قصيده انشاء الله تعجبكم

[صادقـ الاحساس]

قـال الـذي قلبـه تــأزم وأنفـطـر
بأسباب غـروٍٍ بالهـوى جاهـل غريـر
غروٍٍ رماني مـن جحيمـه فـي شـرر
مع زود نار الحـب ولـع بـي سعيـر
اللـي لعـب بالنـار يأكلـه الجـمـر
مقسـوم والمقسـوم ماعنـه مطـيـر
لا ياغـزال طويـق يالظبـي العـفـر
صرتي كما عزة وأنـا العاشـق كثيـر
بين الجبـال الشـم والسهـل الخضـر
مدهال ظبي طويـق بالـروض النضيـر
ياحصبـة اللولـو بمـحـار البـحـر
أتعبتـي الغـواص بالـيـم الغـزيـر
يـاوردة البستـان ياعـطـر الـزهـر
وإن داعـب النسنـاس فـواح العبيـر
ياروضـة التنهـات فـي غـب المطـر
وإن فاح ريح العشب من جنـب الغديـر
ياشربةٍٍ مـن نقـع فـي نقـر الصخـر
كـرع بهـا الظميـان حاديـه الهجيـر
ياعيـن شيهـانٍٍ مـن الماكـر شهـر
صوبتني بالرمـش لـك سهـمٍٍ شطيـر
الدمع من عينـي علـى الخـد أنهمـر
أحفيت جفن العيـن وأحرقـت النظيـر
مانـام كـل الليـل فـي حالـة سهـر
وأنت الذي مرتـاح فـي نومـك قريـر
يامنتهـى الأمــال أقـولـه جـهـر
ممنـوع بالأعـراف تعذيـب الأسـيـر
يا((بـو بـدر ياسعود))بالقلـب أنحفـر
حـب الـذي يا((سعود))للخافـق تديـر
يا((بـن عطـا ياسعود))بالـدم أنتشـر
حب الـذي يا((سعود))برموشـه يغيـر
يا((بن الغريب))شف صواديـف الدهـر
خلت إبـن عمـك علـى جـال الحفيـر
لاتلومنـي يا((سعود))فـي راع الحـور
راع الحور يا((سعود))قد صوب جريـر
لـه غـرةٍٍ يا((سعود))والوجـه القمـر
سود الجدايـل فـوق متنـه كالحريـر
يشبـه لعـود المـوز لامـال أنهصـر
ردفـه يشيـل الثـووب لادلاا يسـيـر
لي مقعـدٍٍ يا((سعود))بالرجـم العصـر
فـي عالـي المرقـاب خلانـي خفيـر
ملـزوم أنـط الرجـم كنـه لـي مقـر
رجمٍٍ بضلـع طويـق لـه دربٍٍ عسيـر
لاهل الهـوى بالرجـم تذكـار وعبـر
من قبلنـا نطـووه بالماضـي الغبيـر
والرجـم ثـابـت ماتغـيـر وأنـدثـر
كـم عاشـقٍٍ حاكـاه بالشعـر المثيـر
و((إبـن الملوح))قبلنـا فيـه أستـقـر
يبكـي على((ليلاه))ودمـوعـه نثـيـر
معروف با((لمجنون))في((ليلى))أشتهـر
موصوف با((لمجنون))في((ليلى))شهيـر
بيـن الفيافـي هـام وأضنـاه الهجـر
يشهـد جبل((توباد))والـدرب الوعيـر
دوج على الأطـلال فـي حالـة ضجـر
يمشي علـى رجليـه ماركـب البعيـر
أحفـى قـدم رجليـه وأتعبـه السفـر
أشعث غبر مهموم فـي وضـعٍٍ حسيـر
شـدوا أهل((ليلى))قبـل نـور الفجـر
وهـو هجـد مرحانهـم عقـب الأخيـر
ياطـا علـى شـوك الكتـادة والوعـر
ينشـد ولا دلـوه فـاجـووه النـذيـر
فاجوه مارحمـووه فـي علـم القشـر
مامنهم اللي صار فـي وضعـه خبيـر
قالوا لـه المقسـوم في((ليلى))حضـر
((راحت عروس))اليوم هودجهـا يسيـر
ساعـة لفـاه العلـم في((ليلى))أنجهـر
لاغـص بالعبـرات فرجـهـا بزفـيـر
بيـن الفيافـي هـام تـايـه منـذعـر
.حالف وحووش البر صار لهن عشيـر
في حب((ليلى))أنجـن مافـاق وسكـر
أسقووه سـم الحـب بالكـأس المريـر
سجل لـه التاريـخ فـي عشقـه ذكـر
تبقـى مـع الأيـام أشـعـاره تنـيـر
ذي قصةٍٍ مـن مامضـى عنـدك خبـر
لاتلومني يا((سعود))مجـروح وخطيـر
أنـا الـذي حلـفـت يمـيـن ونــذر
ماأنسى الذي يا((سعود))في روحي خشير
اللي سقاني حـب حنظـل مـع صبـر
من علقـم العشـاق أسقانـي عصيـر
إليا مشيـت البـاع تمشـي لـي شبـر
بالصـد والهجـران روح لـي بشـيـر
من هجرهـا ماتشـد عشرينـي عشـر
العيـن تنظرهـا وأنـا كفـي قصـيـر
كم فرصةٍٍ صـارت وأنـا وجـل وحـذر
ماصيد أنـا يا((سعود))بالمـاء العكيـر
ترى أساس الحـب هـو حـب العـذر
مايلحـق العشـاق باأسبابـه معـيـر
لـولا الحيـا يا((سعود))بدلـت الحبـر
وكتبتـهـا بـالـدم عـنـوانٍٍ كبـيـر
ودمجـت دمـع العيـن بالـدم الحمـر
وسجلتهـا يا((سعود))للذكـرى تصيـر
يافزعتـي يا((سعـود))سـلام وذخــر
في ساعة الضيقـات ينصـاك الشويـر
وختامهـا يا((سعـود))سـلام وشـكـر
معطرٍٍ بالـورد مـن صافـي الضميـر

[صادقـ الاحساس]

قال((الغريب))قبـل ينبـاج الفـجـر
مثايـلٍٍ طافـت مـع أمـواج الأثيـر
مثايـلٍٍ دونتـهـا فــوق السـطـر
مزجتها مـن فيـض مكنـونٍٍ يسيـر
فـي فتـرةٍ فيهـا يغطـون البـشـر
بالنـوم ونجـوم المجـرة بتحـديـر
مأمور فكري حين في رأسـي خطـر
غزتنـي الأمثـال فـي ورد وصديـر
يامرحبـاّّ عـداد مـاهـل الشـهـر
وأستكمـل التعـداد باليـوم الأخيـر
عـدة نـجـومٍٍ بالمـجـرة تنتـشـر
فـي عالـم الأفـلاك بالقـدرة تسيـر
بالشاعر اللي صـاغ مصقـول الـدرر
ينهج بحور السامـري نجهـة مثيـر
مأجور((ياإبـن العامري))لاتحتـضـر
شكواك حطتني علـى حـاف الشفيـر
يا((لبيد))تشكي من هوى دمث النحـر
تشكي تبي((عروة))يجي عون ونصير.؟
ترى الحـذر ماصـد مأمـور القـدر
سلمى على العشـاق موكبهـا يغيـر
ماتدري أنـي ذقـت لوعـات الدهـر
والوقت أوقع صاحبك فـي قـاع بيـر
مع الـذي تشبه((نفرتيتـي مصـر))
((ثوبا))برمز((الدرسعي))حل الشفير.؟
و((الإبجدي))((ثلاثة))و((ستـة))وأقـر
((سبعة))و((واحد))وأسمها لك يستنير
أسمه((ثريا))و((هنعةٍٍ))للمـبـتـصـر
و((ذراع الأانواء))والفلك به يستديـر
له برج صيف وقيض حيثـه منشطـر
أيامه((إثـنـيـن وثلاثينٍٍ))تـصـيـر
شاميـة التصنيـف أيضـاّّ تعتـبـر
أيـام حسبـات الفلـك عنـد الخبيـر
في روس((غيـاض العشيرة))تفتخـر
فيهـم وهـي سلالـة العـود الكبيـر
عرفتها وهـي عرفتنـي فـي صغـر
والكـل منـا يافـعٍٍ عمـره صغـيـر
حتـى كبرنـا والولـع معنـا كـبـر
وأستلهمـت أرواحنـا لخلـق القديـر
حبيتهـا وهـي عشقتنـي فـي وقـر
حب الشـرف يا((لبيد))خلانـي أسيـر
هي منوتي يا((لبيد))من بـدو وحضـر
يحتار في توصيفهـا العقـل المنيـر
عوده كغصن الموز في ((دلتا))النهـر
يشرب زلايـل جـدول المـاء النميـر
والعسجد المصقـول بالفـرع أنصهـر
لونه علـى كلثومـة الوجـه السفيـر
عذروبهـا متروسـة العجـز وصـدر
ملهوفـة المثنـاه سرجفهـا ضميـر
لاسلهمت لـي فـي مظاليـلٍٍ خثـر.؟
أخضع لوني ماخضعـت لأمـر غيـر
ماعاد أميز صبـح يومـي والعصـر
سلطان حبه جاد بـي سهـمٍٍ شطيـر
قضيت عمـري بيـن مـده والجـزر
كسر الدقل وشراع شووعـي قصيـر
بينـي وبينـه حـال تقليد((الحجـر))
وأستسلم((المحجور))في حكم الحجيـر
ليلة((زفافي))حـاولـت أن تنتـحـر
كادت تمووت ولازمت فرش السريـر
أمضيت في رجوى الهوى ست وعشر
من جور حكم العرف بالدمع استجيـر
أخشـى واداري وألتـزم حـد الستـر
من خووفي الوواشين لأسراري تثيـر
ستـة عشـر عـامٍٍ وهمـي ينحشـر
بالجـوف مابيحـت مكنـون الستيـر
والشيب يامشكاي فـي رأسـي نثـر
تضائلـن المجهمـات مـع الغتـيـر
أزرى الأمـل يا((لبيد))جنـدة ينتصـر
حيث إن جند اليأس له جيـشٍٍ كثيـر
عانيت من فقدي لهـا شتـى الصـور
بـأول حياتـي وأثـرت بـي للأخيـر
مـن حـر مابيـن الحنايـا تـدهـر
ماخف مـن لاهـب حرارتهـا بزفيـر
حملـت حمـلٍٍ ماتحمـلـه البـشـر
قبلي ولا ظنيـت مـن بعـدي يصيـر
غصبٍٍ علي أخضـع لمأمـور القـدر
مخلوق والمخلوق يرضـى بالمصيـر
كم واحدٍٍ حظـة عـن الغايـة قصـر
أمضى حياته ماتحقـق لـه مصيـر.؟
العمـر يمضـي والنهايـة تنتـظـر
للحـي هـذي سنـة الـرب القديـر
حياتـنـا موصـوفـةٍٍ بالمخـتـبـر
للخلق والخـلاق فـي خلقـه خبيـر
حواء ألهمتنـا الفـن وأنغـام الوتـر
والشعـر والأوزان والبحـر الوفـيـر
وأصبح كنقشٍٍ فوق صمصام الصخـر
في سنـة الأزميـل ينقشهـا الخبيـر
بين النبط والفصـح والشعـر النثـر
تناقـل الأجيـال والكـوكـب يـديـر
في حكم من نزل((تبارك))و((الزمـر))
وأرسل((محمد))خاتم الرسلـي بشيـر
عليـه أصلـي عـد ماينبـت بــذر
بالأرض حين يعلهـا الـودق الغزيـر

[~Honey~]

ياعيـن شيهـانٍٍ مـن الماكـر شهـر

صوبتني بالرمـش لـك سهـمٍٍ شطيـر

الدمع من عينـي علـى الخـد أنهمـر

أحفيت جفن العيـن وأحرقـت النظيـر

مانـام كـل الليـل فـي حالـة سهـر

وأنت الذي مرتـاح فـي نومـك قريـر


ــــــــــــــــــــــــــــــــــــــــــــــــــ ــــــــ

العمـر يمضـي والنهايـة تنتـظـر

للحـي هـذي سنـة الـرب القديـر

حياتـنـا موصـوفـةٍٍ بالمخـتـبـر

للخلق والخـلاق فـي خلقـه خبيـر

حواء ألهمتنـا الفـن وأنغـام الوتـر

والشعـر والأوزان والبحـر الوفـيـر


صادق الإحساس

كلمات اعجبتني ومعاني فتنتني



سلمت يمناك

مع حبي

~Honey~

[سلامه الشمري]

يعطيك العافيه على الكلمات الجميله

والاسلوب الرائع والاداء المميز وعلى

العموم تسلم يمينك وعساك على القوة

[صادقـ الاحساس]

~Honey~

سلامه الشمر ي

تسلمون يالغالين فديتكم والله ويشرفني مروركم وتعليقاتكم تهمني ولكم تحياتي

[مـ الشوق ـلاك]

صح لسانك

أبدآآآع أكثر من رآئع

بنتظار مايجود به قلمك

مـ الشوق ـلاك

[عبيــــرالــــورد]

صح لسانك اوخي صادق الاحساس
مزيد من التقدم
والجمال الادبي الرائع

عبير الوردِِِ~

[مـربـشتهم]

صحــ صحــ لسآآنكـ

صآدق

ابدآع ابدآع ابدآع

اكثر من رائع

ماننحرم منه يارب ودوووم هالتواصل

والى القمة ان شاء الله

ننتظر جديدك بشوق ولهفة

تقبل طلتي

دلع

[Ŗờờ7 έήŠấń❥]

صح لسانك اخوي صادقـ
وننتظر المزيد من الإبداع
وتقبل مروري

[صادقـ الاحساس]

اسعدني مروركم وتعليقاتكم الراقيه ولكم تحياتي وتقديري