان اعيطه اياه ولا اريده ان يشعر بانه يسالني مثل متسول..
راني بتافف: قريبا سوف تصبح بوابه الشركه مجمع للمتسولين بسبب ما تقدمينه باستمرار..
اسماء ضحكت على تعليق راني والتفتت للارا...: ماذا اشتريتي هذه المره يا سيديتي..
لارا مدت جزمتها لهم: كان هنالك طفل ينظف الاحذيه وبدا فقيرا فطلبت ان ينظفه..
راني صرخت : حذااااااااااااااااااااااااااؤووووووووك اتلف ايتها الحمقاء.
جلده الجزمه كانت متاكله وكانها مغسوله بحمض ماهو بصابون..لارا خلعت الجزمه على طول و مشت من غير شيء: لاباس انه مجرد حذاء يا راني...
جوليا: راني لا تتكلمي مع السيده لارا هكذا...
راني : انني اتكلم هكذا لانني ارا ان هؤلاء المتشردين يتسغلونها .. منذ متى و الاطفال ينظفون الاحذيه هذا الشيء اختفى منذ سنوات..
لارا لعبت بخصله شعرها الطويل: ربما اجبرتهم الظروف..
اسماء لما حست ان راني بتسوي جريمه في لارا: لارا... راني ارجوكم كفى انكم تضيعان الوقت اكثر ..
راني بعصبيه قعدت في كرسيها المعتاد واشرت للارا انها تجلس على مكتبها: تفضلي يا (ماري انطوانيت.)..
لارا ابتسمت و جلست على المكتب و اشرت لكل وحده تاخذ مكانهم بما فيهم سلين اللي كانت تسجل اي قرار معها...: لنبدأ هذا الاجتماع المصغر...سووما!
اسماء وقفت وبدت تتكلم : وردني اتصال من احدى السيدات تتكلم فيه عن درجه لون اكتشفته خلال خلطها للالوان .. و تتمنى لو استطاعت ان تقوم بعمل هذي الدرجه للطلاء اظافر .. و احمر شفاه .....بحيث يكون مميزا ..
فكتوريا: ان الحصول على درجه معينه من الطلاء مختلف كثيرا عن طريقه حصوله من خلط الالوان العاديه...
جوليا : انا ارا انه ان اعجبنا اللون فيمكن ان يكون الحصول عليه كاحمر شفاه اسهل بكثير من الحصول عليه كطلاء .. الا ترين هذا ايضا سيديتي..؟
لارا بهدوء: لايمكن الحكم على الشيء من دون النظر اليه اولا.. فجميعكن تظنون ان اللون سيكون اجمل ان استخدم كاحمر شفاه في حين انه قد يحدث العكس..
راني هزت راسها بالموافقه: انا اؤيد الليدي بما قالته.... لا نخسر شيء من التجربه.. اطلبيها ياا سوما
اسماء حطت صح على اول شيء تكلموا عنه و كانت بتتكلم في الموضوع الثاني لما رن موبايل سلين...
سلين تفاجأه لما رن وهو شيء ماهو من عادتها و بعد ما تاملت الشاشه تغيرت ملامحها اكثر: انا اسفه..
لارا بعيون هاديه: عزيزتي سلين... يمكنك ان تتحدثي.. لا تهتمي للاجتماع..
سلين بلعت ريقها بتوتر: ولكن يا سيدتي؟؟
لارا بابتسامه: اذهيي هيااا...
سلين بتوتر قامت ورجعت الملف: شكرا..
طلعت سلين بوسط اندهاش كل الموجودين،جوليا : لا احد يتصل بسيلين عدانا فهي لا عائله ولا اصدقاء لها..
فكتوريا وهي رافعه حاجبها: ممكن ان يكون بويفريند؟
لارا ابتسمت وطلعت نفس راحه طويل: اتمنى هذا من كل قلبي.. انها انسانه وحيده وحزينه دايما اتمنى فعلا تلتقي بالانسان اللي ينهي هذه الوحده..
راني من غير نفس دليل كرهها لسلين: اتمنى ان يكون الامر هكذا..
اسماء كانت عيونها على سيلين وهي تقول في نفسها: اللي خايفه منه ماهو ان هذا الشخص يكون جديد... خوفي من انه شخص من ماضيها الخطر..
من جهه ثانيه سيلين بعدت عن مكتب لارا و دخلت لمكتبها الخاص وردت على الرقم المميز: الو؟
نواف بصوت هادي : مرحبا سيلين..
بلعت سيلين ريقها: سيدي نواف..
نواف بسرعه: لا تقولين اسمي.. انتي تعرفين عدل ان الجدران لها آذان..
سيلين: كيف حصلت رقمي..
نواف ببرود: تعرفين اني احصل على اي شيء اتمناه و بسهوله.. والوصول لك هو رغبتي الحاليه..
سيلين: سيدي نواف..
نواف عصب: قلت لك لا تنادين اسمي... سيلين بما انك تعرفين تفكيري اكيد تعرفين سبب اتصالي... لازم نتقابل..
سيلين: سيدي بعد طردك لي بنيت لي حياه جديده..و
نواف قاطعها: و ان كنتي تتمنين تستمر هذي الحياه لازم تقابلين لاني بكل بساطه اقدر ادعي عليك عند لارا وبتطردك بكل سهوله.....
سلين باستسلام : متى تتمنى ان نتقابل ؟
نواف: متى ما انتي فاضيه..
سلين : بكرا بعد الساعه 12
نواف بانتصار : ادوارد راح يمرك في سياره تاكسي.. و يحدد مكان اللقاء.. لا تخافي يا سيلين.. انا اعرف تمام كيف اتصرف.. باااي يااا عزيزتي..
سيلين ضغطت على الموبايل بقوه يسوده القهر: ليش تظهر في حياتي بعد كل هذا الوقت بعد ما نسيتك و عشت حياتي بسلام... ما ابي اعيش العذاب اللي عشته ما ابي..
سلين بعد ما اخذت اكثر من شهيق و زفير قررت ترجع للاجتماع جتى محد يشك فيها احد..بعد ما دخلت لغرفه لارا ما لقت احد عرفت انهم راحوا للغرفه الاجتماعات.. لما دخلت لقتهم كلهم على الطاوله لارا ابتسمت و اشرت لها
لارا: سلين تعالي و شاركينا الحوار فانا وراني في مشكله...
سلين قربت و شافت انهم عارضين اكثر من صوره لنجوم مشهورين.. الصورتين اللي كانوا طالعين من المجموعه كانت
للنجم الاميركي براد بيت
http://4.bp.blogspot.com/_Rf5j1Poqhw...0/fdssssss.jpg
و النجم الهندي هيرتيك روشان..
http://i008.radikal.ru/0911/f4/62ac447f7e42.jpg
لارا بابتسامتها المعتاده: اننا نختار النجم الذي يكون في اعلان العطر الجديد.. سوما و جوليا و فكتوريا اختاروا براد بيت وانا وراني نريد هيرتيك و بما اننا متعادلون صوتك سيحسم الوضع..
سسوما بعصبيه: النتيجه ليست متعادله.. انتما اثنتين ونحن ثلاث..
لارا مدت لسانها: انا امثل عضوين فانا الرئيسه...
جوليا بتافف: هذا ليس عدلا سلين اكيد ستختار المديره..
سلين ابتسمت و اشرت على صوره هيريتك..: انا اسفه لكنني اجد هيرتيك اكثر وسامه..
كما اني لا احب براد فهو خائن..

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

فكتوريا عصبت: براد ليس خائنااا...
راني من غير نفس: وما فعله في جنفير انيستون... عندما خانها مع انجلينا جولي القبيحه..
لارا بضحك: هههه انجلينا ليست قبيحه يا راني.. انها بشعه هههههههههههه
سوما عصبت: لا اسمح لكم انجلينا جميله جدا!!! و لا الوم براد ان وقع في غرامها
لارا : انكي تقولين هذا لانك تحبينها ..
جوليا باعجاب: ومن لا يحب انجلينا...
راني رفعت يدها : انا لا احبها و حتى ماري انطوانيت لا تحبها.
لارا نزلت عيونها بحزن لثواني وبعدها رجعت تبتسم : اذا فالفائز هو هيرتيك .. جوليا اجري الاتصال ..
جوليا سحبت موبايلها حتى تتصل على مدير اعمال الممثل لما رن موبايل الشغل : سيدتي انه السيد ادغار..
لارا لوت وجهها وكان الموضوع ماهو عاجبها : انا غير موجوده...
جوليا ردت بتردد: اهلا سيد ادغار... نعم انا جوليا اردت ان اقول ان الليدي...
اسماء ما كان عاجبها تردد جوليا سحبت الموبايل منها بسرعه: انا سوما .. الليدي لارا هنا ولكنها لا تريد التحدث معك.. بااي..
اسماء على طول سكرت الخط الشيء نرفز لارا: سوما كيف تفعلين شيئا كهذا..
اسماء: يجب ان يعرف انك لستي سلعه رخيصه يمكنه امتلاكها بسهوله...
لارا : ان ادغار لا يعاملني هكذا فهو يحبني..
فكتوريا بتملل : مللت من هذي القصه يااا سيديتي... ان ادغار لا يحبك فهو زير نساء معروف في الوسط الراقي. .. وان كنتي مصره على انه يحبك لما لا تبادلينه هذه المشاعر..
لارا هزت راسها: لا.. انا لا يمكن ان اتزوج الا شخصا يجبرني على الوقوع في حبه... وهذا الشيء لا اظن شخصا غير مبارك يستطيع ان يفعله..
راني من غير نفس: سيفعله ... متشرد وسيم من هؤلاء اللذين تساعيدينهم يا ماري انطوانيت...
لارا ما عاد فيها تتحمل كلمات راني الجارحه وقفت و عطتهم ظهرها: عن اذنكم.. يجب ان اذهب الى الحمام..
لارا مشت بخطوات هاديه بس بعدها اسرعت وطلعت من الباب بقوه..
جوليا على طول صرخت في وجه راني: ليس هنالك داعي لمناديتها بماري انطوانيت ياا راني..!!!
راني: يجب ان تعرف انها بتصرفاتها تشبه تلك الملكه الفرنسيه: رقيقه، جميله، هادئه، وثريه و لا تظن الناس كلهم مثلها طيبون.... ولكن يجب ايضا ان تفهم ان نهايه ماري انطوانيت هي ما ينتظرها ان استمرت في اسلوبها هذا يجب ان لا تصدق اي شخص يدعي الطيبه..
راني بسرعه عطت نظره قويه لسيلين و بعدها رجعت عيونها للبنات.. سلين حست ان راني كانت تقصدها بكلامها عن الناس اللي يدعون الطيبه.. فقررت تطلع : يجب ان اخذ حذاء اخر للسيده فهي خرجت عاريه القديمين .. عن اذنكم..
فكتوريا حركت عيونها لراني: راني اعرف انك تكرهينها لكن اهانتك لها ازادت كثيرا و اصبحت ملحوظه.
راني : يجب ان تعرف انه لابد ان تنكشف ان حدث وقررت الخيانه وعندها لن ارحمها.. بما ان لارا لن تستطيع ان تدافع عنها يومها
جوليا: ان ما اخشاه يا راني هو ان لا نكشفها الا بعد فوات الاوان و تؤذي السيده لارا..
اسماء بثقه: اطمئنوا لن تستطيع سلين او غيرها ان يؤذوا لارا فانا ساكون لهم بالمرصاد..خصوصا اني اعرف كيف يتم استغلال طيبي القلب في هذا الوقت..
جوليا: الله قد عوض لارا بك يا سوما... فبينما شخصيه لارا طيبه القلب و هادئه انتي.. شجاعه وقويه..
اسماء هزت راسها لتتاكيد..وبعدها قامت جوليا من مكانها: عن اذنكم ساذهب لغرفتي..
بمجرد ما دخلت جوليا مكتبها توجهة لكمبيوترها الخاص و دخلت كلمه السر و بعدها لمف خاص و هما دخلت كلمه سر و ظهرت لها تصويرات خاصه في كل ممرات و غرف الموجودين في الشركه و بدت تدور على فيديو محدد لما دخلت اسماء فجأه ,
اسماء فتحت الباب بسرعه : جوليا الديـك.... ماذا تفعلين..
جوليا تجمدت في مكانها و تجمدت اكثر لما قربت اسماء و تاملت الشاشه: اتجسسين علينا يا جوليا؟؟
جوليا على طول حطت اصبعها على فمها: اششششششششششششششششش لا تتكلمي .. انني افعل هذا لمصلحتنا و لحمايه السيده لارا..
اسماء توسعت عيونها: بالتجسس؟؟
جوليا سحبت اسماء و جلستها جنبها و اشرت على تصوير الكاميرات: انني اقوم بهذه الكاميرات بتفصح جميع التصرفات و الاعمال التي تتم خلال اليوم..هذا الشيء ما سويته الا حتى اكشف الخاين الذي بينا..
اسماء توسعت عيونها صدمه: خاين؟؟ في خاين بينا؟؟
جوليا: اجل هنالك خائن.. اكتشفت هذا الشيء بالصدفه بينما كنت اراجع بعض المعلومات حول مبيعات شركتنا للعام الماضي... هنالك من عبث بها وقام بنسخها..
اسماء انصدمت من اللي تسمعه في خاين معهم في الشركه كيف؟ وهو كلهمم مثل العائله و اصدقاء قراب من بعض: وهل عرفته؟
جوليا هزت راسها: لا للاسف فانا اعمل على هذا الموضوع منذ شهر تقريبا ولم اكتشف شيئا.. الكاميرات تم وضعها بطريقه متقنه في جميع الغرف باسثناء غرفه الاجتماعات و السيده لارا وذلك لعدم قدرتي على الدخول لهاتين الغرفتين خصوصا ان وضع الكاميرا في غرفه راني وفكتوريا كاد ان يكشف كل شيء..
اسماء انصدمت: ولم وضعتيها فيهما يا جوليا..
جوليا باسى: انني لا استبعد ان يكون الجاسوس واحد منا نحن الاربع ..
اسماء :وانا الست مشتبها به.
جوليا: انتي ابنته صاحبه الملك اليس كذلك؟ ولا اظنك ستؤذين من تدير اموالك... لكنني لا اضمن راني و فكتوريا...
اسماء: ولكن راني و فكتوريا لا يمكن ان يقوما بشيء كهذا..
جوليا: يجب ان افكر في الجميع حتى اصل الى الخائن بسرعه.. و سلين احد هؤلاء الاشخاص..
جوليا كبرت التصوير على سلين في غرفتها لما تكلمت في الموبايل، وسمعوا الحوار: تبا انها تتكلم بالعربيه؟لم اكن اعرف انها تتقنها ؟
اسماء توسعت عيونها حقد على سيلين وهو تسمع الشخص اللي تكلمه: انها تتحدث الى نواف البدر دون شك؟
جوليا التفتت بصدمه: نواف البدر؟ مديرها السابق...
اسماء بحقد رعصت على اسنانها: تلك الحقيره!!!
جوليا: ماذا قالت له؟ تكلمي..
اسماء وهي تاخذ شنطتها: سيتقابلان غدا.. ويجب ان اعرف ما الذي يخططان لفعله؟
جوليا حركت عيونها على صوره سلين و بعدها على اسماء: اتظنين سلين هي الخائنه؟
اسماء: سواء كانت الخائنه ام لا.. ساذهب لكي ارا الموضوع بنفسي..
جوليا : الا يجب ان نخبر لا..
اسماء: لا.. فربما لا تكون الخائنه اللتي نبحث عنها وبهذا الشكل سنكشف موضوع الكاميرات. فلارا لايمكن ان تسمح بوجوده هذه الكاميرات حتى وان كان هنالك خائن..
جوليا: معك حق يا سوما..
اسماء و جوليا استمروا يتناقشسون عن موضوع لقاء سلين مع نواف وهم ما يدرون انه كان في شخص براه المكتب و سمع كل حوارهم..

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

الرياض:
نواف رجع البيت وهو فرحان ان خطته اللي قررها ماشيه على خير ما يرام و قريبا بيمسك ايمان و ماهي بس هي نصيبها في شركة L&M اللي ما عرف كيف حصلت عليه و بعد راح يكسر غرورها و ثقتها بنفسه..
عواطف كانت لابسه و كاشخه و جالسه في المجلس مع ديما يتكلمون لما دخل و استغرب منهم
نواف ببرود: السلام عليكم
عواطف بهدوء: وعليكم السلام..
ديما من غير لا تلتف : وعليكم السلام..
نواف: وين امون حبيبه قلب نواف..
ديما بلعت ريقها بقهر: نايمه في غرفتها
نواف رفع حاجبه: وانتي وين رايحه حضرتك؟
ديما: في خطاب اليوم بيجون لاختي ندى و انا قلت لازم اموت موجوده حتى اوقف معها و عواطف بتجي معي..
نواف : وليش ما راحت معكم فاطمه؟
عواطف بتوتر و فيه شيء من الخوف: فاطمه طلعت من الظهر مع جسار و لحد الحين ما رجعوا..
نواف توسعت عيوننه و التفتت للساعه اللي كانت قريب 7 و بصراخ: وليش ما اتصلتوا عليها؟؟؟؟
عواطف خافت و غاصت بالكنبه اللي كانت جالسه عليها: اتصلت عليها بس جهازها مغلق... و...
نواف عطاها ظهره و على طول ركض لغرفته يتصل عليها .. عواطف كانت مستغربه سبب غضبه بس ديما كانت فاهمه وتقول في نفسها: خايف من جسار يسوي في اختك اللي انت سويته فيني..
نواف اتصل و اتصل على جسار اكثر من مره و اخيرا وبعد محاولات رد: الو؟؟
نواف بجنون: اخيرااا رديت..
جسار: سووري نواف كنت اسوق.. وما اقدر ارد وانا اسوق ..
نواف: انت وينك بالضبط؟
جسار عند باب قصرك نزلت فطومه ؟ خير في شيء
نواف سكر الخط بوجه جسار و على طول نزل ولقى على الدرج فاطمه تمشي وكانها ترقص : فاااطمه؟؟؟
فاطمه خافت من صوته و وقفت: هلاا نواافي..
نواف بقوه مسك يدها و سحبها معه لجناحه: وين كنتي مع جسار؟؟؟
فاطمه بخوف: كنا نتغدا؟؟؟
نواف" تتغدون للمغرب قووووووووولي لي وين كنتي؟. ايش سوووالك هذا الحقير؟؟
فاطمه حطت يدها على قلبها: تشك فيني يااا نواف؟؟؟
نواف: فاطمه ارجوك جنوني كلها شغاله تكلمي و خلصيني ايش كنتي تسوين وليش قافله موبايلك..
فاطمه : اسفه يا نواف انا رحت مع جسار نتغدا صحيح بس بعدها صرنا نتمشى بالسيياره و طلبنا من باسكن روبنز و اكلانه في السياره و بعدها تمشينا شوي في المول ..حتى شوف اشترى لي هذا الاسوار.. و الفون مالي خلص شحنه في الطريق انا اسفه نواف ..
نواف لما شاف الاسوار وانه ينقش عليه الكلام ارتاح و فهم سبب التاخير و تنهد براحه..
نواف: الحمد لله... مره ثانيه فطومه حبيتبي اذا بتطلعين مع جسار قولي لي ارجوك..
فاطمه ابتسمت: مع اني ماني فاهمه سبب هذا الخوف كله بس ابيك تتطمن من اليوم ورايح ما ارح اطلع الا بعد ما اخذك الاذن منك..
نواف باس خدها و سمح لها تطلع: اوكي يا عسل...
بعد ما طلعت فاطمه من الجناح نواف تنفس براحه وفتح ازاير ثوبه و تمدد على الكنبه : الحمد لله .... يظهر ان جسار اخيرا تعدل مع بعد كلامي معه و بيعدل اسلوبه معها ..... الله يستر منك يا جسار و ما يكون تخطيطك لغير هذا الشيء..
-
-
-
باريس:
بعد ما اتفقت اسماء و جوليا على شنو يسوون لسيلين قرروا يرجعون لغرفه الاجتماعات من جديد حتى يكلمون الموضوع الثاني للنقاش..
لما دخلوا تفاجأو بان فكتوريا هي الوحيده اللي كانت في الاجتماع: تاخرتما لقد بدأت اشعر بالملل وحدي ؟
اسماء التفتت في الغرفه : الم تعد السيده لارا؟
فكتوريا هزت راسها بالنفي: وبعد مغادرتكم ذهبت راني الى الحمام ولم تعد حتى الان... وانا بقيت وحدي..
راني دخلت على طول بعدهم بشوي: رجعتم؟
اسماء: كانت جوليا تتحدث الى الهاتف مع حبيب القلب ولم استطع ان امنع نفسي من الاستماع لهم..
راني تنهدت: اهاا حسنا.. اين لارا؟
لارا فتحت الباب و دخلت والابتسامه العريضه على وجهها: ما رايكن بحذائي؟؟
لارا مدت جزمتها الكعب الطويل المزين بالكريستال و شريطه حريره لملتفه على الساق وتنتهي بورده جوريه كريستاليه..
فكتوريا صفرت: واااااااااااااااااوو جميل جدااا
اسماء عصبت: اليس هذا الحذاء الذي سيعرض في عرض الازياء؟
لارا: لا.. انه النسخه الاضافيه الغير معدله.. فانا اضفت حجرمن الفيروز على التصميم ...
راني حددت بعيونها على لارا: لا احد افضل منك في انتقاء الافكار المميزه... فانتي عارضه سابقه..
لارا ابتسمت رغم ان وجهها كان عليه علامات حزن: انا كنت و مازلت عارضه.. ولا يهمني المال فانا لدي الكثير منه.. انا اقوم بما اقوم به لاني احب الازياء..
اسماء مشت لعند لارا وحضنتها من ورا: كل شيء يناسبك مهما كان بسيطا يا عزيزتي وايضا لا احد يشك في حبك للازياء..
لارا حطت يدها على ايد اسماء: حبيببتي سوما..
فكتوريا صفقت: يااا ناس نحن هنا!!! توقفوا عن هذي الحركات..
اسماء مدت لسانها لفكتوريا: غيوووره..
لارا التفت حولها و بعدها قالت: سلين غادرت قبلي الم تعد؟
فكتوريا ردت : لقد عادت ولكنها طلبت الاذن مني حتى تغادر فهي تشعر بعدم تحسن..
لارا عقدت حواجبها: مسكينه انها ترهق نفسها بالعمل كثيرا..
اسماء كانت تاشر من ورا لارا للباقين وتوحي لهم بالغضب...
فكتوريا هزت يدها لهم: هل استطيع ان اناقش موضوعي الان؟
لارا ابتسمت و اشرت للكل ياخذ مكانه حتى تناقش فكتوريا الموضوع الاهم.. عرض الازياء..
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

في بيت منصـور :
ندى كنت جالسة تحط اللمسات الاخيرة وتلبس حلق كبير وردي متناسب مع فستنانها كنت لابسة فستان اسود ناعم ميزن برسوم ورديه حاطة كحل وغلوس وردي وفاتحه شعرها ...
تنهدت بخوف وقالت: الله يعين.. احس رجولي مو شايلتني
ام سعود دخلت على بنتها و على وجهها نظره غاضبه: انتي قايله لريم ان شوفتك اليوم؟
ندى هزت راسها: اي و رحت المول معها..
ام سعود: وليش تقولين لها؟؟؟!!
ندى : ليش يا امي في شيء؟؟
ام سعود: اي اكيد فيه... انتي ناسيه ديما ايش سوت في خطبه ريم قبل.. ؟ تتوقعين ان ريم ما راح تستغل هذي الفرصه حتى تنتقم منا؟
ندى انقهرت من كلام امها و من نظرتها للناس: ريم لايمكن تسوي هذا الشيء.. اولا لانها صديقتي انسانه نقيه و صافيه و ثانيا ريم ماهي ديما!!
ام سعود عصبت و كانت بترفع يدها في وجه ندى بس رجعتها: لو ان شوفتك ما هي اليوم كان استخدمت معك اسلوب ثاني... يااا ندى..
ام سعود طلعت على طول و ندى رجعت تتامل شكلها في المرايا من جديد تذكرت عرس ريم.. وشلون كانت امها حنونه و تقرا عليها طول قبل لا تدخل الصاله.. حست بدمعه بتنزل من عينها لما دخلت ريم الغرفه..
ريم بابتسامه: مرحبااا!! ايش هذا الزين كله..
ندى ابتسمت وقالت في نفسها: وتلومني ليش اتصلت فيها..
ريم صارت تعدل على شكل ندى و تقرا عليها.. شيء كان المفروض ام سعود تسويه..
ندى: مشكوره يا ريم..
ريم : عفوا ما سويت شيء...
ندى: لا انتي سويتي الكثير..وما راح انساه لك ابدا...
ندى نزلت مع ريم للمجلس و مسك يدها و دخلها لعند خطيبها.. ريم ودعتها بفرح و طلعت تتنتظرها في غرفه الجلوس لما شافت ثنتين ما توقعت تقابلهم.. ديما و عواطف..
ريم بتردد: السلاااام عليكم..
ديما رفعت حاجبها : وعليكم السلام.. انتي هنا؟
ريم هزت راسها: ما قدرتتتت امنع نفسي ...ندى عزيزه علي..
عواطف من غير نفس وهي اكثر وحده متشوقه تكون مع ريم لحالهم: ههه ندى صارت عزيزه عليك.. سبحان الله كنا ثلاثتنا قراب من بعض .. ما ادري ايش اللي غيرنا؟
ريم ابتستمت بتوتر: ومازلنا يا عـ..
عواطف بعصبيه قاطعتها: لااا تكذبين.. متى كانت اخر مره اتصلتي فيها علي يا ريم...؟ متى كانت اخر مره دعيتني نطلع مع بعض قوولي؟
ريم توتر وما عاد تتكلم عدل ديما ما كان عاجبها هجوم عواطف على ريم وهي في بيتهم واليوم شوفه اختها لكن ما حبت انها تتعب نفسها بالدفاع عن احد.. نهائيا لاني في نظرها ريم ما تستاهل اللي يدافع عنها و لا عواطف تستاهل اللي يساندها.
ريم: انا ما اكذب انا ..
عواطف : خل نكون واقعين يا ريم انتي قطعتي علاقتك فيني من رفضت مشاري اخوك صح.. لايكون كنتي صايره صديقه ندى حتى تقنعيها تتزوج اخوك؟؟
ريم رفعت عيونها بقوه غير معتاده منها: لا لاااا تتتدخلين مشاااري في المووووووضووووعع هوو..
عواطف بقوه هاجمت من جديد: اجل من تزوجتي الامير فووواز وانتي رافعه انفك اللي محتاج كسر..صح؟؟
ريم استغربت: الامير؟؟؟
عواطف عطتها نظره حقد: شاب وسيم جدا... غني.. طيار ما يعرف غير المزاح والكلام الحلوو و غيرها هذا حنون و يشفق على اللي مثلك ولا من يراضي بوحده ارمله قبيحه مثلك.. اكيد لازم ترفعين انفك على اللي مثلنا...
ريم: من فضلك يا عواطف لا تدخ...
عواطف من غير لا تحس طلعت الكلمه من فهمها على طول: يكون بعلومك هذا الانسان اللي تظنين انك محظوظه فيه ورافعه انفك علينا من تزوجتيه ...كان خاطبي قبلك!! وانا رفضته..
ريم رفعت عيونها صدمه: نعم؟ خير ايش قلتي..
عواطف بثقه مصطنعه: اللي سمعتيه واذا مانتي مصدقتني اسئليه او اسئلي عمي محمد ... انا مثلك كنت مخدوعه بكلامه المعسول و ضحكه .. لكن نواف رفض هذا الززواج لان تصرفاته اللي يسافر بره كلها ما تناسب وحده مثلي.. و حتى مع المضيفات في الرحلات الطويله..
ريم هزت راسها بالنفي: هذاا كذب!!! كذب....
عواطف التفتت لديما: هذا صحيح ؟؟ قولي يااا ديما صح؟
ديما ترددت في انها تقول لا ما حصل بس ما كان عندها استعداد تخسر عواطف الانسانه الوحيده اللي تتكلم معها في البيت و تدخل بمشكله جديده معهم بعد وو هي اسااااسا كانت تحقد على ريم لانها سعيده في حياتها...
التفت لريم وقالت: انا مالي دخل... بس هذا اللي قاله نواف لما خطب فواز عواطف.. قبل خطبته لك بمده قصيره..
ريم نزلت الدموع من عيونها بجنون: لا كذب كذب...
عواطف: ماضيك هو اللي تسبب في خطبته لك.. عرف انك رضيتي بفضلت فاطمه قبل... تذكرين فهاد اللي كان خاطب فاطمه بعد ما رفضته رضيتي فيه انتي و عرف بعد انك ترضين باي شخص.. فلهذا قرر يخطبك...
ريم حست انها بتختنق ما عادت تقدر تتحمل من غير تفكير عطتهم ظهرها و طلعت من البيت على طول ..
عواطف ضحكت بانتصار بعد ما طلعت كل اللي كان داخلها..
ديما التفتت لها: ليش سويتي كذا؟؟
عواطف: تستاهل... لا تسوين فيها برئيه انتي مشتركه معي في الجريمه..
ديما تنهدت بالم بغضب يسوده تاذنيب الضمير..كانت تظن ان اللي صار لها هو نتيجه ظلمها و حقدها على الناس.. وانها ان تابت راح يتعدل كل شيء لكن يوم عن يوم صار هذا الشيء يزيد ما عادت تقدر تطلع منه..
بعد فتره من الانتظار رجعت ندى من عند مجلس الرجال متلونه باللون الاحمر من الخجل و دخلت عليهم: مرحباا..
ديما ابتسمت لها: اهلاا
ندى: شلونك عواطف؟ شلونك ديما.
ديما: بخير,,
عواطف بفضول: كيف كان العريس..
ندى ابتسمت: ههه يجنن.. وسيم.. واسلوبه عسل و يضحك و فوق كل هذا محامي ممتاز و شاطر و بعد ابوه صاحب فلوس كثيره.. بصراحه ماني قادره انتظر العرس ههههه
عواطف بنبره خبيثه: يااا جرئيه انتي ..
ندى التفتت حولها و ما شافت ريم: وين ريم؟.
عواطف بسرعه كذبت: ما شفناها يمكن في غرفتك؟
ندى بسرعه طلعت من عندهم وراحت لغرفتها بسرعه بس ما لقت ريم .. توجهت لموبايلها حتى تتصل فيه عليها بس انصدمت لما شافت رقم متصل فيها اكثر من مره.. وفجاه رن من جديد..
ندى ما كانت من النوع اللي يرد على ارقام غريبه بس الرقم كان متصل كثير فخافت ان الموضوع يكون خطير ردت بسرعه.: الو؟؟
عبدالعزيز بصوت غاضب: ان كنتي تظنين اني راح اسمح لك تتزوجين غيري فانتي غلطانه..
ندى خافت من صوت عبدالعزيز: عبدالعزيز؟؟
عبدالعزيز وهو محافظ على صوته المخبف: اي عبدالعزيز.. اللي خدعتيه ووعدتيه تنتظرينه حتى نتزوج ونبني عش حبنا .. عبدالعزيز اللي طاردتيه بمسجاتك الغراميه سنين و بعدها قررتي اخيرا انك تصارحينه وجها لوجه...
ندى: عبدالعزيز انا
عبدالعزيز بقوه: ارفضي اللي متقدم لك يا ندى وانهي الموضوع بسلام..
ندى بلعت ريقها و بخوف قالت: ما اقدر ياا عبدالعزيز
عبدالعزيز: خير؟؟
ندى: انا صار لي سنتين انخطب و ارفض لاني انتظرك وامي و ابوي سالوني اكثر من مره ليش ارفض اللي يخطبوني .. والحين ما اقدر انا اسفه..
عبدالعزيز: تتخلين عن حبنا بهذي البساطه يا ندى؟؟؟
ندى بالم: انا اسفه يا عبدالعزيز... الله يرزقك باللي احسن مني بكثير..
عبدالعزيز بتهديد: زواج من غيري يا ندى ما راح تتزوجين الا على جثتي فاااهمه..
ندى كانت بترد بس عبدالعزيز سكر التيلفون شيء موتها من الخوف اجبرها تجلس على الارض و تتكور على نفسها: عبدالعزيز ليش تسوي كذا ليش.. بعد ما اقنعت نفسي اني خلاص بعيش حياتي من غيرك.. ليش..
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

اليوم الثاني..:
في مطعم من الدرجه الثانيه على اطراف باريس كان نواف جالس في زوايه شبه معزوله ولابس كاب و نظارات وملابس لاعب قولف حتى ما احد يعرف و يتنتظر سلين اللي مشت لعنده بتوتر..
نواف ابتسم: مرحباا سلين.. مر وقت طويل على اخر مره تقابلنا فيها..
سلين بتوتر جلست: كان هذا يوم طردك لي من الشركه و ضربي و سحب كل املاكي..
نواف بعيون محدده: انتي كنتي تعرفين زين اني ممكن اسامح اي شيء الا الخيانه.. وانتي خنتيني و كشفتي شيء لايمكن كان يطلع لانسانه تحدتني...
سلين: سيدي نواف انا خايفه لو سمحت اتمنى نختصر.
نواف: سلين لا تخافي حرسي هنا و يراقبون المكان وراح يرصدون اي شخص غريب و فوق هذا انا متنكر انتي نفسك ما عرفتيني لو ما اشر لك ادوارد علي.. اللي بدوره هما متنككر..
سلين: ايس اللس تبيه مني يا سيدي؟
نواف: معلومات..
سلين: حتى تدمر شركه l&m ?
نواف هز يده قدامها: طبعا لا.. لاني لو كنت بدمرها كنت استخدمت مجلس القوه الخمسه.. صح... كل اللي ابيه معلومات.. حتى اعرف اتصرف معهم و اعرف بعد ان كانوا يستحقون اشاركهم..وطبعا مكافأتك راح تكون ارجاع كل املاكك اللي اخذتها ووظيفتك السابقه ان كنتي تبينها
سلين حست برعصه في قلبها معقول بعد هذا الوقت ممكن انها ترجع لنواف تشوفه كل يوم وترجع لعملها اللي كانت تحبه: عن من بالضبط هذي المعلومات
نواف: عن العضوات الجميلات طبعا..
سلين: انا اعرف معلومات تفصيليه عن ثلاث منهم بس.
نواف حدد عيونه: ايهن.
سلين: راني و فكتوريا و جوليا..
نواف رفع حاجبه: واسماء؟
سلين تنهدت: اسماء كانت تشتغل في الشركه قبلي..
نواف: متى بالضبط تعينتي عندهم؟
سلين بدت تشرح بالنفصيل حتى ما يوترها باسئلته: بعد ما طردتني.. حاولت ابتدي اي شغل بسيط من حسابي الخاص لكن هذا الشيء كان صعب و شبه مستحيل تدريجيا صرت احاول اشتغل في اي شركه لكن هذا الشيء كان مستحيل خصوصا بان كل كان يعرف اني كنت احد سواعد المهمه .. وواحده من اكثر الناس اللي يوثق فيهم .. الكل كان يظني جاسوسه.. وطردني... بعد تسع شهور .. قررت اسافر لباريس و ازور الشركات هناك و في النهايه وصلت لمبارك عبدالمحسن.. مبارك انسان طيب القلب و حنون و كان يتمنى انه يساعدني لكن خوفه من الغدر كان يخوفه.. لكن لارا واللي كانت زوجته في تلك الفتره و ينتظرون طفلهم الاول طلبت منه يتناسى اي شيء صار و يعطيني فرصه وهذا اللي صار..
نواف رفع حاجبه: واضح ان لارا طيبه كثير..
سلين ابتسمت بحزن: راني تسميها الغبيه بسبب هذي الطيبه..
نواف بعيون خبيثه: وراني ايش تعرفين عنها؟
سلين: انها اقوى الموجودين.. انسانه قويه انسانه ما تخطي لارا خطوه قبل لا تقدم على شيء كل اعضاء مجلس الاداره يحترمونها و يثقون باي خطه تهتم فيها و هي تكرهني لاني كنت اشتغل معكم و هذا الكره ناتج من كرهها لكم..
نواف: سمعت انها كانت متزوجه اسامه؟
سلين : هذا الشيء صار قبل لا اشتغل معه بمده طويله ...
نواف باصرار: و جوليا هما تكرهنا..
سلين: كرهها نابع من سبب مختلف.. راني تكره الغرور اللي كان في اسامه وتحاول تسكره بقوتها.. جوليا تكرهكم بسبب الظلم اللي عاشته بسبب تدمير عائلتكم لعائلتها ..
نواف: تتوقعين ان الصدفه هي اللي اجمعت شخصين يكرهونا في الشركه؟
سلين: كنت شاكه في الموضوع من مده.. لكن ما رجحت الصدفه.. لان تعاملتنا في الدول الاوربيه كانت كثيره مثل تعرف و اكيد تضرورا ناس كثير .. خصوصا ان فكتوريا مثلا ما عندها اي عداوه لنا و هذا الشيء نفسه لاسماء..
نواف: ابي اللي تعرفينه عن اسماء يا سلين..
سلين: قلت لك ان اللي اعرفه هو مجرد معلومات عن الشغل بس..
نواف: وايش هي شغلتها
سلين : اسماء هي اذن الشركه في المجتمع.. الشركه اعطت المجال لاي شخص يتمنى يعرض فكره او موديل او لون للمكياج .. فهي تسمع لهم و تعطي النصايح في الازياء و تسمع اقتراحاتهم.. و اللي يقدم شيء مميز يكافئ بمنصب مصمم.. و بعد تسمع اراءهم ومشاكلهم في الازياء و المكياج حتى يسون حل له..
نواف رفع حاجبه على الفكره الغريبه: بمعنى انها طورت فكرت نادي العشاق الى نادي المصميمن.
سلين: ايش قلت يا سيدي؟
نواف : ولاشيء كملي عن راني اي هي وظيفتها..
سلين: السيده القانونيه في الشركه ما تمر اي مناقصه او عمل من غير موافقتها القانونيه عليه.. هذا الشيء منع الشركه من السقوط في اي مشكله قانونيه...
نواف: وجوليا؟
سلين: هي المتحدثه الرسميه للشركه و ما يصدر اي بيان باسمها او رد على الصحافه قبل مشاورتها؟
نواف: وفكتوريا.؟
سلين: مسؤوله العروض و التصميم الرئيسي و تتولى المسابقات دايما .. وهي عارضه الشركه الاولى..
نواف: ممتاز؟ عندي استفسار بسيط يا سلين..
سلين: ماهو؟
نواف : لارا ؟ كيف كانت علاقتها مع مبارك وهل لديها اي تطلع للرجال من حولها؟
سلين هزت راسها: لا.. لارا كانت تعيش مع السيد مبارك قصه حب جميله و رقيقه كانت ما تفارقه الا لاقل من ساعه و ساعتنين.. و بعد وفاته اعتزلت الرجال و رغم ان طالبيها كثر و اولهم السيد ادغار؟؟
نواف بعيون محدده: دايما كان ادغار عنده ذوق في الحسناوات..
سلين حست بحقد و عصبيه في قلبها وهي تصرخ داخلها: ليش يا نواف؟؟ ليش بعد هذي السنين تظهر في حياتي حتى تذبحني من جديد بكلامك عن غير بحب..
نواف: سلين؟ الديك شيء اخر تفيديني فيه؟
سلين مدت له مجموعه من الاوراق: لا طبعا غير ملف بسيط عن طريقه تعاملهم انا اعرف ان هذا احد الاشياء اللي تبيها مني..
نواف: دايما تفهميني يا سلين...و بعجبني اسلوبك... اهلا بعودتك...راح انتظرك في مقرنا بالرياض؟؟
سلين وقفت من مكانها : شكرا على هذا الكرم..
نواف بابتسامته الساحره: عفوا يااا سلين..
سلين على طول عطته ظهرها و طلعت من المطعم و انصدمت باسماء تنطرها برا: اسماا؟؟؟
اسماء بعيون غاضبه: ترجعين للشركه وتاخذين اغراضك كلها و ابي اشوف وجهك من جديد.. والا اقسم بالله ... اخلي راني تتصرف معك باسلوبها..
سلين نزلت عيونها باسى وقالت: مافي داعي.. انا ماشيه من غير لا تقولينن.. طلبي الوحيد هو ان الليدي لارا ما تعرف.
اسماء:ولو اني اتمنى اقولها حتى تعرف حقيقه الانسانه اللي فتحت لها بابها و كرمها و لمتها من الشوارع الا اني ما راح اسويها .. لاني ما ابي اشوف الحزن في عيونها...
سلين: شكرا يا سيده اسماء.. شكرااا
اسماء لمحت نواف يمشي من مكانه للباب على طول عطت سيلين ظهرها و ركبت سيارتها و حركت فيها.. سلين مشت على رجولها حتى تدور على تاكسي و نواف ركب سيارته الفخمه و اشر للسواق يتحرك..
ادوارد: اعرفت شيئا مهما؟
نواف: الكثــير... انا الان اعرف من ساهاجم وكيف..
ادوارد: ولكنك طبلت من سعود و تولي راني و عبدالعزيز تولي اسماء؟
نواف بثقه: هؤلاء ليسوا الا بطاقات تضليليه للهدف الذي من خلاله سادمرهم ..
ادوارد: عرفت نقطه ضعفهم..؟
نواف: نقطه ضعفه وحده و حتى اوصل لها كان لازم اكلف سعود و عبدالعزيز بتورلي الثنتين..
ادوارد: لا تقول
نواف رفع يده على شكل اوكي: بينقووو.. اجابه صحيحه.. ايش راح تسوين حتى تحميها يااا سيده الحب...
موبايل نواف رن في نفس اللحظه اللي قال فيها نواف كلمته سحبه كان رقم غريب.. استغرب ان رقم غريب يتصل على هاتفه الخاص.. فلهذا رد..
نواف ببرود: الو؟؟
بصوت كله دلع و ثقه.. صوت انتظره وقت طويل: مرحبااا نواف.... وحشتك صح؟
نواف توسعت عيونه بصدمه: ايمااااااااااان؟؟
-
-
-

نهــــــــاية الجــــــزء

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

●●●
يمرحبا بك هلااااااااااااااااوغلااااااااا
يسعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

البارت الحادي عشر:
البـــيت الكبيـــر الفخـــم المليان باجمل التحف و الاثاث غالي الثمن كان صعب عليه بل مستحيل يصنع السعاده لسكانه من اكبرفرد فيهم الى اصغرهم...
دخل نواف القصـر بعد يوم طويل من الشغل كان متشوق لراحه و هدوء.. عشاء هادي عائلي ، او رومانسي حميمي مع زوجته.. لكن شي له زمان من اختفى لدرجه ان نواف اعتاد على البرود فيه...
مدام انجيلا في استقبال نواف عند الباب: اهلا سيدي...
نواف ببرود تلفت في الصاله و ماشاف ساره واللي ماهو من عادتها في هذا الوقت: اين سيدتك؟
مدام انجيلا: اي واحده..
نواف بتافف: سيدتك ساره..
مدام انجيلا بهدوء: السيده ساره مع السيده عواطف و السيده فاطمه عند البحيره ..
نواف حس ان الموضوع فيه شيء مادامهم جالسين عند البحيره في هذا الوقت .. مشى بهدوء لعندهم و بعد ما قرب تاكدت شكوكه ان في موضوع مهم بينهم..ظل واقف يسمع لهم
عواطف كانت بوسط ازمه بكاء و فاطمه جالسه جنبها بعصبيه و امهم مقابلتها بوجه اكثر عصبيه...
ساره بنبره جاده و غاضبه: الحين بافهم ايش اللي تبينه بالضبط
عواطف وسط ازمه بكاءءها: ما ادري مااا ادري!!!!!
ساره بصراخ: ايش يعني ما تدرين.. تكلمي عدل
فاطمه بنفس نبره الصراخ: تقووولك ما تحبه يعني ما تحبه !! ليش تحبرونها ترجع له...
ساره: انتي مالك دخل.. اصلا انتي اخر وحده تتكلمين.
فاطمه توسعت عيونها على الاخر: ليش ماما ؟؟ انا ايش فيني..
ساره بقهر: تركتي الزين و ر كضتي ورا اللي ما حبك و لا يبيك وهذي اخرتها .. معلقه صار لك سنين .. اللي تزوجوا معك معهم ولد ولا اثنين...!!!
فاطمه انقهرت بس بلعت دموعها و منعتها تنزل: تعاييرين باللي سواه ولد اخوك؟
ساره: انا ما اخترته انتي اصريتي عليه... و خليتي اخوك يلتف عليه و يجبره فيك!!! والحين ناويه تدمرين حياه اختك!!
عواطف بدموع حركة عيونها لها : ماما ارجوك.. فاطمه مالها ذنب...
ساره برده فعل قويه: الا لها كل الذنب .. اصلا ماهو من حقها تناقشنا في اي شيء ما عمرها سوت خير تدخلها كله في الشر حالها حال اخوها!!! اللي ان فتحت اي وحده منكم فمها وقالت له شيء راح يكووون غضبي عليكم ليوم الدين...
فاطمه بالم: انزين ليش!! نواف اخوي... ورجال...... احسن انه اللي يكلم .........
ساره بسرعه قاطعتها: عواطف بنتي هي الوحيده في هذا البيت اللي ما اندمرت حياتها على يد اخوك!! و انا ناويه احافظ على هذا الشيء حتى اخر يوم في حياتي... رجالها مافيه شيء.. هي دلوعه و تحتاج اللي يرشدها لطريق الصح.
عواطف: مااا يحبني!!!!!!!!!!!!!
ساره وهي تهز راسها بالم: كان يحبك !! وانتي ضيعتي هذا الحب من يدك بغباءك و ارشادات اختك الغلط..... التراجع الحين مستيحل ... لا تنسين انك حامل.. يعني صارت علاقتكم من المستحيل انهاءها..
عواطف استمرت تبكي وفاطمه ترادد امها اللي استمرت تسكتها و تنصح بنتها... نواف راقب و سمع الحوار بالكامل... عائلته ما عادت هي نفسها عائلته السابقه... كل واحد فيهم صار يحمل في قلبه حقد عليه حتى وان اظهروا عكسه في وجوده.. كان يحس بتناقض... هدفه من البدايه كان تدمير كل افراد هذي العائله بس ليش الحين بدا يحس بالم و حزن لما يشوف اي واحد فيهم بمشكله او متضااايق
عطاهم ظهره و قرر يتوجه على طول لجناحه ما كان ابدا على استعداد يكلمهم لانه عارف ان كل فرد فيهم بيرسم على وجهه ابتسامه مصطنعه و بيرحبون فيه و هم يتمنون فراقه.. ركب الاصنصير و للدور المخصص له لما انفتحت الباب كان في صاله صغيره ميزنه للجلوس المؤقت بكافه ملستلزماتها و ممرين واحد يمين وهو جناحه الخاص و يسار وهو جناحها... بهدوء اخذ جهة اليمين لكن بعد تردد تراجع و اخذ اليسار كان عارف ان اختياره غلط و مصيره بيندم.. لكنه كان محتاج كثير انه يشوفها...
بهدوء قرب من الباب و فتحه ببطاقته الخاصه خلع جزمته و دخل بهدوء حتى ما تسمعه ، فتش عنها في غرفه الجلوس و المكتبه وحتى في غرفه العرض ما حصلها مشى لغرفه النوم و اخذ اكسجين ممزوج مجموعه من العطور الفرنسيه حرك عيونه و شاف الشموع على طول التسريحه و الفواحات الملونه واللي كانت مملوءه بالعطور الفرنسيه نواف ابتسم للمنظر وحرك عيونه على احلى تحفه.. كانت جالسه على البلكونه و معطيته نص جسمها لانها كانت متسنده بشكل جزءي على الطرف، كانت تتكلم في الموبايل و مبتسمه بشكل ساحر نواف بدا يقرب لها وهو يتامل شكلها الخطير كانت لابسه فستان احمر دم الغزال بعلاق واحد مايل على جهه وحده ضيق من بفوق وبعدها ينزل بشكل منفوش من تحت لحد الركبه و شعرها الاشقر منزلته بشكال مموج على طوله و طبعا وردتها الحمرة فيها و اللي ما تشيلها مهما كان لون الفستان ، مكياجها كان اوفر و مزينها اكثر و اكثر نواف ظلت الابتسامه على وجهه و العيون الحانيه لحد ما سمع ايش كانت تقول...
بصوت ناعم معتاد منها : يااا مذوووبني في احلى عذاااب ببعث لك في عينيا جوواب ... مش لوووم يااا حبيبي ولااا عتاااب مش اكثر من كلمه آآآآآآآآآآه ياااا حبيبي بحببببببببببببببببببببببببببببببك اااه يااا حبيبي...
نواف في اللحظه اللي سمعها تغني فيها ركبته كل جنون الدنيا بجنون مشى لعندها و سحب الموبايل بقوه ....: نووووووووواف انهبلت؟؟؟؟
نواف اخذ السماعه و بسرعه تكلم : الو الووو!! مااا ترد يااا حيووووان!!!!!!
بسرعه تبدل ملامح الغضب اللي كانت على وجهه وهو يتكلم الى ملامح كلها صدمه و احراج : ريم؟؟ سوووري....... لا عاادي انا اللي غلطت..... مع السلامه...
نواف سكر الخط من ريم و حرك عيونه لها : ما في كان داعي ابدااااا لهذا التصرف شنووو شااايفني قداامك!!؟؟؟
نواف: حقي كيف تبيني اتصرف وانا اشوووفك تغني مثل هذا الكلام على التيلفون..
عطته ظهرها و مشت بعيد:ريم انسانه رومانسيه تبي تحفظ كلمات الاغنيه حتى تغنيها لزوجها اللي يستاهلها... على عكس ناس.... نظرتهم للناس نابعه من نظرتهم لنفسهم...... خاين و غدار و تظن الناس كلها مثلك...
مسك كتفها العاري و بقوه اجبرها تلفت له: لما اكلمك لا تعطيني ظهرهك..
ابتسمت بخبث له: للاسف ما ابي اعطيك وجهي قبل لا امسح المكياج....
نواف: وليش تمسحينه؟؟
ببرود: لانه ما عاد له لزمه.. الصفقه ووقعتها و دوخت كل اللي في الاجتماع و خلاص..

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

نواف توسعت عيونه على الاخر بجنون: كنت طالعه كذاااااااااااااااااااا..
وكأن شيء ما صار: لا تخاف لبست عباه بس لما دخلت الاجتماع فصختها ...
نواف رفع يده بس لما شاف انها ما تاثرت رجعها : ليش ما تضربني؟؟؟ اثبت رجولتك ياااا رجال...
نواف ابتسم لها رغم انه كان يغلي من داخل: راح اثبتها بشكل ثاااني...... عطاها ظهره و مشى للحمام...
حست بشيء من التوتر بسببه: وين راااايح؟؟؟؟
نواف بغرور : بيتي و ادخل فين ما ابي... بتروش و اطلع.. اشوووفك جاهزه اوكي... و اعتقد انك عارفه ايش اقصد يااا سيده الحب...
ظلت عيونها عليه وهو مبتسم... تركته يدخل بهدوء... نوااف ظل تحت الدش يتنفس بصعوووبه و ينزل في درجه حراره الماي لحد ما صار ثلج.. يحس في داخله نار كبيره يبي يطفيها باي شكل قبل لا يطلع.. ويفجرها عليها و هو شيء ما يمتناه للانسانه اللي يحبها بكل انواع الجنون...
طلع بعد ما حط منشفه حول جسمه يعرفها تكره هذا الشيء مثل ما توقع ما سوت اللي امرها فيه... لانها ما كانت تنتظره الفستنان الاحمر كان مرمي على السرير بدأ يتلفت و ما شافها قرب من السرير و شاف بطاقه عليه جنب الفستان
أشبع في الفستان اللي دوخك....
بسرعه كبيره ركض للبلكوووونه و شافها تطلع من البيت لسيارتها بكل قوه عنده صرخ: ايمااااااااااااآآآآآآآآآآآآآآآآآآآآآن
ايمان رفعت عيونها له و شافته على البلوكونه ابتسمت بخبث و كملت طريقها للسياره : اطلع على بيت بابا...
سواقها الخاص سوا اللي امرته فيه سيدته و طلع على طول....
بمجرد ما عدا البوابه لاحظت ان الحرس كان يركضون من وراهم: سيدتي يظهر ان الحرس يبون منا شيء؟
ايمان ببرود كانت عارفه ان نواف عطاهم الامر انهم يقفلون البوابه و ما يسمحون لها تطلع بس للاسف ما امداهم و كانت اسرع منهم .: ما عليك منهم ...
موبايلها رن رن رن كانت تشوف الشاشه باجدد لقب اختارته له ( الحقير ) بعد ما تركته يرن يرن يرن ... ردت : نعم..
نواف بنبره جنونيه: ارجعي دااااااااام النفس عليك طيبه...
ايمان: شنوو بتسوي لي يعني لو ما رجعت بتذبحني .... يكووون احسن... ..
نواف: قلت لك ارجعي يعني ارجعني...
ايمان ببرود: ان كنت لهذي الدرجه محتاج حرمه.... حريمك كثاااااااار... و صديقاتك اكثر روووح لوحده منهم .. اما انا انسى فااهم...
نواف: ايمان............... طوطوطوطو................ ايمااان..
ايمان سكرت الخط في وجهه وعلى وجهها ابتسامة نصر...: جنونك هذا دليل على ان لعبتي وصلت المراحل النهائيه .... راح الكثير و ما بقى غير القليل ... حلفت لاقطع راس الحيه .... اول و بعدها راح اتفرغ لتدمير الحشرات الصغيره اللي تحتها... اجبرتني العب معك لعبه لايمكن تفوووز فيها... لعبتي اللي محد يغلبتي فيهااا ابدااا يااا نواااف...
من جهة ثانيه نواف اتصل و اتصل لكن ما حصل جواب طلع من اسمها و توجه لاسم جسار كان بيتصل بس وقف: كيف افسر له شيء مثل هذااا...
رمى بنفسه على السرير وصار يتنفس بصعوووبه كان حاس بقهر و الم كبير بعد فتره حاول يهدي نفسه و اتصل على ادوارد: ادوارد... وقف خدمه الانترنت على ايمان...
ادوارد باستغراب: مره ثااانيه؟؟
نواف بعصبيه غير معتاده منه: مااا تفهم قلت وقفها يعني وقفها من غير نقاااش...
ادوارد انصدم من نبره نواف بس قرر يسوي اللي طلبه منه كان نوع من العقاب لها .. يسكر خدمه الانترنت عنها حتى ما تدخل نادي العشاق و تمارس هوايتها ..: اوامر ثانيه سيدي؟؟؟
نواف حرك عيونه للفستان اللي كان مرمي على السرير: اطلب من ميس تتجهز حتى تجيبها معك...
ادوارد: سيدي انت انفصلت عن ميس....من ..
نواف بسرعه قاطعه وهو يضغط على راسه: نسييييييييت... قصدي لميس ...
ادوارد: اوامرك... لفين سيدي؟؟
نواف: للقصر الكبير..
ادوارد: والسيده ساره..
نواف: هذا بيتي و اسوي اللي ابيه فيه...
ادوارد : حاضر سيدي
نواف سكر الخط و مد يده للفستان وقربه من وجهه: حتى لو لميس لبستك حتى لو صبغت شعرها للون الاشقر حتى لو مشت او تكلمت مثلها... ما راح تكون هي و هذا ( ياشر على قلبه) لا يمكن ينبض بقوه لشوفها....
نواف اخذ الفستان و ضمه لصدره و هو يتخيل صاحبته مكانه : كيف وصلت لهذي المرحله كيف سمحت لك تتلاعبين فيني بلعبتك يااا ايمااااااااان......................
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

الوقت الحاضر ( ملاحظه من الكاتبه : الحين راح يكون دور نواف في انه يتذكر لان في البارتات السابقه كانت ايمان وكل شيء من وجهة نظرها اما الحين بيكون من وجهة نظر نواف)
-
-
ايمان توسعت عيونها و هي تشووف: عااامر؟؟؟؟؟؟
عامر استغرب من اللي سمعه من غير قصد تامل وجه الولد اللي كان مع نواف بصدمه: ايمان؟؟؟ انتي ايمان صح
نواف رفع حاجبه باستغراب وحرك عيونه ما بين ايمان وعامر: تعرفون بعض؟؟
ايمان وكان كلمة نواف نبهتها على شي: عامر قريبك اللي كلمتني عنه ياا نووواف؟؟؟
نواف ما فهم سبب عصبيتها بس جاوب: اي هو؟
ايمان بسرعه عصبت و صرخت في وجهه: تزوجت على نووووووووووف ياااا عامر...
نواف انصدم من صراخها اللي لفت انتباه كل اللي كان في المطعم : ايمان وطي صوتك...
ايمان بجنون وكان عامر مسوي جريمه صرخت في وجه نواااف: ماني موطيه صوووتي و بيقوووووووول هذا الحقير ليش تزوج على نوووف اللي ما قصرت معاه بشي...
عامر كان مصدوم منها و بنفس الوقت مندهش من صراخها على نواف: نوف ما قالت لك؟
ايمان : تقول لي شنوو؟؟؟
من بين الحشووود اللي التفتت حول المجموعه تقدمت نوف لعند عامر: شنوو صاير...
ايمان توسعت عيونها لما شافتها: نوف؟؟
نواف توسعت عيونه من شوفه لنوف وهو يقول في نفسه: ماااغي؟؟ لااا هذي نووف بس شلون .. تصير زوجة عامر....
نوف بتوتر: ايمان شنوو هالصدفه اللي ...
ايمان تراجعت لورى من الصدمه و بسرعه عطتها ظهرها و طلعت : ايمااااان..
نوف طلعت تركض وراها: ايمان لحظه............
عامر كان بيركض وراهم بس تراجع الشيء اللي استغربه نواف: ما راح تركض ورا زوجتك؟ هي زوجتك صح.....
عامر تنهد بعد ما جلس : اي زوجتي.... اللي افضل اتركها تتفاهم مع اعز صديقاتها بهدوء..
نواف رفع حاجبه و ببرود: اعز صديقه لها و ما تعرف بزواجها ... انت اكيد تمزح....
عامر هز راسه باسي: لا ما امزح رغم ان ايمان اعز صديقه لنوف و عمر وهم مع بعض.... نوف خجلت تقووول لها اللي سوه اهلها فيها...
-
ايمان استمرت تركض و نوف و راها اللي بان عليها التعب: ايمان دقيقه... خليني افهمك..
من غير انذار ايمان وقفت الشيء اللي خلى نوف تصدمها و تطيح على الارض...: تفهميني شنووو؟؟؟ تفهميني انك خبيتي علي زواجك... حتى اعرف عنه بالصدفه؟؟؟؟ و اصير مثل الخبله قدام الناس؟؟؟؟
نوف انفجرت بكي : سامحيني..
ايمان: اسااامحج شلووون اسامحج بعد ما خليتني مثل الخبله قدام زوجج و ولد اختي.... انا لما عرفت ان عامر متزوج وحده و مسافر معها انجنيت ما قدرت اتمالك اعصابي ما قدرت اسطير على نفسي و اكيد طحت من عين ولد اختي... و فوق كل هذا طلع من غير اي سبب لان عامر ماهو خاين... متزوج صديقتي..
نوف: ايمان دقيقه خل اكلمج...
ايمان: كلمتيني... كلمتيني كل يوووم لكن للاسف ما قلتي لي ولا حرف عن هذا الموضوع وكاني غريبه.. اناااا انااا يااا نوف خبيتي عني؟؟؟؟؟ انا توقعت من الناس كلها الخيانه لكن ابدا ما توقعتها منك...
ايمان عطت نوف ظهرها و كملت طريقها نوف ظلت تمشي وراها بتعب: ايمان...
مجموعه شباب فرنسين قربوا من نوف و بدا يتهامسون جنبها طبعا نوف ما كانت فاهمه شيء و خافت خصوصا انهم في الشارع لحالها: شنوو تبووون............................. ايماااان.... ايمان لا تخليني... ايماان..
ايمان رجعت لها و بمجرد ما شافت النظرات الشهوانيه في عيونهم و يد واحد منهم على كتف نوف ركضت لها و بقوه ركلته في بطنه : تستااااهل يااا كلب...
الشاب اللي ركلته ايمان بجنون قام من مكان و طلع من جيبه سكين و نفس الشيء الاثنين الي كانوا معاه، نوف بخوف وهي تحتمي ورا ايمان: ايمااان..
ايمان بلعت ريقها خوف: يظهر اني زدت الطين بله...
الشباب قربوا منهم ايمان كانت بتهرب بس لما وقفت سياره جنبهم و نزل منها سكيووورتي نواف ارتاحت .. ادوارد كلم الشباب بالفرنسي بس طبعا اللي ركلته ايمان ما رد عليه و مشى ادوارد طلع من جيبه مسدس و رمى فيه الارض اللي قدام الشاب الشيء اللي خلاهم يتراجعون ويهربون...
ادوارد: انسه ايمان انتي بخيــر..
ايمان ابتسمت بغباء: مثل الافلام..
نوف: مو وقته يااا ايمان..
ايمان تذكرت اللي صار و بعدت عن نوف بس نوف مسكته: ايمان... انا راح اشرح لج كل شيء.. بليييز اسمعيني..
ايمان بتاافف: اوكي... كلي اذااان صاااغيه...
-
-
نواف سكر الخط من ادوارد و ابتسم لعامر..: ادوارد لقااهم و بيرجعون معه.. مافي اي داعي للخوف.
عامر اللي خاف بعد ما تاخرت زوجته و حبيــ... صديقه زوجته ..ابتسم براحه: الحمد لله.. ارتحت..
نواف: ارتحت من الهم بس ما ارتحت مني... عامر ممكن تفهمني اللي صار بالضبط..
عامر بعد ما تنهد : ما ودي اقول بس اعرف اني ان ما قلت لك بتصر على انك تعرف وراح اقول في النهايه...
نواف بابتسامه: الحمد لله انك تعرفني يا ولد العم..
عامر بهدوء: نوف خطيبتي هي صديقه ايمان... من عمر هذا اللي انا اعرفه.. و من مده قررت احدد موعد العرس هند اختي اختارت شهر 12 لانه حلو و مناسب لشغلي مثل تعرف شغلنا اغلبه يكون في الصيف....
نواف: اوكي و بعدين..
عامر: تفاجأت باتصال من ايمان صديقه نوف بعد فتره من تحديد العرس..
نواف رفع حاجبه وكان في كلام عامر شيء ما عجبه: وانت متعود تكلمها..
عامر هز راسه وحس بشيء من السلبيه من نواف فابتسم: لا.. هي كانت المره الاولى و الاخيره ... اصلا انا ما توقعت الاتصال...
نواف: انزين؟
عامر: قالت ايمان ان موعد العرس غير مناسب لنوف اللي تدرس في الصف الثاني عشر . . و تبي تنقل لي رغبه نوف في تاجيل العرس... انا صدقة كلامها لاني اعرف كيف نوف تحبها و توثق فيها في اسرارها .. و لهذا اجلت العرس للصيف بس....
نواف: ما ابي اجرحك يااا عامر بس ما تعتقد ان صغيره على الزواج...
عامر نزل راسه: ادري..
نواف: ليش ما خطبة وحده اكبر منها ... عمرها 17 الحين يعني كانت 16 يوم تملك عليها !!!
عامر: والله ادري..
نواف وهو يلعب دور المصلح الاجتماعي: يعني لهذي الدرجه انعجبت فيها و ما قدرت تصبر ليوم العرس...
عامرو هو يقول في نفسه والله لو تدري بالحقيقه: الموضوع ماهو كذاا ... اخوانها...
نواف : اخوانها ايش فيهم..
عامر من اسبوع تقريبا تفاجأت باخو نواف الكبير جاي لي البيت و معه نوف و قال لي ... ان الحرمه مكانها بيت زوجها و تركها عندي من قبل لا اعطيه رد..
نواف توسعت عيونه و كان عامر ضرب وتر حساس عنده: اخوها .....هو اخوها من...
عامر: اخوها من ابوها بس... نوف هي البنت الوحيده من ام ثانيه ... و اخوانها سبب في كل مصيبه تصير لها ....
نواف في نفسه: مثلي...ماغي مثلي!!!!