العودة   منتديات الـــود > +:::::[ الأقسام الثقافية والأدبية ]:::::+ > مملكـة خاصـة
موضوع مغلق
   
 
أدوات الموضوع تقييم الموضوع انواع عرض الموضوع
قديم 22-04-2010, 10:18 AM   رقم المشاركة : 1
حمد الهذلي
( ود فعّال )
 






حمد الهذلي غير متصل

مملكتي الخاصه هلابكم الجميع

السلام عليكم ورحمة الله وبركاته

اسعد الله اوقاتكم بكل خير

هنا سوف يكون بوحي وقلمي تحت امر الجميع هلابكم في مملكتي الخاصه اتمنى اقدم مايرضي اعجابكم وذوقكم الرفيع




لو أن درب الهواء يجدي =ماكان درب الهواء غلاب
تجرحنا الايام وتعدي= والجرح لو ننبشه ماطاب


انتظروني هنااا


اخوووكم شا ا ا عر بعه






قديم 24-04-2010, 11:11 PM   رقم المشاركة : 2
حمد الهذلي
( ود فعّال )
 






حمد الهذلي غير متصل

ياهيه ياللي شوفتك تبري الروح=ياجعل مالي فالبشر غيرك انسان
انا معك فالعشق والباب مفتوح =واشره علي ان رحت يازين زعلان
ابو حمد ياسهر ويسهر بي النوح =فالفكر زولك وانت للفكر عنوان
والقلب في فرقاك ياهيه مجروح =وان جيتني قلبي من الود شفقان
السر لا يبدي ولن سار مفضوح=سر الهواء مابين ربعن وعدوان
مالي ورا طرد الغرابيل مصلوح =ولا للي مع اهل الغش بسطه ودكان
تب الحقيقه واللذي فيك بوضوح=انته عيوني وانت شوقي والاوجان
انت الحبيب اللي من الزين مملوح =بيتك وطن وان غبت ياوين الاوطان


اخووووكم شا ا ا عر ربعه






قديم 27-04-2010, 10:35 PM   رقم المشاركة : 3
حمد الهذلي
( ود فعّال )
 






حمد الهذلي غير متصل

أقلهم مقدر يقولون حاول =الله عليم(ن) بالخفا كم حاولت
حاولت اعاند شوقها واتطاول =عديت في عال المراقب وحولت
ماهي برغبة حب رغبة تداول =رغبه ليا فكرت فيها تهولت
تثير في كل القلوب التسأول =قمة سؤال اموت به ماتقولت
ابيع واشري فالحساير وازاول =ياكثر مافي جوها هي تجولت
انا اتناول سقم قلبي تناول =فتحت له باب التنمل وخولت
اخوله للجرح وارجع واحاول =ياكم خولته وياكم حاولت

اخووووكم شا ا ا عر ربعه






قديم 02-05-2010, 12:52 AM   رقم المشاركة : 4
حمد الهذلي
( ود فعّال )
 






حمد الهذلي غير متصل

بيني وبين الهـم ميثـاق وعهـود=وبيني وبين البعد قصـة مريـره
الهم خلاني مع الوقـت مقـرود=والبعد كاوينـي ونـاره سعيـره
درب السعادة اصبح اليوم مفقـود=في وقت خلاني ابيـح السريـره
اسباب منهو غاب ماعنه منشـود=خلا حياتي يابـن عمـي مريـره
الحال من فرقاه اصبح كما العـود=وانا على الفرقى عيوني سهيـره
ان كان سافر جعله يروح ويعـود=وينعش ورود الحب في كل ديـره
شرحت لك عن حالي المر ياسعود=ابغى الأفـاده فالهمـوم الكثيـره






قديم 02-05-2010, 12:54 AM   رقم المشاركة : 5
حمد الهذلي
( ود فعّال )
 






حمد الهذلي غير متصل

لو كان نعلم عن المكتوب = ماكان نسعى ورا حاجه
لكن قدرنا كذا محسوب = مثل البحر تلعب امواجه




اخووووكم شا ا ا عر ربعه






قديم 03-05-2010, 12:33 AM   رقم المشاركة : 6
حمد الهذلي
( ود فعّال )
 






حمد الهذلي غير متصل

الله اكبر ذكريات الآدمي شـي(ن) عجيـب=الله اكبر ذكريـات الآدمـي ياهـي مثيـره
الله اكبر كم تشرق شمس يوم وكـم تغيـب=الله اكبر كم هالدنيـا ولـو تكبـر صغيـره
الله اكبر كم جرحنا الوقت جرح(ن) مايطيب=لله اكبر كم جروحه في ضمايرنـا خطيـره
الله اكبر ويـن ودانـا المقـدر والنصيـب=لله اكبر والله اكبـر ماعلـى ربـي كبيـره
الله اكبر كل مايبعـد علـى ربـي قريـب=الله اكبر ربنا اللـي مايجينـا غيـر خيـره
الله اكبـر يامجيـب ويارقيـب وياحسيـب=لله اكبر كل شي (ن) للانسـان فيـه خيـره
الله اكبر جرحي امس اشكي ودور له طبيب=الله اكبر طبت من جرح الزمن بأهون بصيره



اخووووكم شا ا ا عر ربعه






قديم 05-05-2010, 02:53 PM   رقم المشاركة : 7
حمد الهذلي
( ود فعّال )
 






حمد الهذلي غير متصل

أخذنا موج بحر الحب وابعدنا عـن المينـا=وهبت عاصفه وتنكست من هولها الاعـلام
ركبنـا الفلـك والامـواج تبعدنـا وتدنينـا=وفي وحشة متاهتنا نتحضن بعضنـا وانـام
واذا اصبح صبحنا قمنـا وجدفنـا وغنينـا=وضحكنا للبحر ضحكت قهر من حرقة اللام
واضنـا ياحبيـب الـروح كفينـا ووفينـا=بعد حب ولقاء وابعاد ومفارق ثلاث اعـوام
لعـل الله يجبـر فـي خواطرنـا وينجينـا=عبـاده ماستطعنـا نتقيـه وديننـا الاسـلام
عسا موج البحـر يهـدا ولاتذبـل امانينـا=ونعيش العمر كله مع بعض ونحقق الاحلام
ونرجع بعد مابعدنا قدرنـا عـن مراسينـا=حبايب جوانا هادي بلا حيـره ولا اوهـام
يهتفون اهل الهواء بحروف اسامينـا=ويدوم الحب يعقد الغـلا مادامـت الايـام حبايب
اخووووكم شا ا ا عر ربعه






قديم 12-05-2010, 03:12 AM   رقم المشاركة : 8
حمد الهذلي
( ود فعّال )
 






حمد الهذلي غير متصل

خذ من عيوني سهر ليله =وعطني دقايق اذوق النوم
وان كان لك بالصبر حيله = خذ من فؤادي عذابه يوم



اخوووكم شا ا ا عر ربعه






قديم 16-05-2010, 06:58 PM   رقم المشاركة : 9
حمد الهذلي
( ود فعّال )
 






حمد الهذلي غير متصل

تاهت خطاي وطـال فالليـل مسـراي=وشموع حلـم الليـل فالصبـح ذابـت
لكن هذا ما أدخـل الرعـب فحشـاي=ماهابـت اركابـي ولا الرجـل هابـت
طبعي صليب الراي لو تاهت اخطـاي=مثل الجبـل لـو هـزه الريـح ثابـت
ياماجرالـي مـن تهـاويـل دنـيـاي=لو هي صفت لي يـوم يوميـن عابـت
شوقتنـي ياعـازف الـعـود للـنـاي=ذكرتنـي يـد(ن) عـن النـاي تابـت
وأنا مـن اول طـاوي اوراق ذكـراي=ناسي تجاريب(ن) مع الوقـت خابـت
صابـر لان الصبـر فالضيـق مبـداي=وحيـث(ن) نفسـي عاندتنـي وأنابـت
وعلمت ليل الصمت بأسـرار نجـواي=ولازال سـري بيـن الاضـلاع نابـت
بصبر وجامل والفـرج عنـد مـولاي=عله يجي لـو لحيـة الـورع شابـت
مشكـي لغيـر الله علـى الله شكـواي=ياعنـك خلقـه منهـم النفـس طابـت
مابي لهـم فزعـه ولاابـي لهـم راي=آمـنـت بالله قــدرت الله وصـابـت
امشي على ممشى ويمشـى بممشـاي=ياكـثـر مادنـيـاي ودت وجـابــت
المرتحل لامن قضـى المنتظـر جـاي=وياما اشرقت شمس(ن) بعد شمس غابت





اخوووووكم شا ا ا عر ربعه






قديم 13-06-2010, 01:01 PM   رقم المشاركة : 10
حمد الهذلي
( ود فعّال )
 






حمد الهذلي غير متصل

لاشفت عيب البشر بالعين =اصحا لسانك بها ينطق
عيبك بيظهر لهم بعدين=المسأله مسألة منطق



اخووووكم شا ا ا عر ربعه






موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:51 PM.




 


    مجمموعة ترايدنت العربية