على ذاك الجدار اللي على حد البيوت الطين...
............ وقفت وهاجس الذكرى نفض في قلبي غباره.
وقفت أطلق مدى شوفي وأناظر مفرق الدربين...
........... وأشوف الدار وعيوني تضم الدرب وجداره.
أجل هذا الجدار اللي سهر يوم العرب غافين.....
.................... أجل هذا الصديق اللي ذكرته وأذكر اسراره.
أنا أذكر يوم يجمعنا يغطينا برمش العين.....
................... نسج ليله وسوابه على عشاقه ستاره.
حجر لكن احس انه يحس بفرحة القلبين....
....................وأحس أنه نفس لكن غدا جامد من اقداره.
حجر يوم العرب تنسى اذا مرت عليها سنين...
...................حجر يوم العرب تـنـسى حبيب مبعده داره.
ولكن الجدار اللي تركته من هذاك الحين......
................ عرفني يوم قابلته وبلل دمعي حجاره.
جلست وهاجت الذكرى وقلت بخاطري مسكين...
.................. ثمان سنين في وحشه ولا أحد بيننا زاره.
وفا ذاك المكان اثبت بأن الادمي من طين.....
..................تخيل يوم لامسته تنهد من شقا ناره.
سألني قال أنا أذكركم تجوني با الظلام اثنين...
.................. بكيت وقلت صدقني رحل وأنقطعت أخباره.
العرض العادي
