على الموعد بلهفة جيت ... لا مانع ولا تاخير =
لفيت من العصر هايم مع ان الموعد المغرب =
وجتني بس انا ما ادري شعرت الجيه هذي غير =
وهي تقرب من عيوني شعرت ان الممات اقرب =
وقلت الله يهونها عسى في جيتك لي خير=
انا من شفتك اقبلتي وانا خايف ومستغرب=
على كثر الحكي مدري كأنه خانها التعبير =
قالت لي جمل واشياء لاتكتب ولا تعرب =
هدت فجأه تطالعني وانا في حاجة التفسير=
لجل نحكي بهدوء اكثر سالت الحلوة وش تشرب ؟=
وصاحت بي انا احبك ولك في هالحشى تقدير =
وتدري ان المثل فينا وفي احساسنا يضرب=
صحيح انك وفي وانك بري من تهمة التقصير=
ولكن ذي عوايدهم من ايام وزمن يثرب =
تكون البنت لابن العم ورغبات الكبار تصير =
وتدري الاقربون اولى من انك للخفوق اقرب=
وتدري للقدر كلمة لعادات الاهل تأثير =
لذا ارجوك تتركني وانا من دنيتك باهرب=
شعرت بحكيها كنه قصاص وأمر بالتعزير=
شعرت الدنيا ضاقت بي من المشرق ليا المغرب =
مشت خلت وراها طفل ما يدرك وش التدبير=
يحسب ان الغرام اشعار شاعر واغنية مطرب=
ضحكت وما قدرت اني الاقي لضحكتي تبرير=
من اللي بوقتنا مره ضحك من لدغة العقرب=
رفضت استوعب اللي صار ولا استسلمت للتغيير=
ثمان اسنين اجي نفس المكان بحزه المغرب=
برغم ان الثمان سنين جرح وكلفتني كثير =
انا لليوم اجي وادعي .. تجي يا رب .. تجي يارب=
لا أعرف قائلها ......=
العرض العادي
