الإخوة والأخوات أعضاء المنتدى : السلام عليكم ورحمة الله وبركانه
بداية أعتذر عن التأخير في عرض مجموعاتي التي أجمعها لزوجتي الغالية نظراً لانشغالي في العمل
على وعد بالمزيد في الأيام القادمة إن شاء الله وأعتذر إن حصل تكرار في بعض الوصفات نظراً لكثرة الملفات.
دعواتكم لي ولزوجتي وأبنائي الخمسة
مكرونة بصوص البسطرمة والكريمة
كيس مكرونة قلم – 2 معلقة بصل مفروم – معلقة ثوم – زيت زيتون
3 معلقة جبنة مبشورة – قلقلة – 150 ج بسطرمة بدون ثوم – بقدونس مفروم
الطريقة
نشوح بصلة مفرومة فى معلقة ذبدة مع قرن شطة حامى وطماطماية مكعبات والبسطرمة ونقلبهم
مع بعض كويس تقليبة ثم نضع الكريمة واول ماتبتدى تغلى نضع عليهم المكرونة
تقليبة ثم نضع جبنة مبشورة ونقلب تقليبه ثم نغرفها
فى طبق ونرش عليها رشة جبنة ورشة بقدونس
________________________________________
لحمة بصوص الفلفل
( فيلية بوافر)
1/2 كيلو فيلية – 100 جرام فلفل اسود حصى – خضار سوتية – 1/4 كوب ديميجلاس
1/4 كيلو كريمة لبانى – بصلة مفرومة – ملح
الطريقة
نضع الفلفل الاسود فى مقلاية ونحمصه على النار او ندخله الفرن
وبعدين نضعه على الرخامة ونكسره تكسير بسيط بالنشابة علشان يتكسر
نتبل اللحمة بالملح والفلفل والبصل المبشور ونخلطها بايدنا ثم نرش عليها رشة دقيق
ونشوحها فى الزيت على النار لحد ماتغير لونها وتتشوح كويس ثم نشيل اللحمة ونضع مكانها فى نفس المقلاية
الفلفل الاسود المجروش ونقلبه تقليبه ثم نضع الديميجلاس تقليبة ثم
نضع الكريمة ونقلب ونقلب تقليبه ثم نضع اللحمة تانى ونقلبهم ونغطيها شوية لحد ماتستوى وكله ياخد الطعم
ثم نضعه فى طبق التقديم ونضع علية الخضار السوتية
محشى على الطريقة الالمانى
محشى كرنب و فلفل وطماطم
1/2 كرنبه – 1/4 كيلو طماطم – 100 ج بصل – 1/4 كيلو فلفل رومى
1/4 كيلو لحمة مفرومة – ملح وفلفل – كسبرة – بقدونس
الطريقة
نفصل ورق الكرنب ونسلقه فى ماء مغلى وملح وكمون ونقطعه قطع متساوية
نقور الطماطم من الداخل بمعلقة صغيرة
نشيل راس الفلفل الرومى
نخلط اللحمة المفرومة مع البقدونس المفروم والكسبرة المفرومة والملح والفلفل كويس
ونحشى الفلفل والكرنب والطماطم
نضع فى حلة كام ورقة خضره فى قعر الحاة مع كام ولاقه كرنب ثم نرصص اصابع محشى الكرنب
وبعدين نضع فوقهم الفلفل المحشى ونضع صلصة طماطم ونضعه
يستوى على النار وبعدين نغرفه
نضع الطماطم المحشية فى صينية ونضع عليها شوية صلصة طماطم ورشة جبنة موزاريلا
وندخله الفرن لحد ما تستوى والجبنة تسيح
________________________________________
بوم جاك
كيلو بطاطس كبيرة الحجم – 150 ج تركى مدخن او بسطرمة او لانشون – جبنة موزاريلا
ملح وفلفل – 2 بيضة – كسبرة خضراء
الطريقة
نلف كل واحدة بطاطس فى ورقة فويل زى ماهى بقشرها وندخلها الفرن حوالى ساعه لحد ماتتشوى وتستوى
بعد ماتطلع نقطع ربعها اللى فوق بالسكينة ونضعه على جنب ونقور باقى البطاسطاية وهى زى ماهى فى الورق الفويل نجيب الجزء اللى شيلناه من فوق ونضع عليه قطع الروم\ى المدخن مقطعه صغير خالص والموزاريلا والكسبرة مقطعين صغير وملح وفلفل والبيضتين ونخلطهم كلهم بالشوكة كويس مع الهرس
ثم نحشى بالخليط دة البطاطس وندخلها الفرن لحد ما الجبنة تسيخ والبيض تااى
فى الخليط يستوى يعنى حوالى ربع ساعه
________________________________________
البيتســــــــــــــــا
العجينة الاساسية
750 ج دقيق - 75 ج زيت زيتون – 35 ج خميرة فورية ( 3 ونص معلقة اكل )– 10 ج ملح
20 ج سكر ( معلقة ونص) – 350 ج مل ماء
صوص الطماطم
5 ج ريحان فريش – 10 ج ثوم مفروم – معلقة طماطم بيورية – كيلو طماطم فريش – 30 مل زيت زيتون
الطريقة
نخلى الماء يدفى على النار ثم نضع عيه الخميرة والسكر واقلبهم بالمضرب السلك
ثم نضع معلقة ص ملح على الدقيق واخلطهم ثم اضع خليط الماء واحدة واحدة على الدقيق
واعجن بأيدى لحد ماتتكون ثم اضع زيت الزيتون وافضل اعجن العجينة كويس بأديا الاتنين
(يعنى اخدمى العجينة كويس بالعجن )
الم العجينة بأيدى كويس واغطيها واتركها فى مكان دافى تخمر لمدة ربع ساعه
افرش الرخامة دقيق وابدء فى فرد العجينة افرد العجينة دائرة واخرمها كويس بالشوكة
ثم نضع عليها الصوص ونستخدمها بوضع مختلف الحشوات
صوص الطماطم
نقشر الطماطم ونخرطها ناعم
فى حلة على النار نضع الزيت ومعلقة كبيرة ثوم مفروم كويس وريحان مفروم نقلبهم تقليبة
ثم نضع الطملاطم ومعلقة ك طماطم بيورية ونقلبهم يادوب من 5 ل عشر دقايق
بيتسا الخضروات
عجينة بيتسا – بصل – فلفل الوان – بيبى طماطم – 3ج اوريجانو – مشروم
جبنة موزاريلا – 100 ج بزنجان اسود
الطريقة
نخرط كل الخضار شرايح رفيعه ونشوحهم فى الزيت ونضع عليهم شوية زعتر فريش
واوريجانو وملح
افرش الرخامة دقيق وابدء افرد العجينة دائرة واخرمها كويس بالشوكة
ثم نضع عليها الصوص ونضع الخضروات ورشة جبنة موزاريلا
ونسويها فى الفرن شوية على الرف اللى تحت وشويه على الرف اللى فوق
________________________________________
بيتسا باللحمة المفرومة
عجينة بيتسا
لحمة مفرومة – زيت زيتون – بصل مفروم – ثوم مفروم – اوريجانو مفروم
ملح وفلفل – جبنة موزاريلا
الطريقة
نعصج اللحمة عادى بالمقادير
افرش الرخامة دقيق وابدء افرد العجينة دائرة واخرمها كويس بالشوكة
ثم نضع عليها الصوص ثم نضع اللحمة المعصجة ثم رشة
جبنة موزاريلا و ونسويها فى الفرن شوية على الرف اللى تحت
وشويه على الرف اللى فوق
بيتسا بالخضار والانشوجة
عجدينة بيتسا – بصل – فلفل الوان – بيبى طماطم – 3ج اوريجانو – مشروم
جبنة موزاريلا – 100 ج بزنجان اسود – ا10 ج انشوجة – زيتون اسود
كوسة
الطريقة
نخرط كل الخضار شرايح رفيعه ونشوحهم فى الزيت ونضع عليهم شوية
اوريجانو وملح
افرش الرخامة دقيق وابدء فى فرد العجينة افرد العجينة دائرة واخرمها كويس بالشوكة
ثم نضع عليها الصوص ونضع الخضروات وقطع الانشوجة ورشة جبنة موزاريلا
ونسويها فى الفرن شوية على الرف اللى تحت وشويه على الرف اللى فوق
بيتسا بالشيكولاتة والاناناس
عجينة بيتسا – 100 ج اناناس – 50 ج شيكولاتة – 100 ج جبنة موزاريلا
الطريقة
افرش الرخامة دقيق وابدء فى فرد العجينة افرد العجينة دائرة واخرمها كويس بالشوكة
وارصص عليها شرائح الاناناس ثم نرش رشة شيكولاتة دارك مبشورة ثم رشة شيكولاتة بيضاء مبشورة
ثم رشة جبنة موزاريلا وندخلها الفرن
________________________________________
بيتسا بالشيكولاتة والموز
عجينة بيتسا – 100 ج موز – 50 ج شيكولاتة – 100 ج جبنة موزاريلا
الطريقة
افرش الرخامة دقيق وابدء فى فرد العجينة افرد العجينة دائرة واخرمها كويس بالشوكة
وارصص عليها شرائح الموز ثم نرش رشة شيكولاتة دارك مبشورة ثم رشة شيكولاتة بيضاء مبشورة
ثم رشة جبنة موزاريلا وندخلها الفرن
________________________________________
بيتسا الاربع انواع جبنة ( ال4 فروماج)
عجينة بيتسا – اى 4 انواع جبنة عندك ممكن موزاريلا – قريش – جودة – شيدر – ريكوتا
الطريقة
افرش الرخامة دقيق وابدء فى فرد العجينة افرد العجينة دائرة واخرمها كويس بالشوكة
ثم نضع عليها الصوص ثم نضع كل جزء من الجبنة فى ربع لوحده
او نخلط انواع الجبنة ببعض ونضعها على الصلصة
ثم رشة
جبنة موزاريلا و ونسويها فى الفرن شوية على الرف اللى تحت وشويه على الرف اللى فوق
ملحوظة لحفظ عجينة البيتسا
بالنسبة لمقادير العجينة المكتوبة بتعمل 6 وحدات من البيتسا اذا كنتى عايزة متعمليش كل الكمية دى يبقى تاحدى على قد القطعه اللى انتى عيزاها والباقى ممكن تعمليه وحدات وتخبزبها فى الرف السفلى وبعدين لما تبرد تحطيها فى كيس وتحفظيها فى الفريزلر لحين الاستخدام
المنسف الاردنى
على الطريقة المصرية مش الاردنية
1/2 ك لحمة ضانى (مش خروف زى الاردن) – 4 علب ذبادى (بدل اللبنة)
كوب ارز – 2 معلقة نشا – 2 رغيف شامى – بصل – كرفس
كسبرة خضراء – ملح وفلفل
الطريقة
نقطع الخبز مثلثات ثم نحمصه
نضع اللحمة فى سمنة مع بصل وكرفس ولاورا ونشوحها مع اضافة ماء لحد ماتستوى تماما
نضع فى مقلاية ذبدة وعليها فص ثوم لحد مايصفر ثم نضع شوية من صوص اللحمة ثم نضع الذبادى ونقلبهم كويس قوى بعض ثم نضع النشا مع التقليب السريع لحد ما تتقل شوية
نغرف الارز فى الطبق ونضع الخبز حواليه ثم نضع خليط الزبادى اللى عملناه
ثم نرصص قطع اللحمة ثم نضع خبز ثم نضع ذبادى
________________________________________
سلطااااااااات
سلطة الحمص
1/4 ك حمص – بصل مفروم – بقدونس مفروم – فلفل احمر مفروم – ملح – شطة – 1/ 2م كمون
فليل من الشطة – عصير ليمونة – 2 م خل – 2 م زيت زيتون – زعتر
الطريقة
ننقع الحمص من 8 ل 12 ساعه مع قليل من البيكربونات وبعدين نشطفه ونسلقة حوالى
ساعتين او لحد مايستوى
نضع الحمص فى طبق ونضع علية كل المقادير متقطعه صغير ثم نضع الملح والشطة والكمون والخل والزيت
والزعتر ونقلبهم كويس
ونضعهم فى طبق التقديم
________________________________________
سلطة التونة (طماطم محشية بالتونة )
2 علبة تونة صغيرة – 1/2 بصلة – فلفل رومى – بقدونس – طماطم جامدة وصغيرة
الطريقة
نقور الطماطم بالمعلقة ونطلع قلبها
نفصل التونة من الزيت بتاعها ونضع بداله زيت زيتون ونضع عليها كل المقادير متقطعه صغير والخل
والليمون ونقلبهم كويس ونحشى بيهم الطماطم وتقدم
________________________________________
المحمرة السورية 1 و 2
المحمرة السورية 1
2 كوب بقسماط ناعم – كوب كاتشب – 1/2 كوب صوص حار – 1/2 كوب زيت زيتون
2 م ك شطة 1/2 كوب عين جمل مفروم ناعم
الطريقة
نضع البقسماط فى طبق غويط ونضع عليه الكاتشب والصوص والزيت والشطة
ونقلبهم كويس بالمعلقة ثم نضع عين الجمل المفروم ونقلبهم ثم نلفهم بايدنا حتبقى عاملة زى العجينة نعملها اصابع تخينة ونضغط على كل صابع بايدنا فحيعمل شكل كف ايدنا
اضع الاصابع فى الطبق
المحمرة السورية (2)
2 كوب بقسماط ناعم – كوب كاتشب – 1/2 كوب صوص حار – 1/2 كوب زيت زيتون
2 م ك شطة 1/2 كوب عين جمل مفروم ناعم
الطريقة
نضع البقسماط فى طبق غويط ونضع عليه الكاتشب والصوص والزيت والشطة
ونقلبهم كويس بالمعلقة ثم نضع عين الجمل المفروم ونقلبهم ثم نلفهم بايدنا حتبقى عاملة زى العجينة
نفردها فى طبق التقديم ونعمل عليها اشكال بضهر المعلقة
ونضع عليها شوية صنوبر
سلطة الفاصوليا الحمراء
1/4 ك فاصوليا حمراء مسلوقة – فلفل الوان شرائح رفيعه – بصل شرائح رفيعه – بقدونس مفروم
– ملح – شطة – 1/ 2م كمون
فليل من الشطة – عصير ليمونة –معلقة كبيرة خل – 2 م زيت زيتون – زعتر
الطريقة
نضع الفاصوليا فى طبق وعليها البصل والفلفل والبقدونس ونخلطهم
ونضع عصير الليمون وزيت الزيتون والملح والشطة والكمون والخل ونقلبهم كويس قوى
ونضعهم فى طبق التقديم
________________________________________
سمبوسك بالجبنة القريش
رقائق سمبوسك – جبنة فريش – بقدونس مفروم – زعتر
الطريقة
نضع على الجبنة البقدونس المفروم وشوية زعتر ونهرسهم مع بعض
ناخد ورقة من شرائح السمبوسك ونضع على طرفها معلقة من الجبنة ونلفها زى المثلث
ونقفلها ونحمرها فى الزيت وتقدم
________________________________________
الفتوش
2 خيارة – 2 طماطماية – خساية – 1/4 حزمة بقدونس – نعناع – ربع رغيف محمص
فلفلة خضراء – م ص سماق – 2 م زيت زيتون 2 عصير ليمون
الطريقة
نقطع كله صغير قوى قوى ونضعه فى طبق وعليه الملح والزيت وبصلة شرائح رفيعه والليمون والخبز المحمص والسماق على الوش
الكول سلو (1)
كرنبة بيضاء – 2 جزرة – مايونيز
الطريقة
نخرط الكرنبة خيوط رفيعه جدا ونبشر الجزر ونضعهم على بعض
ثم نضع مايونيز ونص م ص سكر ونقلبهم كويس
ونضعها فى طبق التقديم
الكول سلو (2) ممكن للدايت
كرنبة بيضاء – 2 جزرة – ملح – خل – ليمون
الطريقة
نخرط الكرنبة خيوط رفيعه جدا ونبشر الجزر ونضعهم على بعض
ونضع عليها الملح والخل والليمون ونقلبهم كويس قوى
ونضعها فى طبق التقديم
________________________________________
تاتان تارت
200 ج سكر – 50 ج ماء – 2 تفاح اخضر مكعبات – 100 ج ذبدة
100 ج عجينة سابليه – صوص فانيليا – بوله ايس كريم
الطريقة
افرد عجينة السابليه بالنشابة مقاس الفورمة
اضع السكر على النار والماء لحد ما يتكرمل للون الذهبى ثم اضع عليهم الذبدة
لحد ما تسيح ثم اصبه فى القالب ثم اضع مكعبات التفاح واضغط عليه بأيدى ثم اضع عجينة التارت
واضغط عليها و ادخلها الفرن ولما تطلع اقلبها واضع عليها بولة الايس كريم
وصوص الفانيليا
الليمون باى
قاعدة سابلية مستوية – 7 بيضات – 200 ج سكر – 200 ج عصير ليمون – 200 ج ذبدة
كريمة بيضاء – ليمون دراى
الطريقة
اضع على النار السكر وكوب الليمون لحد ما يذوب
اضرب البيض بالمضرب السلك
واذوب النشا فى شوية ماء
اضع صفار البيض على الليمون بالسكر مع الضرب بسرعه على النار ثم اضع النشا المذابه
مع التقليب ثم نضع الذبدة مع استمرار التقليب لحد ما يبتدى يغلى
واول ما يغلى اصبها فى التارت وادخلها الثلاجة لحد ما تبرد ثم ازوقها بالكريمة وشرائح الليمون
الليمون الدراى
نقطع الليمون شرائح ثم نضع فى حله كيلو ماء وكيلو سكر ونص ليمونة لحد
ما يغلوا واسقط فيه الشرايح ثم
اطلعها على ورق ذبدة ثم ادخلها الفرن على حرارة 100 درجة
________________________________________
وايت تشوكليت موس
400 ج وايت تشوكليت موس سايحه – 140 ج أصفر بيض ( 6 )
15 ج جيلاتين ( معلقة ) – 150 ج سكر ( نص كوب ) – 750 ج فريش كريم ( 3 ونص كوب)
3 ديسك اسبونج فانيليا – سيرب – 210 ج بياض بيض ( 7 )
الطريقة
اضع الشيكولاتة على حمام مائى
نذوب الجيلاتين فى شوية ماء دافىء
اضرب صفار اليبض كويس قوى
اضرب البياض كويس فى الخلاط على السرعه العالية وانزل بالراحه جدا بالسكر
اضع الشيكولاتة السايحه على الصفار واخلطهم كويس ثم اضع المارينج على الصفار بالشيكولاتة
ثم اضع الجيلاتين بالراحه قوى مع التقليب بالراحه ثم اضع الكريمة الفريش مع التقليب بالراحة
ثم اضع فى القالب شوية من الخليط ثم اضع ديسك ثم شوية من الخليط ثم ديسك
ثم شوية من الخليط ثم ديسك وندخلها الفريزر لحد ما تجمد ثم نرفع القالب ونزوقها
سلطة يونانى
خس – خيار مكعبات – طماطم مكعبات – فلفل رومى مكغبات – بصل شرائح – زيتون اسود
بقدونس مفروم – م ك زيت زيتون – غصير ليمون – ملح
جبنة بيضاء مكعبات
الطريقة
نضع فى طبق قطع الخس ونرصص عليها مكعبات الفلفل ثم مكعبات الخيار
ثم مكعبات الطماطم ثم الزيتون ثم مكعبات الجبنة ثم شرائح البصل ثم الملح
ثم رشة الزيت
________________________________________
كباب الخضروات
2 طماطم – 2 كوسة – 2 يصلة – 2 فلفل اخضر واصفر – 1 بزنجان
ملح وفلفل – زعتر ناشف – زيت زيتون
الطريقة
نقطع كل الخضروات الى مكعبات وندخلها فى الاسياخ الخشب بالترتيب
يعنى مكعبه من كل نوع ثم نشوحهم فى مقلاية فيها شوية زيت ثم نضعهم فى صينية فى الفرن او ممكن نشويهم على الشواية
كفتة تونسيه
1/4 ك لحمة مفرومة – 1/2 م ص شطة - 1/2 م ص كمون - 1/2 م ص فلفل ابيض - 1/2 م ص كزبرة
4 معالق كبيرة بقسماط ناعم – بصلة صغيرة – بقدونس مفروم
الطريقة
نضع اللحمة فى الطبق وعليها كل المقادير ونعجنها كويس بأيدنا او نضعها فى الكبة مع شوية ماء صغيرين لفتين
نصبع الكفتة اصابع وبعدين نشوحها فى شوية زيت صغيرين قوى فى مقلاية
وبعدين نحطها فى صينية وندخلها الفرن لحد ماتستولى
________________________________________
كباب ميرو ( السعودية)
1/4 ك لحمة مفرومة – 1/2 م ص شطة - 1/2 م ص كمون - 1/2 م ص فلفل ابيض - 1/2 م ص كزبرة
4 معالق كبيرة بقسماط ناعم – بصلة صغيرة – 2 فص ثوم مهروسين
الطريقة
نضع اللحمة فى الطبق وعليها كل المقادير ونعجنها كويس بأيدنا
نعمل الكفتة كور متوسطة وبعدين نشوحها فى شوية زيت صغيرين قوى فى مقلاية
وبعدين نحطها فى صينية وندخلها الفرن لحد ماتستوى
كفتة بانية
1/4 ك لحمة مفرومة – 1/2 م ص شطة - 1/2 م ص كمون - 1/2 م ص فلفل ابيض - 1/2 م ص كزبرة
معلقة كبيرة بقسماط ناعم – بصلة صغيرة – 2 بيضة – دقيق - بقسماط
الطريقة
نضع اللحمة فى الطبق وعليها كل المقادير ونعجنها كويس بأيدنا
نعمل الكفتة اقراص متوسطة وبعدين نضعها فى الدقيق ثم فى البيض ثم فى البقسماط
وبعدين نشوحها فى شوية زيت صغيرين قوى فى مقلاية
وبعدين نحطها فى صينية وندخلها الفرن لحد ماتستوى
كفتة داود باشا
1/4 ك لحمة مفرومة - 1/2 م ص فلفل ابيض – ملح – طماطم بيورية – صلصة طماطم
بقدونس مفروم – بصلة صغيرة – 4 فصوص ثوم مهروسين – زيت زرة – صنوبر محمر
الطريقة
نضع اللحمة فى الطبق وعليها كل المقادير ونعجنها كويس بأيدنا ونكورها
ونشوحها فى شوية زيت فى المقلاية
نشوح البصلة فى شوية زيت لحد ماتدبل وبعدين نضع الثوم ونشوحه ثم نضع الطماطم البيورية
والتوابل والصلصة وشوية ماء و2 معلقة كبيرة بقدونس مفروم ونقلبهم كويس
ويعدين نضع الكفتة وخليهم لحد مايغلوا مع بعض وتستولى الكفتة وقبل مانطفى النار
نضع شوية الصنوبر ودى اختيارى
________________________________________
ازيك يا دون تسلم ايدك يا جميل فى سؤال فنى دلوقتى لما تكون فى وصفة فيها الفراخ بتحط فى بيض
و بعدين دقيق و بعد كدة فى صوص المشكله ان بعد كده الغلاف المكون من بيض و دقيق على الفراخ
بيفك و يتقشر الغلط فين التغليفة مش مضبوطة و لا ايه
بيفك منك لية يا ساسا ؟؟ التغطية بتبقى بطريقتين اما تتبلى الفراخ او البفتيك طبعا وتيبيه شويه وبعدين تضعيه الاول فى الدقيق من الناحيتين ثم فى البيض المربوب بسنة ملح وفلفل وشوية حليب ثم فى البقسماط وتضغطى عليه بايدك كويس وتسيبيه شوية متحمريهوش على طول وبعدين تكونى سخنتى المادة الدهنية وعادة بتكون زيت او زيت وحتة زبدة صغيرة قوى ولما يتحمر من ناحية تروحى قلباه على الناحية التانية
او تعمليه بنفس الطريقة بس بدون دقيق يعنى تحطيه الاول فى البيض وبعدين البقسماط وتكملى عادى جربى كدة وقوليلى اية الاخبار ؟
التراميسو
2 اسبونج ليدى فينجر – 400 ج فريش كريم مضروبة - 6 أصفر بيض
300 ج مسكر بونى تشير – معلقة قهوة دارك – 25 ج جيلاتين ( معلقة ونص كبيرة )
سيرب قهوة – كاكاو بودر – شيكولاتة دارك سايحه – شيكولاتة ميلك سايحه
كوب الاربع سكر – 150 ج سكر كراميل – 50 ج مسكربونى فلفر
الطريقة
نضع السكر على النار لحد مايبقى كراميل بيضاء
نزوب الجيلاتين فى شوية ماء دافىء
نزوب النسكافيه فى شوية ماء وازوبهم
نضع فى الخلاط صفار البيض ثم ننزل عليه بالكراميل ونلفها لفة لمدة ثوانى ثم
نضع عليهم الجيلاتين المزابة
ثم اضع الجبنة المسكربونى فى طبق وعليها ال50 ج مسكربونى فلفر
ثم انزل بالخليط اللى فى الخلاط عليهم ولما يبرد شوية انزل بالكريمة المضروبة واقلب
ثم انزل بالنسكافيه الزايبة
اضع الكيك فى القالب ثم ادهنها بالفرشاه بالسيرب بالقهوة
ثم اضع نص الخليط فى القالب على الديسك
واسقى الديسك التانى كويس بالفرشاه بالسيرب بالقهوة واضعه ثم اضع باقى الخليط
ثم ادخله الثلاجة لمدة ساعه واطلعها من القالب وارش على الوش كاكاو وازوق الجناب بشيكولاتة سايحه
افرد ورقة بلاستيك طويلة واعمل عليها خطوط بالشيكولاتة
شيكولاتة ترايفل كيك
3 ديسك اسبونج بالشيكولاتة – سيرب خفيف – 3 صفار بيض – 2 بيضة كاملة
500 ج فريش كريم مضروبة – 150 ج سكر كراميل بيضاء – 25 ج جيلاتين
300 ج شيكولاتة دارك سايحه
الطريقة
نزوب الجيلاتين فى شوية ماء
نسيح الشيكولاتة على حمام مائى
اضع فى الخلاط الصفار و البيض الكامل ونضربهم ثم ننزل عليهم بالكراميل كويس
ثم ننزل بالجيلاتين السايحه ونقلب ثم ننزل بالشيكولاتة السايحه
نضع فى القالب ديسك اسبونج ثم نضع جزء من الخليط ثم ديسك ثم جزء من الخليط
ثم ديسك ثم باقى الكمية وندخله الثلاجة لحد ما يجمد وتكملى زى الصور نلزق صوابع الميرانج على الاجناب ونزوق بالكريمة
شيكولاتة بروفيترول
بتى شو / 1/4 كوب ماء – 100 ج زيت – 200 ج دقيق – 3 بيض – فانيليا
شوبست كريم / 1/4 ك فريش كريم – 100 ج باسترى كريم
صوص شيكولاتة / 1/2 ك حليب – 100 ج سكر – 50 ج جولكوز – 50 ج كاكاو – 150 ج شيكولاتة دارك – 50ج ذبدة
الطريقة
نضع الماء والزيت والملح على النار لحد مايغلوا ثم نضع الدقيق مرة واحدة ونقلبه لحد ما العجينة تسيب الحلة
ثم نضع العجينة فى الخلاط ونشغله لحد العجينة ما تبرد ثم نضع البيض بيضة بيضة ثم الفانيليا اخر حاجة
نضع العجينة فى الكيس والقمع ونعملها وردات فى الصينية المدهونة ذبدة ومرشوشة دقيق
وادخله الفرن لمدة 25 دقيقة على 160 درجة
ولما يستوى ويطلع اضع الكريم فى الكيس واخرم الشو بالقمع واحشيه بالكريمة
ثم ارصصه فى الطبق وانزل عليه بصوص الشيكولاتة ثم بوردات من الكريكم شانتى
ثم بوحدات من الفراولة ثم رشه من الشيكولاتة المبشورة
طريقة صوص الشيكولاتة
نضع الحليب فى حلة على النار وعليه السكر والجولكوز لحد مايغلوا
ثم اضع عليهم الشيكولاتة والكاكاو
بعد مايغلى اضع الذبدة واقلب كويس بسرعه ثم اصبه بسرعه على الشو
سينابون تارت
قاعدة سابلية غير مستوية – 150 ج ذبدة – 100 ج سكر – 2ج قرنفل – 2ج ملح
2ج فانيليا – 20 ج قرفة – 3 اصفر بيض – 5 ابيض بيض – 200 ج لوز بودرة – 200 ج اسبونج شيكولاتة
مفروم – 150 ج سكر
الطريقة
نضع الذبدة والسكر فى الخلاط ويتضربوا لحد ما السكر يدوب
ثم نضع الصفار والملح والقرنفل والفانيليا والقرفة ونضربهم كويس لمدة 5 دقايق
نضع ا لوز بودرة على اسبونج شيكولاتة المفروم واخلطهم بالمعلقة او بأيدى
اضع البياض فى الخلاط وانزل بالسكر واحدة واحدة خااالص لحد ما يتكون المارينج
ثم اضع المارينج على الخليط الاول واخلطهم كويس بالمعلقة البلاستيك ثم
انزل بخليط الاسبونج عليهم واخلط من تحت لفوق ثم اضعهم فى التارت وادخلها الفرن على درجة
160 امدة من 25 – 30 دقيقة وبعد ما تطلع وتبرد نرش وشها
بالسكر البودرة
ابل باى فلان
قاعدة سابلية – 150 ج كيكة اسفنجية – شيكولاتة ميشورة – 10 ج قرفة ( معلقة صغيرة)
30 ج عين جمل ( معلقة كبيرة ) – 3 تفاحات اخضر شرائح – 20 ج سكر
النبراى ( 1/2 كيلو حليب – 125 ج سكر ( 1/2 كوب )- 6 بيضات – 1/2 باكو فانيليا
الطريقة
نضع السكر والبيض فى طبق ونضربهم كويس جدا بالمضرب السلك ثم نضع الحليب بالراحة جدا لحد ما يتجانسوا مع بعض
نضع التارت فى الصينية ونفرش عليه السبونج المفروم ثم نرش القرفة ثم نرش عين الجمل المكسر
نقشر التفاح ونقطعه شرائح رقيقة ونرصصخ داير مايدور ثم نصب بالراحة خالص النبراى وندخله الفرن
صوب ابريكوت
250 ج كمبوت مشمش – نعناع – فراولة
للديكور / ورق نعناع – شرائح من الفراولة
الطريقة
نضع كمبوت المشمش فى الخلاط (دورق العصير ) وورق النعناع والفراولة ونضربهم على السرعه الاولى ثانية واحدة حتلاقى الفاكهة تقريبا اتكسرت بس اصبهم فى طبق التقديم او فى الكاسات
واضع شرائح الفراولة عشوائى على الوش وكام واحدة من ورق النعناع
تحياتي وفي انتظار ردودكم الرقيقة
إيهاب
العرض العادي
