عطر من النقى ..أبيض
وصل ..فيني ..يهنيني.
ويعزف بـ/الملا مبروك
وأنا ..سارح
وسط كف الألم مفروك
أصيح وأرتوي مــ/القهر
وذاك الشر
يتسلّلْ
ويتوغّلْ
..ولحظتها
أغمّض عين
وأفتح نصف ثانيها ..!
لجل أعرف
أبمشي وين
***
عطر من النقى ..أبيض
وصل ..فيني ..يهنيني.
ويعزف بـ/الملا مبروك
وألقى شيخ
صاح بضعف( نسيوني)..(نسيوني)
وأسأل ...ليه بس نسيوك
تجاوب دمعة من عينه
(أنا ويني)
انته في ديار العجز
عيالك .وقتهم قاسي..
ولا واحد..؟
قدر يسرق
دقيقه فيها يفضالك..!
أكيد الكل لو تسأل
تلقى الدنيا والحاضر
في طابور عذّالك
ويسأل..
(كم هيـَ الساعة )
ترى الساعة غدت سبعه
ويسأل
(مغربٍ أو فجر)
أيّت فجر ياعمي
وذاك الفجر
عيّـ ما يبي طلعة..
خليني أبي أمشي
وأدعي الله يحينا
وأخلي لجيتي رجعه
وأنا ماشي
أصيح وأرتوي مــ/القهر
وذاك الشر
يتسلّلْ
ويتوغّلْ
..ولحظتها
أغمّض عين
وأفتح نصف ثانيها ..!
لجل أعرف
أبمشي وين
العرض العادي
