"حرب المهالك"
ابتدت حرب المهالك وأنتهى السلم ومجاله...
وأرتكب اهل الجريمه ابشع انواع الجريمه.
داهمو بغداد جيش الشرك وأحفاد الضلاله..
حنوا لتدمير تاريخ الحضارات القديمه.
بين بعثي العراق وبين جرذان العماله..
انـثـنـت ياويل قلبي بنت الاسلام العظيمه.
آآآآآه ياوجدي عليها وجد من ضيمه خواله.
ان نواهم صاحت امه وان تركهم صاح ضيمه.
أو وجود القاصر اللي مغتصب عمه حلاله.
هو يتيم بين ربعه ماله الا اخت يتيمه
أو وجود النادر اللي ناطح الغاره لحاله
ان وقف زادو صوابه وان وقع صاحن حريمه
او وجود الدين اللي مرتكب جرم خماله
بعد ما قصوا يمينه اعترف راعي الجريمه
او وجود اللي خصيمه فاجأه وقف قباله
جالين من وسط ربعه وأشجع اربوعه خصيمه
او وجود الطيب اللي تو ماكبروا عياله
بعد ماكبروا عياله صار طيبهم هليمه
او وجود اللي يمينه باالسلاسل مع شماله
شيخ قومن عقب عزه عاش حقران وهضيمه
حسرتي والله على حسنك يابغداد وجماله
حسرتي والله على الشعب العراقي في جحيمه
كل ماقيل قصفوها آتصيقه للمقاله
ياعرب موت القلوب اليوم عاهه مستديمه
لا تورونا صورهم اتركوا كلن بفاله
البدوا والذيب يلبد لانبح كلب الخريمه
يعني ويش رايح نسوي غير ياله ياللاله
لاتحرون القلوب القاسيه تصبح رحيمه
لاني مغير زمان ولاني امحرم حلاله
بس اشوف ان العروبه تسحب اذيال الهزيمه
سامح الله من قراني مافهم فحوى الرساله
مدرك ابعاد الكلام ونيتي والله سليمه
الشهر هذا محرم والله محرم قتاله
بس يالله ماعلينا كل ضربه بتعليمه
ابشروا يا الشرق الاوسط با التسكع والبطاله
يامدورة الغنايم انتو اليوم الغنيمه
جت مغول الغرب يم الشرق والقصد احتلاله
خلف هولاكو اوروبا جوك يـتـلون البهيمه
من متى كان اليهودي له على المسلم جماله
من يقول ان العواقب مانتايجها وخيمه
عارفين المستخبي اندثر وقت الجهاله
والغبي اللي يفكر لذة الدنيا مقيمه
يولد الحي ويموت وينولد حي بداله
والحظيظ اللي خطا رجليه دايم متقيمه
أشهد ان المهدي اللي ننتظر طول وصاله
وصل الاحباط الحناجر وأقطب المجهول غيمه
باكر تشوفون باكر قولوا ماقال الطواله
كان ماباكر غدينا للخنازير الوليمه
العرض العادي
