عزيزي القارئ اذا حاولت تحب الناس ويحبوك باستمرار مثل امس وقبل أمس مثلي انا طبعا لا أوفق أبدا أحتار أحيانا كيف أبرز حبي للناس وكيف اخلي الناس تحبني ..لهالسبب قررت اكتب لك هالموضوع ..بقدم لك قوانين وطرق مختلفه تخليك هالطرق تحب حتى العامل البسيط وراعي التكسي ..وباختصار كل الناس والعكس صحيح ..بشكل بسيط ومختصر ومن غير تعقيد والنتيجه مضمونه ميه بالميه بمشيئة الله
::::1_ تذكر عزيزي أسماء الناس اللي عرفتهم في حياتك يعني مو كل مرة تشوف احد تعرفه من زمان تقوله عفوا شو اسمك ..او شايفك من قبل بس ماني متذكر ..أو ممكن تذكرني لو سمحت ..أكيد ردة فعله انه بضايق منك ويمكن يحذفك من قاموس حياته وينساك.
::::2-خليك بسيط وغير متكلف مع الناس فاذا شعرت بالراحه معاهم أكيد بتعطيهم بالمقابل الشعور بالراحه ..واهم شيئ ما تسال الشخص اللي قدامك انت مرتاح معاي ولا لأ ..لانك بهالطريقه بطفشه
::::3-لا بد عزيزي ان تؤمن بالقضاء والقدر واللي يجيبه الغيب والقدر حياه الله وكل موقف يضعه القدر امامنا اكيد في صالحنا ..يعني ما هو اكيد اكيد
::::4- حاول بقدر المستطاع انك تبتعد عن الانانيه وحب الظهور ..يعني مثلا اظهار معلوماتك وثقافاتك قدام الناس ..يفضل يعني انك تكون مستمع جيد لا متحدث جيد لأن الناس في زمن اليوم يحبون اللي يسمعهم اكثر توافقوني ولا ...
::::5- حاسب نفسك كل يوم وضع شخصيتك تحت المجهر وبالتالي تتخلص من السلبيات وتبقي على الايجابيات اللي تحبب الناس فيك
:::-ابتعد عن سوء التفاهم والتفكير السلبي وشو يقصد فلان وعلان ولا تفسر تصرفات الناس بسوء نيه وتفكير سلبي ..لا لازم تعذرهم وتحاول انك تجد مبرر لتصرفاتهم ..وعلى فكرة يعني انت لو حبيت اي شخص ما حتشوف عيوبه حتى لو كانت كبيرة واضحه ..مثل ما يقولون اخواننا المصريين (حبيبي يأرئشرلي الزلط وعدوي يتمنالي الغلط)
::::7-شارك الناس أفراحهم واحزانهم وكل مناسباتهم وخلي خطوة البدايه تكون من عندك دائما ولا تنتظر من الناس شي لانك رايح تستنى كثير ..
::::8-أعطي الناس دفعه معنويه ..يعني خلي ردك دايما ايجابي وانك موافقهم وانك وياهم لو مهما صار ... (( ارجو من بعض الإخوان الإنتباه لهذه النقطه ))
::::9-شخصيتك لازم تكون مفيده حتى يستفيد الناس منك ويتعلقوا فيك اكثر يعني تفيدهم في خبراتك وكلامك وفي صفاتك الايجابيه وطريقه تفكيرك والناس اليوم يقدرون بشكل كبير اللي يرتقي فيهم للافضل معنويا وعاطفيا..
::::10- آخر شي عزيزي اقترب من الناس وعرفهم عليك بشكل ختصر وبسيط والاهم والاهم بتواضع ..يعني لازم تقول انا فلان ابن فلان
وبسسسسس .....
ويا ليت لو نشوف تطبيقها
منقووووول
العرض العادي
