السلام عليكم ورحمة الله وبركاته ...
في يوم من الأيام ... وفي مرة من المراريت ... وفي زمن من الأزمنة ليس ببعيد <<< ياهووو ياللغة
قبل ما يقارب الشهر أو أكثر من الشهر بشوية صغيرة ... كنت رايح أتسوّق وأتبضّع <<< كاتب الموضوع عشان هالكملة ...
المهم في هذا اليوم قررت إني أروح الفيصلية وأشتري من هناك الملابس <<< وطبعا العشا قبل الملابس وقبل كل شي <<< يحب بطنه هالدب
المهم وأوقف سيارتي بعيد شوي عن السوق ((عشان ما يشوفوني الناس وأنا نازل منها<<<يتفشل من سيارته<<<ماني قايلكم وش موديلها لا تحاولون
)) وأنزل على رجليني عشان أدخل السوق ... ويوم أقرّب ولا وألاقي ذيك الزحمة وذيك الأمم ... أنا والله يوم شفت هالزحمة قلت بس هذي هي المظاهرة اللي نسمع عنها ... وأديور وأرجع أبي الفكة بس
... ويوم ألف وجهي ولا وألاقي وراي الناس يتراكضون كنهم منحاشين من شي وجايين جهتي ... ومن ضمن اللي راكضين <<< حلوة من ضمن ,,, أنا شخصيا عجبتني !!!!
ومن ضمن اللي راكضين شلة بنات الله لا يوريكم ... يوم شفتهم عرفت وش سبب المجاعة اللي صايرة بالصومال ... وعرفت وش أسباب الزلازل والبراكين ... وعرفت كيف أحل سؤال جاني بأحد اختبارات الرياضيات ولا حليته <<< مدري وش دخل حلّ السؤال بالبنات بس هي كذه جت معي
المهم ويدفوووني هالسحالي يبون يوصلون السوق وأنا واقف بطريقهم ... وأنا أقووول :
لاااااااا ... سيبوني يا ناس ... حرام عليكم ... أبي أرجع البيت أمي تبيني اليوووم أنام بالبيت مابي أنام بالتخشيبة
وأناظر اللي جنبي وألقاه يناظرني مبتسم ... ويقووول الله يهديك
واللي وراي يدفوووني وأسمع وحدة منهم تقول للي جنبها: تغاريد شوفيلك حل بهالتمساح اللي قدامك نبي نلحق مكان بسرررعة
<<<< تحسب نفسها رايحة سينما !!!
وألتفت عليها وأقول:
انتي تغاريد مشرفة القسم الإسلامي
وتقول:
ايه أنا تغاريد ... من انت يالتمساح ...
قلت:
روحي اسألي ندووو وهي تعلمك من أنا <<< ينقال أبي أعجزها
ولا تلتفت وراها وتكلم وحدة ماهي باينة وراهم ... من كبرهم مختفية اللي وراهم ... وتقووول : ندووو تعرفين هالتمساح !!!
وأطالع ندووو وألقاها مسيكينة تلف يمين ويسار تبي تشوفني بس ما قدرت اللي قدامها مغطين عليها ... ما ألومها قدامها جبال الألب
المهم وتفقد الأمل ندووو بأنها تشوفني وتقول لا ما أعرفه
وفي أثناء هذا الحوار <<< مستلف هالجملة من مدرس اللغة العربية حق أخوي الصغير
دخلنا السوق ... وأنا طبعا دخلته مجبور ولا أنا ما ودي أبي الفكة ... وداخل السووق نشوووف هالناس وهالأمم ... والناس أجناس ... المهم وأطالع يمين وألقى شلة عصاقيل كنهم مساويك ومعهم واحد باكستاني ((السواق)) الظاهر يبي يبسط عليهم ويبيعهم بس مو ملاقي مكان فاضي
وألتفت يسار وألقى شلة شباب شعورهم واقفة وأمر من جنبهم وأقولهم : يعطيكم العافية يا شباب ... والله البلد من دونكم ظلمة وحر
<<< أحسبهم شغالين مع شركة الكهرب وشعورهم وقفت من مسكة كهرب
وأناظر فوق على الدور الثاني وألقى الناس كلها واقفة على الدرابزين ... وفيهم شلة شباب لابسين أحمر على أصفر وألوان فاقعة وأنا أنادي واحد منهم وأقوووله: تكفى جب أخوياك ونظفوا الأرض هنا ... وبعدين كم يوم لكم ما جيتوا شلتوا الزبايل ((الله يعزكم)) من حارتنا ... الحكومة صارفتلكم رواتب عالفاضي ... ويطالع فيني أبو الشباب ويسوي انجليزي ويقوول: يس يا مان أوف كورس
وعلى الدرابزين فوق شلة بنات لابسين عبايات على طرف أكمامها علم المملكة ... وأجي جنبهم وأصف معهم على الدرابزين وأقوول يله كلنا بصوت واحد ((سارعييييي للمجد والعلياء
))
المهم وأشووف أشكال وألوان وكل ما مريت من جنب شلة أسمعهم يقولون وين هشام جا ولا لسه ... وأنا اتساءل في نفسي مين هو هشام ... أحسبه زعيم هالمظاهرة
والبنااات كانوا معبيين السوووق ... وأنا من كثرة البنات اللي هناك استنتجت استنتاج ذكي !!!
قلت أكيد هالمظاهرة للمطالبة بحقوق المرأة
المهم وأقووول مالي إلا ندووو هي تعلمني ... وأرجعلها وأناديها:
ندووو ... ندووو
ندووو:
مشمش ... وش جابك هنا يالدب ...
أنا :
أبد جاي أتظاهر معكم ... جاي أشتري حاجات ندووو ... انتي وش جابك ؟؟؟
ندووو:
جاية أشووف هشااام ...
أنا :
هشااام مين يا ندووو ؟؟؟
ندووو:
هشام حق ستار أكاديمي يالشين
أنا :
آهااااا ... الحين فهمت وش هالزحمة ذي عشانه ... طيب وهو جا ولا لسه ؟؟
ندووو:
لا لسه ما جا للحين ...
وتلمع في رأسي فكرة جهنمية وتولع لمبة فوق راسي ...
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
تبووون تعرفووون وش الفكرة ؟؟؟؟؟؟؟؟؟؟؟؟؟
ماني معلمكم الحين ... بالحلقة القادمة من موضوعي بأعلمكم وش الفكرة
الحين عطوني آرائكم بهالجزء ...
انتظر ردودكم ... ولي رجعة معاكم ...
أخوكم:
مشمش ...
أنا ... والفيصلية ... وستار أكاديمي ... ورئصني يا جدع !!!!
و سيارات ارحم من سيارات
العرض العادي
