ما رجيت من الفرح إلا رضاك وما بكيت إلا علشانك قهر.. الكاتبة. . بائعة الورد

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر



رنا وهي تتوضا طالعت بوجهها بالمرايه
أصفر وتحت عينها هالات سود من الإرهاق ما تقدر تنام
كل ما جات تغمض عينها تصحى على كوابيس بفارس
غسلت وجهها بالمويه مره ثانيه
أخذت منشفتها الصغيرة نشفت وجهها ويدينها منها ورجعتها
طلعت وهي على وشك تبكي تذكرت لما كانت تصحي فارس للصلاة وتستناه اللين تعطيه المنشفة وثوبه
لبست جلالها الصلاة ووقفت ع السجادة تصلي
...... وهي ساجدة دعت ربها يشفيه وبكت بحرقه وهي تدعي انه يرجع لها بالسلامة
يا رب ترده لي سالم يا رب
يا رب ترحمه برحمتك وتجعل المرض مغفرة له يا رب
يا رب تصبره وتكون بعونه
مسحت دموعها وهي تسلم من الصلاة
انسدحت ع السرير بتعب وهي تستغفر وتقرا ردها بعد الصلاة
غمضت عينها أهلها ما قصروا معها
كل يوم وحده تجي تسهر عندها
مع أنها تعرف أنها ما هي عاطيتهم حقهم وتجلس ما كأنها جالسه معهم سرحانة بعالم آخر
أمس جات أمها وهاله ما طلعوا إلا ع الفجر جا أبوها جلس وبعدين رجع معهم
وقبله جا سعود وزوجته
بس ولا احد ما حست بجيته
مسحت دمعتها ليتك موجود يا فارس ليتك ما رحت وخليتني...


بعد الصلاة وهو راجع مع أبوه
لحقهم رجال كبير بالسن وهو يمشي بصعوبة يا بو نواف يا بو نواف
أبو نواف وقف ولف بوقار هلا السلام عليكم
أبو إبراهيم وهو يلهث وعليكم السالم شخبارك طالع بعبد الرحمن وأنت وش مجيبك عند أبوك متضارب مع زوجتك أكيد طولت لسانها ما تعرفهم ذولي الحريم يبغالهم تأديب
أبو نواف ابتسم
عبد الرحمن استغرب منه لكنه ابتسم شبه ابتسامة
أبو نواف بابتسامة هذا عبد الرحمن مو عبد الإله يا بو إبراهيم
أبو إبراهيم ما يسمع زين وشووووو
أبو نواف قرب منه هذا ولدي عبد الرحمن مو عبد الإله
أبو إبراهيم بزعل تكذب علي يا بو نواف
أبو نواف ابتسم لا والله ما اكذب عليك هذا توأمه تذكره يوم كان صغير
أبو إبراهيم شك بنفسه كيييف؟؟
أبو نواف تنهد قصة طويلة بعدين أقولك هي جا بيمشي مع عبد الرحمن
مسك عبد الرحمن من كتفه إلا تتقهوى عندي اقلط حياك وتقولي السالفة الحين
أبو نواف مسكه اليوم العصر تعال عندي فيه عزيمة عندي وأقولك القصة كلها
أبو إبراهيم بشك متأكد
أبو نواف ههههههه افا عليك اكذب عليك أنا
أبو إبراهيم وهو يمشي حاشاك بس ترى بجي حتى لو ما كان فيه عزيمة
أبو نواف وعبد الرحمن ههههههههههههه
عبد الرحمن وهو ماشي مع أبوه سبحان الله فيه ناس فيهم فضول عجيب
أبو نواف ههههههههه هذا أبو إبراهيم رجال على قد حاله بس قلبه ابيض
دخلوا القصر
أبو نواف تثاوب بتعب يللا يا عبد الرحمن أنا بروح أنام تعرف بالأغلب أنام بدري بس اليوم عشانك
عبد الرحمن باس يده تسلم خليك مرتاح أبوي
أبو نواف وهو يطلع الاصنصيل معه مرتاح وأنا بوك


دخل غرفته يبدل ملابسه شاف علبه ع السرير
أخذها قلبها بيده وجلس يفتحها
كانت جوال من احدث الجوالات الجديدة
ابتسم وهو يقرا
خواتك الجدد
التوين
^_^
طلع الشريحة من جواله وحطها بالجوال الجديد وفي باله فكرة
طلع من جناحه راح جناح البنات دق الباب
فتحت سمر وسحر الباب أهلا تفضل
دخل عبد الرحمن وهو يطالع بالجناح البناتي
سمر وهي تأشر له بابتسامة مرح شوف هذي صالتنا الصغيرة وهذا البوفيه الصغير نحط فيه المويه والمؤن اللي خبرك من شبسات وغيرها
عبد الرحمن ههههههههه إيه
أشرت على غرفتهم وهذي غرفتنا والحمام الله يكرمك داخلها



ما كان اقل فخامة من جناحه
عبد الرحمن جلس على الكرسي اللي قدامه اشر على الدبين الكبار بابتسامة أيام تناموا عليها
سمر وسحر هههههههههههههههههههه
عبد الرحمن ابتسم والله ما اشك مره كبار
سمر هههههههه هذي عمي الصغير جاب لنا هي من كندا
عبد الرحمن ما خطر بباله ...متزوج؟؟
سحر ايواا متزوج ويا قلبي عليها زوجته توه متوفي أخوها الحين هو هنا أصلا
عبد الرحمن تذكر طالع فيهم بسرعة وش اسمه
سمر ابتسمت اسمه سلطون سلطان
عبد الرحمن تأكد ابتسم وريني صورته تحمست اعرفه
سحر وهي تفتح وحده من الدروج عندي صورته يوم عرسه بعد انتظر شوي
طلعت الصورة ورجعت الصور الباقيه تفضل شوف
عبد الرحمن اخذ الصورة وقال بهدوء هو نفسه
سمر وسحر ؟؟؟
عبد الرحمن طالع فيهم وهو يعطيها الصورة بحزن هذا يصير زوج أخت خويي اللي كنت معه بأمريكا وتوفى
سمر قالت بحزن وهي ترجع الصورة عظم الله أجرك
سحر الله يرحمه
عبد الرحمن ابتسم وأجركم آميين الحين شرايكم نطلع نفطر
سحر قامت بحماس يللا ترا الفطور جاهز تحت
عبد الرحمن ابتسم لا بطلعكم نفطر برا
سمر صرخت بحماااس يااااااااي عبوود ليه توك تجي لما قربنا نتزوج
عبد الرحمن فهه طالع فيهم كيف لسى مشواركم طويل قدامكم كم سنة الحين بأي سنة بالثانوي
سحر وسمر طالعوا ببعض هههههههههههههههه
سمر ثاني جامعه رفعوا دبلتهم مع بعض شوووف من شهرين مملكين
عبد الرحمن بتعجب مملكين والله مو مبين عليكم
ابتسم وطالع بسحر اش اسمه خطيبك
سح بحيا فيصل
عبد الرحمن توسعت ابتسامته عاشت الاسامي
وأنتي سموور
سمر ابتسمت خالد
عبد الرحمن بابتسامة ايييه خسارة يعني ما بتونسوني كثير كلها كم شهر
سمر بابتسامة أسف كلها شهر وبيصير زواجنا
عبد الرحمن اوكيه يللا استناكم عشان نطلع نفطر

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر



هشام ابتسم وهو يسلم عليه يللا أشوفك فارس
فارس بتعب وإرهاق خلي بالك على رنا ابتسم وبوس دانة عني
هشام هههههههه حتى وأنت مريض ما تترك حركاتك كمل بنبرة إنشاء الله
فارس رجع راسه ع السرير الله معك يوووه مو قادر اصبر متى اشوفها
هشام ابتسم وهو طالع يللا لا تنسانا من دعائك وموية زمزم المقري فيها كل يوم اشرب منها اقل شي خمس كاسات
فارس ابتسم إنشاء الله
طلع هشام للمطار رايح يجيب رنا
فارس تنهد بعدم صبر يا ربي متى أشوفك يا رنا حاس قلبي مو قادر يصبر
لف وجهه للشباك أنوار البلد قايمه والناس رايحين جايين في منطقة زي برلين في المانيا سكانها في حركة أربع وعشرين ساعة
ما توقع انه بيوم من الأيام يكون معه هالمرض ولا خطر بباله سبحان الله
لمعت عيونه بشوق وهو يتذكر مواقفه مع رنا وكم مره وعدها انه ما بيخليها ابتسم كثير رنا كانت تخليه يوعدها انه ما يخليها
ابتسم بمرارة لكنه ما نفذ الوعد واخلفه
تنهد الله يجيبك بالسلامة


عبد الرحمن وقف وهو ماسك مفتاح السيارة
سمر ابتسمت يا هووو شوف أبوي وش منقي لك
سحر ابتسمت وهي تمسح عليها بأصباعها يا سلام لونها خطير
عبد الرحمن ابتسم لا توسخيها
سحر ههههههههه لا تسويلي زي صالح
عبد الرحمن فتح باب الفياقرا السوده ومن داخل المقعد مخطط تايغر كحلي واسود لونه خطير
قال بشرود تفضلوا
كان يفكر كيف الله انعم عليه لازم يوفر شي من اللي معه يرسله لفلسطين لإخوانه هناك
يتبرع لهم ما راح ينقص منه شي
حرك السيارة بهدوء
سمر عبوود اشفيك سكت مره وحده
عبد الرحمن ابتسم أفكر
سحر بشووو ايواا صح أنت مو ناوي تتزوج
عبد الرحمن ابتسم حاليا لا خليني اشبع منكم
سمر ههههههههه يوووه أخوك قصته قصة عنتره تذكري سحر هههههههههههههه
سحر هههههههههههههههههه ايواا
عبد الرحمن ابتسم حماس هو قال لي اليوم بياخذني بيته وبيقول لي عن أشياء كثير يمكن تكون من ضمنها هذي
طالع فيهم ودكم بمكان معين
سمر بتفكير امممم قالت مع سحر مره وحده كوستا
عبد الرحمن نقع من الضحك هههههههههههههههههه الحين انتو دايما تتكلموا مع بعض
سمر ابتسمت لا أيام تطلع لحالها
عبد الرحمن هههههههههههه تحفه
اوكيه كوستا كوستا بس وينه
سحر ابتسمت فيه بالظهران مول


تنهد والله وش أقولك يا بوي أنا جاي عشان أجيب له رنا حالته كل مالها تزيد وطلب انه يشوفها
أبو سامي ضرب كف بكف لا حول ولا قوة إلا بالله الله يرفع عنه ويعينها هالمسكينة لو تشوف كيف صايره جسم بدون روح كأنها ما هي بعايشه
حابسه نفسها ببيتها مو راضيه تخرج منه تقولك إلا مع زوجها
هشام نزل عيونه للأرض بحزن
أم سامي مسحت دمعتها متى بتسافروا
هشام رفع راسه وهو يقوم بكره طيارتنا على طول
أبو سامي الله يكون بعونكم وأي شي تحتاجه يا هشام ما يردك شي وأنا بوك
هشام وقف تسلم يا بوي ما تقصر بمر على عمي وبعدها بروح لرنا
أم سامي الله معك
طلع وقال للسواق يوديه بيت أبو فارس
حطت راسها على كتف أبوها بابا
أبو فارس آمري بنتي
دانة وعيونها تلمع سألت عن فارس
أبو فارس باستغراب اييه بس أنتي ما كلمك زوجك
دانة بكذب كلمته بس جواله كان قفل
أبو فارس اييه كلمته أنا وقال انه الحمد لله ماشيه أموره لكن يبغاله صبر
دانة رمشت بعينها الله يشفيه ويرجع والله اشتقت له
أبو فارس ابتسم شهر أكيد بتشتاقين له
دخلت الخدامة مستر هشام
طلعت
دانة عقدت حواجبها بابا مو كأنها قالت هشام
أبو فارس حتى أنتي سمعتيها غريبة
دخل هشام شافها
الزمن وقف
بدلعها اللي ما يتغير وما تتركه
بجامتها البيضه كأنها ملاك
شعرها مرفوع
وخدودها محمره
مميله راسها على كتف أبوها بدلع
ابتسم لا شعوريا وهو يسلم على أبوها كيف حالك يا عمي
أبو فارس وهو يسلم عليه والله بخير وش المفاجأة الحلوه هذي عساك جاي لخير
هشام بعد ما سلم عليه وقف قدام دانة وهي واقفة بصدمة
ارتبك
تصرف بدون إرادته
قرب منها وقرب راسها له غمض عيونه وباس جبينها لثواني
كانت طويلة
زي الجبال لهم
رفع عيونه الناعسة لها وهي تقول وشلونك يا دانة شلونك حبيبتي والله اشتقت لك وفقدتك
جلس الحمد لله بخير وصحة أنا جيت عشان آخذ رنا لفارس
دانة منزلة راسها وهي مستحية اول ما قال هالكلمة رفعت راسها
جات عينها بعينه
هشام طالع فيها ولف على عمه يقول وده يشوفها
أبو فارس بضيق يعني ما تحسن
هشام تنهد اكذب عليك لو أقولك انه أحسن لكن تعرف العلاج يبغا له صبر
أبو فارس أيده صادق الله يكون بعونه يا رب ويشفيه طيب متى مسافر أنت
هشام بكره
دخلت أم فارس قالت باستغراب هشااام؟!!
هشام ابتسم وهو يوقف هلا خالتي هلا
سلم عليها جلست جنبه وشلونك وشلون فارس يا عمري عليه وبدت تبكي
هشام يهديها ما عليه يا خالتي بأحسن حال أنتي بس ادعيله
طالع بدانة وهو يقف أنا مضطر أروح لرنا الحين اتطمن عليها
أبو فارس خذ راحتك يا ولدي بس تعال تعشا الليلة عندنا ها
هشام رفع عيونه لدانة والله ودي بس أبوي طالبني
أبو فارس ابتسم دام فيها عبد الله فلك الإذن
هشام ههههههه يللا أشوفكم على خير
طلع من عندهم وهو لسى مرتبك من دانة للحظة كان وده يضمها ويعتذر منها لكنه مسك نفسه بالقوة

دانه اول ما خرج انسحبت على غرفتها
دخلت جلست على الكرسي المرتفع حقها وهي حاكه وجهها بين يدينها
خدودها محمره استحت من هشام يمكن لأنه صار لها مده ما شافته
ابتسمت ااااااااااااه يا قلبي عليك
رجعت راسها وهي تمسك قلبها اللي يدق بقوة ودي يجي اليوم ما مداني أكحل عيوني بشوفته
نفس شكله ما تغير نفس حنانه
عوجت فمها قبل لا يظهر العصبية اللي فيه
ابتسمت هو عصبي وما يتحمل بس رغم كل هذا امووووت فيه
انسدحت ع السرير
يا ترا بشوفه متى بعد هالمرة ما اعتقد بكره يمر قبل لا يسافر
تنهدت الله يرجعك مع فارس بالسلامة


دخل القصر وطلع على طول على جناحها دق الباب ما ردت عليه
انحرج يدخل لها خصوصياتها رجع دق الباب مره ثانيه
لما ما سمع رد فتحه
شاف المكان فاضي ومرتب
دق بابا غرفتها النوم ما ردت فتحه
نفس الشي شاف المكان فاضي
طلع من الغرفة شاف وحده من الخدم وين مدام رنا
الخادمة هزت راسها ما ادري
طلع هشام بتفكير اهاا عرفت وين ممكن تكون
مو هو اللي صمم بيته مع فارس عرف وين بتكون
راح لجنب المطبخ تحت وضغط الاصنصيل السفلي عند السجادة ونزل فيه
اول ما دخل كان المكان هادي ومظلم بإضاءته الخافتة
وفيه صوت خافت ميزه صوت فارس الهادي وهو يغني
طالع بالصالة الصغيرة


تنهد من حقها يا فارس يصير لها اللي صار
وقف عندها
قطعت قلبه وهو يشوفها مسنده راسها ع الكنبة العريضة ودموعها على خدها وهي مغمضه عيونها بروب نومها الطويل الوردي
لما حست بحركة فتحت عينها شافت هشام وقفت بسرعة
هشام ابتسم رنااي ما اشتقتي لي
رمت نفسها بحضنه وهي تبكي هشاام
هشام يمسح على شعرها بحنان يالبيه آمري
رنا وهي تبكي بهدوء شلون فارس
هشام تركها وهو يمسح دموعها لا تبكي أنا جاي آخذك له مو وعدتك
رنا فرحت وهي تمسح دموعها تتكلم جد
هشام جلس معها والله جد
رنا بعدم صبر اليوم
هشام ابتسم اصبري شوي أنتي وزوجك كأنكم جالسين على نار
رنا وهي تمسح دموعها أنت ما تدري وش صار فيني يا هشام يوم قمت وقالوا لي انه فارس سافر
مسحت دمعة طاحت من عينها ورفعت عيونه الواسعة له أنا من اول كنت حاسه انه مريض بكيت بس ما توقعت لهالدرجه
ضمها له بس يالغاليه لا تزعليني عليك اطلعي جهزي شنطتك والبسي باخذك لبيت أبوي
رنا بإصرار لا ما بروح
هشام عنيده زيه يفهم لها فع راسها بيده بخفه وش هو اللي لا
رنا بعناد ما بروح لبيت أبوي بظل في بيتي
هشام ركب راسه العناد وإذا قلت ما في سفر لو ما رحتي
رنا بوزت لا تتمنن علي
هشام هههههههههههههههههههههههههههههههههه
رنا لا شعوريا ابتسمت
هشام فديت هالابتسامة والله اللي ترد الروح قومي يللا ولا تصيري عنيده زي أخوك
رنا وهي تقوم يعني تعترف انك عنيد
هشام ما اقدر ما اعترف ابتسم في ناس تشهد لي
رنا وهي تطلع معه شفت دانة
هشام اختفت ابتسامته ايواا
رنا كيفها أنا ما شفتها إلا كم مره بس كنت حول احد كانت مره ضعفانه
هشام من يوم ما تزوجتها وهي ضعفانه ابتسم بس حلوه صح
رنا وهي تدخل جناحها ابتسمت صح انتظرني
هشام فح انه قدر يخليها تبتسم وتطلع تغير جو تنهد إنشاء الله ما تنتكس بكره لا شافت فارس

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر



بوسط الليل اليوم عطوه الدوا بس كان خفيف ما يدري هو نفسيا لأنه بيشوف رنا
بس كان مرتاح شوي بالليل
المستشفى هاديه
الأنوار بغرفته مطفيه ما عدا نور واحد خافت
النوم جافى عيونه
يفكر لو شاف رنا وش بيسوي
انفتح باب غرفته لف عليه
شم ريحة عطر نسائي وبعدها صوت خطوات جايه لناحيته بكعب
عقد حواجبه اللي فارغ مكانها
وقفت قدامه منعت شهقة تخرج منها ما صدق هذا فارس مستحيل وين اللي كان تنحرق وهي تشوف جماله
ابتسمت بحقد بس رغم كل هذا الوسامة والنور مالي وجهه
فارس حاول يقوم عن السرير وهو يشوفها تعوذ من الشيطان من فين جات هذي
دلال بابتسامة قربت منه هاااي
فارس لف وجهه بتقزز توه كان ذاكر رنا ونعومتها جات بوجهه هالمقرودة هذي
دلال انقهرت قالت بحقد وشلونك مع الورم
فارس.............................
دلال ضحكت بمجاغة لما عرفت حسيت انه الله يحبني لأنه انتقم لي منك
فارس ............................
ضغط زر السستر عشان تجي تشيلها
دلال قربت وجهها منه ونظرات الحسد والحقد طالعه منها أنا دلال وراك وراك والزمن طويل
ضحكة بصوت عااالي باااي بشتاق لك
فتحت الباب
دخلت الممرضة
دلال بمجاغة سستر اهتمي فيه تره غاااااااالي وشددت ع الكلمة
رقعت الباب وراها وصوت ضحكتها مالي المكان
الممرضة مفجوعه من شكلها طالعت بفارس تحتاج شي مستر فارس
فارس بألم أعطيني مويه ومهدئ
السستر اوكيه دقايق
طلعت
تنهد وهو ع السرير غمض عيونه بألم وهو يقول الله ياخذك يا دلال الله ياخذك كنت مرتاح اليوم
دخلت الممرضة
عطته المسكن تحتاج شي ثاني
فارس هز راسه شكرا
الممرضة العفو وطلعت
.
.
وش ناويه عليه دلال؟؟؟

.
.
.
فكر في سنة وتكلم في ثانية . ( مثل ياباني ) .
<<< نهاية الجزء الواحد والخمسون

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر


الجزء الثاني والخمسون


الأرض تخفي أخطاء الأطباء
** أحبك تعني ..أنت كل ما لدي... **

دخل الدكتور وهو يطالع بالملف شلونك يا أخ فارس صح
فارس عقد حواجبه الحمد لله وينه الدكتور هشام
الدكتور أردني قال بطريقة استفزازية ليه ما عجبتك الدكتور هشام في إجازة
فارس لف وجهه بضيق ما ارتاح له
الدكتور وهو يحط الابره بعطيك العلاج بس اصبر وخليك قوي
فارس بنرفزة بزر قدامك
الدكتور بابتسامة استفزازية شكلك متضايق
فارس ما رد عليه يحس انه بيرجع الدم اللي فيه بوجهه
بعد ما عطاه العلاج طلع وخلاه يتألم لحاله
دخل مكتبه أهلا ست دلال
دلال وقفت وبابتسامة حقارة طلعت من شنطتها رزمة خمسميات هذي لك لو سويت اللي قلت لك عنه
الدكتور لمعت عيونه بالفلوس وبلحظة ما راقب فيها ربه حط يده ع الفلوس اممم لك اللي تبغيه .......واليوم
دلال توسعت ابتسامتها اوكيه لك مثلها لو تم الموضوع
طلعت وتركت اللي رشته يفكر بالموضوع على مهل ويخطط له


فيصل ابتسم وهو يجلس وكان واضح انه مرهق الحمد لله خلص الجناح جاهز الآن
أم فيصل رفعت يدها تدعي له الله يوفقك ويفتح عليك ويرزقك من خيره يا رب
فيصل ابتسم وهو يبوس راسها آميين ولا يحرمني منك
رفى ابتسمت مبروك مقدما
فيصل بابتسامة الله يبارك فيك عقبالك
رفى استحت طالعت بأختها رفاد
كانت قاعدة تقلب بمجلة لفت وجهها عنها
فيصل متى زواجك
فيصل تنهد ما بقي له كثير اااه بس متى يجي
رفى ابتسمت متحمسه لسحر مره
فيصل ابتسم عاد بتكون عندك اربع وعشرين ساعة تطلعي عيونها هاا
رفى هههههههههههههه حرام عليك
رفاد تأففت وهي تقوم مو عاجبها الحكي
فيصل ما اهتم لها جهزتي لبسك
رفى امم من قبل بشهر وهو جاهز
فيصل رفع جواله خليني أدق على صالح اتطمن على نسيبهم


دخل عنده وهو ماسك الأوراق لو سمحت أخ فارس ابغاك توقع على هذي
فارس استغرب وش هي
الدكتور أوراق نقلك لمستشفى في بفورسهايم
فارس عقد حواجبه بعصبية وليه
الدكتور ببرود أعصابك هدي ما صار شي هنا محتاجين غرف ولازم ننقلك خصوصا انه العلاج هناك أحسن
فارس بس أنا مرتاح هنا
الدكتور بخبث مضطرين للأسف وهذا شي مو اختياري لأنه ممكن يأثر على صحتك لو ما نقلناك
فارس بعصبية لعبة بيدكم أنا نادي مدير المستشفى اكلمه بنفسي
الدكتور ضحك
فارس ارتفع ضغطه ما قدر يحافظ على رزانته وهو يحس بالتعب والضعف
حط المنديل على فمه مو أنت اللي تحدد انـ.. سكت لأنه كان طايح ع السرير من الأزمة
الدكتور خاف يكون صار له شي رفع المنديل عن فمه شاف الدم
نادى الممرضات وسوى نفسه انه تفاجأ فيه لما دخل
بهذي الزحمة وما حد داري عن الطبخة وفارس مغمى عليه كتب أوراق نقله لمستشفى في منطقة ثانية وهي بفورسهايم


رنا باست راس أمها دعواتك ماما
أم سامي ابتسمت لبنتها الله معك وانتبهي على فارس وطمنينا عليه
رنا إنشاء الله
أبو سامي ابتسم وهو يضمها انتبهي على فارس زين وتوصي فيه
رنا خدودها حمرت إنشاء الله
أبو سامي طالع بهشام لو ندري أنها بتتحسن نفسيتها بهالطريقة كان من زمان جبناك تاخدها
هشام ههههههههههههه افا يابوي هذا فارس سيد الغاليين لرنو
رنا استحت ومسكت يده يللا
طلعوا للمطار رايحين لفارس اللي ما يدري عن أراضيهم


عبد الإله وهو يطلع من الشركة هههههههههه حسبوك أنا والله أنهم
عبد الرحمن ابتسم لا وهذاك الحارس يطالع وعيونه مبققه كأنه شايف جني
عبد الإله هههههههههههههههههه يللا بوريك بيتي
عبد الرحمن اييييه من متى متزوج أنت
عبد الإله ابتسم بمغزى أخوك مملك من سنة وما تزوج إلا قبل شهرين ونص
يوم سافر فارس كنت ما صار لي فترة أظن أسبوع راجع من شهر العسل
عبد الرحمن ابتسم ودي أشوفه فارس وهشام هاا
عبد الإله ابتسم والله هشام ينشرا راعي واجب وفارس ابتسم بحزن الله يشفيه كان مره طيب وراعي أصول
عبد الرحمن اميين
وقف ونزل من السيارة معه
دخل البيت ابتسم والله إني كنت ناوي أقص شعري مثلك بس إني خفت المدام يوم تكشف عليك بالغلط
عبد الرحمن ههههههههههه
عبد الإله ابتسم مو البلى هنا البلى لو تكلمت وإلا سوت حركة تظنك أنا
عبد الرحمن هههههههههههههه
وهو يدخل البيت مشاء الله مشاء الله
عبد الإله صح على فكرة عجبك جناحي
عبد الرحمن ممتاز مشاء الله مره حلو
عبد الإله بالعافية عليك تفضل
جلس معه بالمجلس


عبد الرحمن ابتسم أحس إني شغلتك عن زوجتك هاليومين
عبد الإله تنهد وهو ياخذ العصير من هند ويضيفه هو هذا كلام بالعكس أصلا هندون فرحت لما عرفت عنك وهي اللي قالت لي أعزمك عندها أختها الحين
عبد الرحمن ابتسم هندون حاف
عبد الإله هههههههههه اخوي بعدين ابتسم بحزن مرت أيام الله لا يعيدها
عبد الرحمن حمستني وش صار لك التوين يقولوا عنترة مدري وشو
عبد الإله ابتسم سالفة طويلة بقولك هي......


فتح عيونه بتعب شافها واقفة قدامه قال بصوت مخنوق ممكن اعرف أنتي وش مجيبك لهنا
دلال بعدت خصلة من شعرها البنفسجي على ورا ولا شي جايه أتشمت
فارس باحتقار تتشمتي
دلال ابتسمت ابتسامة واسعة وهي تجلس ايوااا
دخل الدكتور ألماني طالع بفارس وهو يشوف ملفه " بعد الترجمة "
اوكيه بكمل العلاج معك
فارس طالع فيه عرف أنهم نقلوه لغير مستشفى فهمها لعبه من دلال قال سوي اللي تبيه
دلال بفلسفة وليه يائس
الدكتور حط الابره بالمغذي للعلاج وطلع
دلال طالعت فيه وهو يطلع
فارس كان يحس بالألم يقطعه
قامت بحقد وشالت المغذي فضته
فارس طالع فيها وهو يعتصر من الألم وبصوت يالله طلع يااا..حقيرة
دلال ضحكت بفجارة وهي تحط فيه مويه
دخلت الممرضة صينية الأكل
وطلعت
دلال بعدتها عن فارس وهو أصلا من غير شي ما راح ياكل وهو بهالنفسية
قربت الكرسي حقها منه
وحطت المنديل على رجلها والصينية قدامها وبدت تاكل من الأكل اللي جايبينه أصلا لفارس
تتعمد تطلع صوت بأكلها وهي تمضغ الاكل
فارس حس بيجيه انهيار عصبي منها كان المنديل قدامه والدم من كثره نزل على شرشفه اللي يتغطا فيه
ودلال تاكل بكل برود أعصاب...


بالتاكسي كانت هاديه تحاول تربط بين الكلمات اللي بتقولها لفارس
تبغا تحكيه عن كل شي
و تطمن عليه
ما تعرف كيف بتتصرف اول ما تشوفه وهي صار لها شهر وأسبوع مو شايفته
تنهدت
هشام طالع فيها وابتسم ما بقى كثير اصبري
وقف عند المستشفى

طالع فيها ابتسم يطمنها مسك يدها ونزلوا
أعطى التاكسي الفلوس ومشى معها بخطوات واثقة
رنا كان ودها تجري و ما توقف اللي تشوفه قدامها وتضمه تخفف عليه من المرض
دخل المستشفى وطلع معها بالمصعد
رنا متوترة تعدل حجابها
هشام ابتسم اشفيك متوترة اهدي ريلاكس شوي يا خوفي الولد يقوم اول ما يشوفك ما كأنه فيه شي
رنا ابتسمت بتوتر غمضت عيونها المصعد طول
هشام ههههه أنتي اللي طايره هذا هو وصل
طلع معها
طالع بالممرات حافظها صم
دخل معها باللفة ودق باب الغرفة بهدوء وفتحها
عقد حواجبه وهو يخرج امم حرمه غريبة هذي غرفته متأكد طالع بالرقم ايه هي هذي
رنا توترت قالت بخوف يمكن نقلوه لغرفة ثانيه
هشام طالع فيها يطمنها انتظري بدخل لدكتوره أشوف
رنا مسكت في يده بدخل معك
هشام حتى هو بدا الشيطان يلعب بعقله اوكيه
دخل عند الدكتور بتوتر عقد حواجبه اشصار في الدنيا تغيرت بيوم وليلة
دكتور هذا مو مكتب الدكتور هشام
الدكتور بابتسامة صفرا الدكتور هشام القيسي بإجازة لمدة اسبوعين
هشام عقد حواجبه بس في مريض قريب لي كان يتعالج عنده والحين مو بغرفته نقلتوه يعني غرفة ثانيه
الدكتور وهو يطالع بالملفات بتمثيل اش اسمه المريض
هشام بسرعة فارس..... فارس حسام الكابر
الدكتور حك ذقنه والله ما ادري اش اقولك
رنا قالت ولها فتره ساكته وش تقول يا دكتور تكلم بسرعة
الدكتور بأسف البقيه بعمرك توفى أمس ودفناه على طول
هشام عقد حواجبه كييييف؟؟
لف على رنا اللي طاحت بأرضها زي الورقة
طلع ينادي الممرضات بسرعة
الدكتور وقف وهو يعدل ياقته
وهم يشيلوها هشام طالع فيه دكتور أنت متأكد
الدكتور بأسف ايه والله أنا بديت معه العلاج اول مره وتوفى بنفس اليوم مسكين كان مره مريض
هشام وقلبه يتقطع اوكيه كيف تدفنوه بدون علم أهله
الدكتور كانت وصيته انه يندفن هنا
هشام شك بنفسه مستحيل فارس بعمره ما طب المانيا عشان يطلب يندفن فيها
الدكتور تورط امم والله ما ادري بس هذا اللي صار
هشام ذكاءه ما طمنه اوكيه وش اسمها المقبرة اللي دفنتوه فيها
الدكتور بدا يعرق قال وهو يرجع لمكتبه للأسف ما عندي أي تفاصيل اسأل الادراة
هشام بعصبية أولا سعودي كيف يندفن هنا ثانيا ماله أهل كان السفارة قالت لنا أنت متأكد من اللي تقوله
الدكتور بارتباك حاول ما يوضحه ايواا يا خوي اكذب عليك إذا تبغا أي تفاصيل اسأل ادراة المستشفى
هشام راح على غرفة رنا شافها صاحيه تبكي وهي تقوم من السرير ولابسه البالطو حقها
هشام رنا وين رايحه
رنا كانت بانهيار عطوها أدوية رمتها كلها
رنا ودموعها خط شاق وجهها رجعني الخبر
هشام وهو يهديها رنا حبيبتي لا تصدقيه أنا متأكد في شي بالسالفة الدكتور هذا يكذب
رنا ودموعها تنزل حست بشبه أمل ليه يكذب
هشام يا حبيبتي افهمي مستحيل يدفنوه هنا وهو سعودي ومسلم
رنا وهي تبكي بألم رفعت جوالها دق على أبوي خليه يحجز لنا نرجع
هشام عقد حواجبه بعصبية وهو يفكر بالموضوع الدكتور ما ارتاح له والموضوع فيه شي ذكاءه ما خلى الموضوع يمر عليه بالساهل
اخذ الجوال منها يتصل

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر


عبد الرحمن رفع راسه بهدوء وهو يمسك كتفه شايف كتفي هذي اللي بسببها بعد الله اكتشف عزيز إني منكم
عبد الإله وهو ياكل من المكسرات ايه
عبد الرحمن رجع عيونه له في الفتره اللي قلت انك فقدت الذاكرة فيها أنا كنت فاقد التركيز وقتها ولما رحت المستشفى الدكتور قال ما في شي
بس بسببها طحت من الدرج وانكسرت وبعدها تأزمت بسبب الرصاصة
عبد الإله بتفكير سبحان الله
عبد الرحمن تنهد الله يعين ابتسم يعني عشان كذا عنترة سموك
عبد الإله ابتسم وليومك هذا ما نسوها السالفة الله لا يوريك بس
عبد الرحمن ههههههههههههههه الله يهنيك معها أهم شي انك بخير وهي الحمد لله بخير الحين صح
عبد الإله لا الحمد لله أحسن من اول بكثير
طالع فيه أنت مو ناوي تتزوج
عبد الرحمن تذكر عهود عوج فمه لا حاليا لا
عبد الإله وش عندك تكلم
عبد الرحمن بضيق مع انه رائد ما شاء الله عليه حليو والله ولا أنسى له معروفه بس عنده أخت والله يا عبوود أنها ما تستحي على وجهها
عبد الإله افا ليه
عبد الرحمن بقهر تخيل جايه وأنا جالس في أمان الله داخله قالك بسولف معك
عبد الإله عقد حواجبه اييه
عبد الرحمن ولما صديتها يوم جيت أسافر لقيت علبة عطر ومعها بطاقة مكتوب عليها احبك وبقهر كمل حبها برص إنشاء الله
عبد الإله ابتسم وش سويت وقتها أنت
عبد الرحمن والله إني كنت باخذه أوديه لأبوها أقوله شوف بنتك المحترمة بس استحيت منه كنت ضيف عنده يكفي رائد اللي ما قصر معي
عبد الإله اممم وش سويت طيب
عبد الرحمن كسرته وفضيت اللي فيه بالحمام الله يكرمك وحطيت الورقة فيه وحطيته عند باب غرفتها
عبد الإله ههههههههههههههههههههه حرام عليك كان ما كسرته
عبد الرحمن حرام عليه إلا قليله في حقها المفروض كان اكسره براسها
عبد الإله ههههههههه من حقك متعقد
عبد الرحمن ابتسم قوم أبوك اليوم عنده ضيوف قال
عبد الإله يللا بس ثواني أشوف هند
عبد الرحمن ابتسم روح استناك
عبد الإله طالع فيه ليه تضحك أنت ووجهك نشوف وش بكره بتسوي مع أميرة الأحلام
عبد الرحمن ههههههههههههههههههههه


رجع راسه بضعف حاول ما يظهره
دلال وهي قدامه تكب الأدوية بالزبالة وش فيك ساكت كملت بحقد وشماته تذكر يوم أرسلت هذاك ينكد علي إجازتي تذكر يوم ضربتني وخليت زوجتك الحمـ## تضربني
وهي توقف قدامه كل هذا تستاهله الحين
فارس لف وجهه عنها ببرود وهو يتعذب من الألم بكل قوته يحاول يسيطر على نفسه لا يصرخ من الألم صار له يومين كل ما حطوا له الدوا تكبه صحيح انه يتعب منه لكنه يرتاح بعدين
جلست قدامه وهي حاطه رجل على رجل
فارس وهو عاطيها طاف جا بياخذ جواله شافه ع الطاولة وبنص شاشته قلم
توقع الأكثر شاله ببرود وكبه بالزبالة هو والشريحة المكسورة جنبه
رجع راسه ع المخدة أكثر شي متعبه انه رنا وهشام كانوا جايين كيف ما عرفوا انه هو هنا أكيد هي لاعبة بشي
دلال أكثر شي قاهرها انه إلى الآن ما شافته يصارخ أو متضايق بسببها
قالت بحقد لا تخاف ما راح يقدروا يوصلوا لك ضحكت بفجارة لأنهم يظنوا انك مت
ههههههههههههههه
فارس بباله حسبي الله ونعم الوكيل
اخذ علبة المويه حقته وشرب منها عايش على موية زمزم هاليومين بدون أكل
دلال وهي تهز رجولها بعصبيه والله لأخليك تندم


هشام تنهد من أول مكلم أبوه قال له يرسل سعود ياخذ رنا وهو الحين بالطريق وصل لأنه حلف ما يطلع من المانيا إلا فارس معه جثة أو حي
رنا منزله راسها وتبكي بهدوء
هشام طالع فيها بإصرار رنا قلت لك هذا الدكتور كذاب والله ما ارجع إلا وهو معي يا رنا مستحيل إلا يكون الدكتور وراه لعبة
رنا وهي تبكي رفعت راسها و وجهها كله دموع ليه يكذب وش مصلحته
هشام يحاول يفهمها حبيبتي هذا كلام يتصدق مات واندفن لا وهو اللي وصى يندفن هنا بعد روحي يا شيخه والله انه كذاب وبوجهه
رنا رجعت راسها وهي تبكي بألم مو متخيله مستحيل طيب لو ما مات وين بيكون
هشام وهو يفكر هذا اللي محيرني
دق جرس الشقة قام فتح الباب هلا سعود سلم عليه
سعود بتوتر وينها رنا
هشام سكر الباب داخل هي والله يا سعود أني أحس في بلى ورا الموضوع
سعود بلى؟!!
هشام بتفكير وهو يدخله خذها الحين أنت وخلني أتصرف أنا
باس راسها سعود كيف حالك رنو
رنا وهي تبكي وعيونها محمره بلون خدودها الحمرا وكيف تبغاني أكون طيبه وزوجي ما ادري وينه
سعود نزل عيونه اصبري حبيبتي مو هشام قالك هو بيشوف الموضوع يللا
هشام طلع معهم يروح ع المستشفى وهم رايحين ع المطار
أول ما دخل عند الدكتور شافه حاط رجل على رجل وقاعد بمسخرة مع وحده من الممرضات الأجانب
عدل جلسته بسرعة أهلا
هشام طالع فيه باحتقار وسخرية ما شفت لي وش اسمها المقبرة اللي دفنت فيها قريبي
الدكتور وهو مرتبك قلت لك اسأل المستشفى ما عندي معلومات اضافيه
هشام بنظرة احتقار نزل مقامه فيها شوف أنا داري انه وراك سالفة ضرب يده ع المكتب الدكتور رجع راسه ع ورا والله واللي خلقني وخلقك لو طلع قريبي عايش وأنت ورا الموضوع والله والله ما بتكون بخير اللين بيديني هذي أرميك بأقرب سجن يا واطي
الدكتور بلع ريقه بخوف
هشام تركه وطلع من المستشفى بكبرها

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر



أم فارس وهي تبكي أخوك يا دانة أخوك هذا بكري ضناي
دانة هزت راسها ببكى خلاص يا ماما أنا بكلم هشام اتأكد منه
أم فارس رضاي عليك يا بنتي كلميه
دانة تورطت بالكلمة اللي قالتها قامت وهي ماسكة جوالها اوكيه بكلمه الحين
طلعت جناحها
جلست ع الكنبة بارتباك اول مره بتكلم هشام من يوم سافر مسحت دمعتها بس هذا فارس بتدفع اللي تدفعه عشانه
ضغطت زر الاتصال وغمضت عيونها وهي تسمعه يرن بإذنها
هشام كان خارج من المستشفى معصب بيروح يلف كل المستشفيات اللين يطلعه
دخل يده في جيبه طلع الجوال شاف اسمها
" عذبتي قلبي "
رفعه باستغراب وبدون تردد
هشام بابتسامة لا شعوريا الوو
دانة بهدوء واضح الارتباك بصوتها الوو السلام عليكم
هشام بصوت هادي وعليكم السلام
دانة ..........................
هشام استغرب من سكوتها ليه متصله قال بمغزى وشلونك
دانة غرقت عيونها بخير كيف فارس
هشام بصوت فيه بحة من همسه بس فارس!!؟
دانة خدودها حمرت ما عرفت اش تقول
هشام قال بعتب ما عندك زوج تسألي عنه وعن أحواله صار لك شهر ونص تقريبا مو شايفته غير أمس لثواني
دانة .......................
هشام تنهد اوكيه فارس الحمد لله بخير بس ما ادري وينه
دانة ما تدري وينه وبخير؟؟!
هشام ابتسم رغم كل الظروف الصعبة اييه مو موجود بالمستشفى والدكتور الله ياخذه قالك دفناه والله لأوريه بس خلني أشوف فارس
دانة ابتسمت على حماسه اوكيه وين قاعد تدور عليه
هشام وهو يقطع الشارع بالمستشفيات
دانة بتدور كل مستشفيات المانيا
هشام تنهد اش أسوي مالي غير كذا
دانة سكتت تفكر
هشام وده يكلمها عن مشاعره وده يقولها انه اشتاق لها حيل بس مو قادر في جدار مبني بينهم قال بعد صمت ما بتقفلي
دانة بهدوء إلا بس قفل أنت اول
هشام وهو يوقف التاكسي لا قفلي أنتي
دانة ابتسمت ببالها حتى وأنت مسافر وبعيد تعاند قالت بعناد أنت قفل اول
هشام بتقفلي وإلا كيف
دانة ابتسمت وإلا كيف
هشام هههههههههههه قفلي يا بنت أحسن
دانة ضحكت بحيا وسكرت الجوال
هشام طالع بالجوال يا حبي لك بس ياليتك تفهمين رجع الجوال بجيبه وهو يطالع من الشباك بتفكير ممكن يخطر ببال فارس انه يهرب مثلا بس ما أتوقع أنه يسويها تنهد بصمت الله يعين


فارس اول ما شافها دخلت لف وجهه ع الجهة الثانية من الغرفة
بإمكانه يكلم المستشفى يمنعوا دخولها لكن هو خايف من شي واحد لو انشغلت فيه هنا بتبعد عن رنا كان يبغا رنا تكون موجوده لأنه خايف عليها من دلال لا تسوي فيها شي
دلال بحده وش يعني ما بتطالع فيني
فارس بعصبيه لا بسولف معك وبضحك بعد الله ياخذك أنتي و وجهك المرعب
دلال انحرجت من وصفه لها قالت وهي تضحك ما عمرك سألت نفسك لي أنا دايما وراك
فارس بحده لأنك وحده حقيرة و واطية ما تخاف على نفسها تلحق الرجال
دلال قالت وثقتها بنفسها انهزت بقولك ليه
وقفت قدامه فارس ما يطالع فيها
دلال وهي متكتفه لأني احبك..
فارس بعصبيه بس سكري فمك قال احبك والله اللي يحب ما يسوي اللي أنتي تسويه
دلال بصراخ غصبا عنك بلحقك وبكون معاك وين ما كنت
فارس ببرود واحد مانعك ما اقدر أمنعك لأنك زيك زي الكرسي اللي جنبك
دلال طلعت جوالها من شنطتها عادي ترا حتى لو قلت لي كذا ماني طالعه
فارس ابتسم بسخرية وأنتي فيك ذرة حيا وإلا كرامة عشان تطلعي أصلا أنا اشك انه بيوم من الأيام بنكتشف انك مو أنثى إنسانة مجردة من الضمير والحيا هذي مو صفة بنت أبدا
دلال الكلام قوي عليها كان مره طلعت الدخان من جيبها وجلست
فارس طالع فيها وضغط زر الممرضة
دخان بغرفته معناها هلاك له وكل اللي تعالج عشانه بيروح
دخلت الممرضة لما شافت دلال ماسكه الدخان هزأتها وخلتها تخرج من الغرفة
فارس رجع راسه بضيق ع المخدة طالع بالمغذي الله ياخذها مفضيته وحاطه فيه مويه وكل يوم الممرضه ترجعه لما تشوفه
اخذ علبة المويه حقته وشرب منها كمية تنهد وهو يرجعها كيف رنا الحين أكيد منهارة
حس الحزن يعصر قلبه المتعلق فيها عذب رنا كثير
رنا تعذبت عشانه مره
غمض عيونه بحزن وش طالع بيده
ولو عليه كان هرب من المستشفى بكبرها


طاحت بحضن أبو فارس لما ضمها تبكي فقد زوجها الحنون
أبو فارس وهو يهديها ويهدي نفسه اصبري يا رنا أنا واثق بهشام إنشاء الله
أم فارس طالعت بحزن وتنهدت
دانة راحت لرنا أخذتها وهي تضمها بحزن وعيونها مغرقة
رنا
رنا هزت راسها وهي تبكي دانة مو عارفة اش أسوي تخيلي ما ندري وينه
دانة بحزن ما عليك يا رنا هشام قالي ما بيطلع إلا وهو معه
رنا وهي تمسح دموعها اللي مو راضيه توقف لمتى يعني لمتى بظل بهالحال
دانة فتحت باب غرفتها وهي تساعدها تفصخ عبايتها رنوو ادخلي توضي وصلي أحسن لك يا ويلي شوفي وش مسويه بنسفك ودك فارس يرجع يشوفك بهالحال
رنا زادت بكى خليه يجي اول
دانة وهي تهديها صدقيني يا رنا والله حاسه انه بيرجع إنشاء الله
رنا وهي تدخل حمامها لفت عليها وهي تمسح دمعها
لا تروحوا خليكم أنا نازلة بس أبدل واصلي
دانة ابتسمت تطمنها لا تخافي ادخلي أنتي أنا بنزل اجلس مع بابا و ماما اللين تجي


فيصل ايه دور الأيتام إحنا وصلنا لهم قبل كذا
سحر ابتسمت ايواا وشفتك يومها
فيصل طالع فيها بابتسامة خبث حتى أنا شفتك
سحر رفعت عينها كيف شفتني
فيصل وهو يرجع ظهره ع الكنب شفتك بطريقة ما
سحر ضربته على كتفه والله انك ..تمشي وتطالع بحريم خلق الله بالشوراع
فيصل ههههههههههههههه لا والله حبيبتي لأني اعرف سيارتكم وشكيت
بس لما شفت السواق عرفتكم
سحر ابتسمت تذكر يوم أشوفك بالمزرعة
فيصل ضحك من قلب هههههههههههههههههههههه
سحر ابتسمت بحيا اشفييك
فيصل عيونه دمعت من الضحك لأنه يومها كان تحفه أنا بصراحة خفت
سحر شربت من العصير ليه
فيصل مسك يدها وهو يتكلم لأنك وقتها صرختي وأنا مو دراي عن الدنيا يا حليلي أنتي اللي جايه عاد خفت واحد من عيال عمك يجي ورحت في خبر كان يا فيصل
سحر هههههههههههههههههه
فيصل فديت هالضحكة والله
سحر استحت
دقت الباب ودخلت رفاد
فيصل ابتسم تقدم أنها تجي تسلم على خطيبته اللي إلى الآن ما تدري انه عنده أخت اسمها رفاد
سحر ابتسمت وهي تسلم عليها كيفك
طالعت بفيصل أنتي رفوده
رفاد بغرور اييه
سحر غمزت لفيصل لأنه حكاها عنها شلونك
رفاد وهي واقفة جنب فيصل بخير طالعت بفيصل وقربت منه وقالت بإذنه شي
فيصل رفع حواجبه امم اوكيه ما في مشكلة
رفاد نقزت عليه بدلع وباسته
فيصل ابتسم
طلعت وتركتهم
سحر ابتسمت بحب شكلها عنيده صح
فيصل ابتسم تدري وش تبغا
سحر هزت راسها لا
فيصل تبغا تاخذ الآي بود الجديد حقها
سحر ابتسمت بعد آي بود كم واحد مشاء الله وكلهم تكسروا على يدك
فيصل هههههههه هذا ثالث واحد بس أنا أخذته فضيته من الأغاني وحطيت لها فيه أناشيد وقرآن
سحر ابتسمت برافو عليك
فيصل بنغزه برافو علي أنتي ما بتشوفي وش راح تسوي لما راح تسمع اللي حطيته وحذفت كل اللي هي حطته
سحر طالعت فيه فيصل هذي مراهقة لازم تصبر عليها وتجيها بالأشياء اللي تغريها عشان تغيرها للأحسن
فيصل تنهد الله يعيني عليها
سحر ابتسمت بمرح أنت بتوصلني لبيت أهلي
فيصل باستهبال اللي جابك يوصلك
سحر تخصرت وهي جالسه لاااااااا عشان انقع هنا هذا صويلح
فيصل هههههههههههه طيب ليه هو اللي جابك
سحر ابتسمت صحيح انه متزوج لكن بابا أصلا ما رضي بالبداية لما قلت له انه بجي بيت اهلك
فيصل باهتمام ليه
سحر وهي تلعب بميدالية جواله لأنه أنت موجود
فيصل لا بالله يا شيخه احلفي
سحر هههههههههههههههه لا والله يقول يعني ماله داعي تروحي هو تقريبا كل يوم يجي
فيصل ايه بس يعني أهلي موجودين بالبيت
سحر هو عشان كذا وافق
فيصل ابتسم عقبال ما نكون في بيتنا
سحر بابتسامة يالله كلها اسبوعين
فيصل إنشاء الله
ابتسم اوكيه شرايك تلبسي نورح نتعشى بعدين أرجعك
سحر قامت اوكيه فروم ماي اييز
فيصل ابتسم تسلم لي اليور اييز
سحر هههههههههههه

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر



طالب بأخر سنة بالطب كان يدور بقسم الأورام مع الدكتور الاختصاصي
الدكتور هذا اللي اختبرتوا فيه الأسبوع اللي فات
الطالب مروان وهو يطالع بالمرضى ع السرير بعضهم قدر يصارع المرض والبعض كان اضعف من انه يصبر
قبل لا يفتح الباب هذا مريض بورم في الحنجرة بس مع العلاج تحسن
فتح الباب شلونك أخ فارس
فارس طالع في اللي دخلوا بلا مبالاة ورجع عيونه الحمد لله
مروان وقف بصدمة طالع باسم المريض على لوحة ع السرير
Name: fares hosam Al- kaber.رجع عيونه له بصدمة
حسبي الله ونعم الوكيل
طلع على طول مع الدكتور اول ما اشر له مع الطلاب الباقيين يخرجوا
الصدمة لسى عليه حزن عليه المرض واضح عليه رغم مكابرته


لنى ابتسمت صلوحي
صالح رفع عيونه عن الكتاب عيونه
لنى توسعت ابتسامتها قلت لها واقتنعت ومو بس اقتنعت استانست ع الفكرة مره
ابتسم بخبث اقنعتيها بالطيب والا
لنى عصبت صالح والله أنت وراك شي شوف والله لو تكون حاط عينك عليها
صالح قبل لا تكمل نقع من الضحك هههههههههههههههههههههههههههههههههههه
لنى انحرجت ما قاعده انكت أنا
صالح ههههههههههههههههه حط الكتاب جنبه وعدل جلسته قدامها
حرام عليك ممكن تتخيلي شكلي مع وحده زيها حرام كل هالشباب يندفن مع وحده زيها عجوز مخرفة
لنى ههههههههههههههههه
صالح ابتسم تضحكي أنتي بس لو تخلي هالعصبية ترا مو زينه عشان الطفل
لنى بغرور ومين قالك إني حامل
صالح ابتسم قلت لنفسي
لنى لا والله إني مو حامل
صالح بصدمة اجل ليه قلتي لي أمس انك ما تقدري تروحي بيت فيصل لأنك حامل
لنى تذكرت ههههههههههههههههههه
صالح حس نفسه غبي قال بعصبية مصطنعة من جدك أنتي مو حامل
لنى طاحت ع الكنبة هههههههههههههههههههههههههههه
صالح ابتسم غبي قدامك أنا طيييب
اخذ مفاتيحه وقام
لنى قامت وهي تترنح من الضحك هههههههههههههه وين رايح
صالح أخفى ابتسامته بروح اتعشا عند أمي
لنى وقفت عند الباب طلعت قرونها نعم والله ما تروح
صالح يسوي نفسه معصب ابعدي عن وجهي
لنى ابتسمت والله ما ابعد بعدين حبيبي افهم ما كنت ابغا أمر عليهم لأني ما أحب رفى
صالح طالع فيها بابتسامة ليه ما تحبيها والله انـ..
لنى حطت يدها على فمه بسرعة اسكت عشان ما تصير مصيبة
صالح رجع هههههههههههههههه لا والله يعني أنتي تغاري منها
لنى بإحراج أنت سبب البلى
صالح ههههههههههههههه والله ما في مثلك لو أدور كل الكرة الأرضية
لنى ابتسمت بحب الحين عقاب لك بتوديني السنبوك اتعشا
صالح بالله فتح عيونه بحده كان عقاب لك على كذبتك لا وخلتني ع التلفون عشان ما اقدر أتناقش قدام الرجال
لنى هههههههههههههههههههههه
صالح قام ههههههه قومي قومي البسي يللا
لنى نقزت ثواني
صالح هههههههههههه


عبد الرحمن ابتسم وهو يوقف وراها ويبوس راسها الغالية وش طابخين لنا اليوم
أم نواف ابتسمت اللي تبغاه سفره أطول منك
عبد الرحمن هههههههه أبوي كذا كل يوم عنده عزايم
أم نواف امم تقريبا
عبد الرحمن ابتسم وينه عبود هذا أمس ما شفته
أم نواف قبل لا تجي كنا ما نشوفه دايم لاصق بزوجته
عبد الرحمن ههههههه الله يهنيه
أم نواف ابتسمت ايواا والله الله يهنيه تعذب كثير مع زوجته مسكين
عبد الرحمن لف على سمر وسحر اللي دخلوا
سمر هههههه اول واحد من أخواني يدخل المطبخ
عبد الرحمن ابتسم ترا عندي مواهب بس ماحد مكتشفها
سحر ابتسمت بالله تعرف تطبخ
عبد الرحمن افا عليك مو كنت عزابي هناك
أم نواف ابتسمت يعني طالع على أبوك أيام كانت تجيه هفات يدخل ويطلع معه أكل حلو
سمر تحمست اجل خلينا نطبخ معك يللا
أم نواف روحوا المطبخ الثاني هذا مزحوم عشان العزيمة
عبد الرحمن من جدكم
سحر اييه الله يخليك عبود
عبد الرحمن ابتسم وهو يشمر عن أكمامه اوكيه نو بروبلم
سمر نقزت معه تعال المطبخ الثاني أحسن زي ما قالت ماما
دخل معهم كان المطبخ مجهز بكل شي
قال بتفكير وش تبوني أسوي لكم
سحر تفكر امممم
عبد الرحمن طالع بالمطبخ يوووه عندكم صاج كبير حق وش هذا
سمر هذا الله يسلمك ماما مو تصير عزايم كبيرة تسوي فيه أيام السمك
عبد الرحمن باستغراب يعني ما تجيبوا من برا
سحر هزت راسها لا أمك فنانه بابا هو الوحيد اللي ما يجيب من برا إلا إذا أمي ما كان لها خلق أو مريضه
عبد الرحمن بتفكير بعيد الشر عنها المهم خطر ببالي أسوي لكم خبز ع الصاج وبيتزا ع الصاج
سمر تحمست اييه أنا معك
سحر بحماس يللا
عبد الرحمن هههههههه طيب ساعدوني باللي اطلبه
سمر وسحر اوكيييه
عبد الرحمن هههههههههههه تضحكوني لما تتكلموا مع بعض
سمر ابتسمت والله انك فلاوي
سحر خسارة تونا نكتشفك
عبد الرحمن ابتسم بتفاؤل ما له داعي تنحسر ع الماضي نعيش اللحظة ونستمتع فيها أحسن
سمر صادق

راقبه من بعيد
وده يدخل عنده بس مستحي من نفسه
شافها تتسكع بالممرات تأفف النشبه هذي مره ثانيه أمس تضارب معها وهزأها لأنها أزعجت المرضى بصوت الكعب اللي تطقطق فيه بالممرات
لما شافها تدخل عنده استغرب مستحيل تكون قريبته بهالشكل
طالع من الشباك الشفاف شافه وهو يعبس اول ما دخلت
انتبه عليه متضايق
كمل مشيه وهو مستغرب فيه إن بالموضوع
طلع من المستشفى هشام بإحباط هذي سابع مستشفى ما عندهم ملفه
رجع على شقته
طلع فطيرة الفراولة من الدولاب فتح كيسها واخذ عصير من الثلاجة وراح ياكل
يحس راسه بينفجر مو عارف وين ممكن يكون راح
اختفى كذا فص ملح وذاب
ترك الفطيرة من يده واخذ الجوال دق عليه للمرة الميه بأمل انه يرد عليه
لكن شاف انه الرقم مو بالخدمة
عقد حواجبه وين ممكن تكون يا فارس وين
هو متأكد انه مو ميت لأنها شغله ما رضت تركب بعقله وما ركبت بعقله معناها بيجلس اللين يشوف لها حل
أحيانا العناد والإصرار يكون مفيد ^_^

[قلب الزهـــور]

رواية ما رجيت من الفرح إلا رضاك وما بكيت إلا علشانك قهر



خدوده محمره من النار وملابسه كلها طحين بيده قلب العجينة ع الجهة الثانية
قال بمعلميه يللا يا بنات جيبوا الثانية
سمر حاطه ربطه على شعرها ومن أولها لآخرها مغرقة بالطحين
فتحت الصحن البلاستيكي الكبير مغطى بقطعة قماش كبيرة حط الخبز فيها وغطتها
سحر عطته البيتزا على طبق تفضل
سحر طالعت بسمر هههههه أحس إني كيس دقيق
الكل ههههههههههه
عبد الرحمن وهو يمسح جبينه بمنشفته الخاصة من حرارة النار يللا هذي آخر وحده
حطها بالصحن
سمر غمضت عيونها امممممم ريحة بتخبل
عبد الرحمن هههههههه روحوا ذوقوهم أنا يبغالي انقع بالحمام ثلاث ساعات
سحر وأنا عشر ساعات ونص
عبد الرحمن هههههههه
دخل عند أمه
أم نواف ابتسمت وشهذا عسى بس طلعت بش ينأكل
سمر وسحر طلعوا من وراه افا عليك ماما ذوقي أنتي بس
دخل نواف ريحة تشق الراس طالع بعبد الرحمن والتوين وش هذا
عبد الرحمن هههههههه طابخين لكم اليوم
أم نواف اخذ قطعة امم بصراحة فنان اشهد لك
سمر عطت نواف منه تفضل
نواف أكل منه بالله أنت مسويه
عبد الرحمن ابتسم بمساعدة التوين
نواف مشاء الله مشاء الله قال شي بإذن عبد الرحمن وطلع
عبد الرحمن هههههههههه
اخذ صحن حط فيه خذي سحور ودي هذا ذوقيه للي برا
وأنتي سمر خذي هذا وتعالي معي وغمز لأمه وسحر
سمر ببراءة وشكلها كأنها شيف صغير طيب
مسك يدها تعالي
دخل ع الديوانية من الحوش
سمر صرخت حماااااااااس عبوود ذوق أنت بس
خالد ابتسم
سمر رفعت عيونها
سكتت
الكل هههههههههههههههههههههه
سمر عضت على شفتها وهي تعطي خالد يللا بايعتها مو مشكلة
خالد هههههههه والله شكلك روعة
عبد الرحمن ابتسم
خالد ابتسم كيف حالك يا عبد الرحمن
عبد الرحمن رفع يدينه الاثنين الحمد لله خليك بعيد عشان ما تصير زي زوجتك مغرق
الكل هههههههههه
عبد الإله ههههههه بصراحة لذيذ هذي أنتي سمور مستحيل أكيد الوالدة
سمر تخصرت ليه يعني ما يطلع مني
خالد ابتسم صح عبوود احترم نفسك
عبد الإله اتحدااا ههههههههههه
سمر ابتسمت بصراحة مو أنا هذا عبد الرحمن
عبد الإله شرق باللقمة
عبد الرحمن ضربه على ظهره بسم الله عليك
عبد الإله ابتسم من جدك
عبد الرحمن ابتسم ايه تعرف العزابية تعلم كل شي
عبد الإله قال وهو يقلد البزران والله ما في تعلمني
الكل هههههههههههههههه
عبد الرحمن ابتسم يللا أنا رايح اتروش لا أوسخ لكم المكان
الكل خذ راحتك
سمر نقزت وأنا معك رايحه بعد
خالد لاااا خليك
سمر لا والله ما أخليني وأنا بهالشكل
الكل ههههههههههه
سمر طلعت راسها من الباب اشفيكم
عبد الإله والله ما أخليني بأي لغة هذي
سمر ابتسمت اسأل خلود
الكل هههههههههههه

.
.
وش قصة طالب الطب هذا؟؟؟

.
.
.
قناعتك نصف سعادتك . ( مثل ايطالي ) .
<<< نهاية الجزء الثاني والخمسون

[شمس القوايل]

يعطيج العافيه قلب الزهور ع الطرح والبارتات الحلوووووه

مجهود مميز عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والبارتات الحلوووووه مجهود مميز عساج ع القوه ننتظر جديدج القادم

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي