العودة   منتديات الـــود > +:::::[ الأقسام الثقافية والأدبية ]:::::+ > مملكـة خاصـة
إضافة رد
   
 
أدوات الموضوع تقييم الموضوع انواع عرض الموضوع
قديم 01-06-2010, 09:02 PM   رقم المشاركة : 11
؟ فلسفة شاعر ؟
( مشرف الإقسام الثقافية والأدبية)
 
الصورة الرمزية ؟ فلسفة شاعر ؟

,,,,,,,,,, المــــــــــدار (9)




نجم(ن) سطع بالنـور وازداد برقـه=من قوة فلاشه حرق راعـي الحقـد
الحـب يارايـد تـرى فيـه حرقـه=لو ابتدأ بعهود واحـلاف(ن) وعقـد
والحـب لامنـك تمعـنـت طـرقـه=ملعون ابوه وفيه تخديـر مـع فقـد
يزعج حزين الصوت لانـاح ورقـه=سهران طول الليل ماطاب لـه رقـد
وصدق العذارى واضح(ن) فيه فرقـه=لايخدعـك معسـول لباسـة العـقـد
واحذر من اللي بالهوى فيـه درقـه=يضحك وحبله بالخفـا يعقـده عقـد
ولاترافـق الهـذار يزعجـك قرقـه=طيبك معه مهدور لـو كنـت معتقـد
ترى الردي لو طاب يجذبـه عرقـه=اقديت في ترك الردي .. وانت بعد أقد
والقاف لو كـادت بحـوره وطرقـه=اطوًعـه تطويـع واقـدمـه نـقـد
الى لقـــــاء متجدد انشاء الله ,,






التوقيع :
حتى اشعار اخر

رد مع اقتباس
قديم 03-06-2010, 11:46 AM   رقم المشاركة : 12
؟ فلسفة شاعر ؟
( مشرف الإقسام الثقافية والأدبية)
 
الصورة الرمزية ؟ فلسفة شاعر ؟

<<<< المــــــــدار (10 )



لاضاق صدرك وابتدا داخلـك هـمً=وشح الزمان وصرت بالحيل مرتاب
وصار الملل في داخلـك كنـه اليـمً=حتى عيونك للنظر صارت اغـراب
ارفع يديك لكاشـف الضـر والغـمً=ماخاب من وجًه لـه ايديـه طـلاب
الواحـد اللـي بالمخاليـق يعـلـمً=هو الذي لاضقت يفتح لـك ابـواب
لامن عطا من غير كيـف ٍ ولاكـمً=ماشحًت ايدينه على مذنـب ٍ تـاب
يغفر ذنـوب العبـد لوهـي تـردمً=ويستر خفا ذنب ٍ على صاحبه عاب
والنفـس للانسـان تسقيـه علقـمً=ومن لانهى نفسه عن الشر ماصاب
كم واحـد ٍ باسبـاب نفسـه تنـدمً=ماينفعه دمع ٍ علـى العيـن سكـاب
ياقارئ الابيات تكفى !! وقـل تـمً=خالف هوى نفسك ترى قدمك حساب
من قبـل لاترحـل ل/قبـر ٍ اظلـمً=تبقى وحيد ٍ ملتوي فوقـك الـداب
داب ٍ اذا ضمـك ظلوعـك تحطـمً=ضمه ..ماهي ضمة قريبين واصحاب
في ساعة ٍ فيها القبـر كلـه اعتـمً=شي ٍ مخيف وكل من حولك اغراب
يالادمي بادر علـى الخيـر واغنـمً=اغنم حياتك قبل تفريـق الاحبـاب
ترى الحياة اللي بها مـوت ٍ وغـمً=واجل ٍ بها لو طال محـدود بكتـاب
واللـي خلـق يانـاس بعروقنـا دمً=هذي حياة ٍ مابهـا غيـر الاتعـاب




,,,,, الى مادر آخر باذنه تعالـــى .






التوقيع :
حتى اشعار اخر

رد مع اقتباس
قديم 07-07-2010, 01:47 AM   رقم المشاركة : 13
؟ فلسفة شاعر ؟
( مشرف الإقسام الثقافية والأدبية)
 
الصورة الرمزية ؟ فلسفة شاعر ؟

المــــــدار 11










((( العطا ماهو غريب)))




العطا ماهـو غريـب لابذلـه الصادقيـن=حي والله هالجهـود وديـرة(ن) بعيالهـا
يارجال الخيـر هـذا ديـدن(ن) للطيبيـن=بـارك الله بالرجـال وحـي والله فالهـا
الجهود اللي بذلتوا للوطن في كـل حيـن=واضحه مثل الشروق وفيتـه فـي جالهـا
مركز(ن) خيري يساعد كل من جاله حزين=يسعف اللي حال دونه كلمـة(ن) ماقالهـا
عاجز(ن) عن كل شي ومالـه الا يامعيـن=واستجـاب الله دعائـه والرعايـه نالهـا
والعلاج اللـي يعسـره امًنـوه القائميـن=ابذلوا كـل الجهـود لصحتـه واحوالهـا
في سبيل انه يكون دائمآ وضعـه حسيـن=وفـروا لـه مايكفـي حاجتـه واكمالهـا
راتب(ن) شهري لحده من جهود الصالحين=والصعايب طوًعوها فـي سبيـل اجيالهـا
هذي (عنيزه) لها بقلوبنا حـب(ن) ثميـن=ساكن(ن) فينا هواها لـو تطـول اميالهـا
والبلاد اللـي حباهـا ربنـا بالمسجديـن=طيبها من جود اهلهـا والمكـارم حالهـا
حكمها شرع الأله وسنة الهـادي الاميـن=حبها واجـب علينـا والوفـا يبقـى لهـا
للمليـك ارواحنـا نفديـه فيهـا والبنيـن=من عهد عصر الجدود اللي وفت بقوالهـا






التوقيع :
حتى اشعار اخر

رد مع اقتباس
قديم 18-10-2010, 11:18 AM   رقم المشاركة : 14
؟ فلسفة شاعر ؟
( مشرف الإقسام الثقافية والأدبية)
 
الصورة الرمزية ؟ فلسفة شاعر ؟
عيون الليل

المـــــــــــــــــدار (( 12 ))




الليل ماله يآحور العين نظرات= ان كان خوفك نظرة الليل عادي
لاصار مابيني وبينك مسافات=وانت الدواء للقلب وانته مرادي
قربك يرد الروح ويعيد مافات=ومنك النظر يشفي عليل الفؤادي
خلك معي ناخذ من العمر لحظات=ونرسم على وجه الثرى بالايادي
نكتب حروف الحب وتمون نظرات= روح ٍ تعانق روح في جو هادي
واسمعك لاقلت سمعني ابيات=ابيات شعر س لاجل عينك جدادي
بوصف جمالك في جميع العبارات=لانك شبيه البدر والغير عادي
شوف القمر خجلان من خلف غيمات= راح وتخفى واكتساه السوادي
كل الدروب اللي تودي متاهات= ماينمشي درب ٍ وصف بالبعادي
دربي انا لو طال معك انت بالذات= يحرم علي لامشيه لو كنت غادي






التوقيع :
حتى اشعار اخر

رد مع اقتباس
قديم 03-02-2011, 10:28 AM   رقم المشاركة : 15
؟ فلسفة شاعر ؟
( مشرف الإقسام الثقافية والأدبية)
 
الصورة الرمزية ؟ فلسفة شاعر ؟


>>>>>> المدار الثالث عشر <<<<<< قريبآ







التوقيع :
حتى اشعار اخر

رد مع اقتباس
قديم 20-05-2011, 04:47 PM   رقم المشاركة : 16
؟ فلسفة شاعر ؟
( مشرف الإقسام الثقافية والأدبية)
 
الصورة الرمزية ؟ فلسفة شاعر ؟

المدار الثالث عشر <<<<






لو سألتي عن سبب طعنات قلبي مع شقايه=كان وضحت الجواب وقلت لك باسبابك انتي
ولو سألتي عن طعونك كم عددها في حشايه=كان قلت الك الطعون اكثار .. زادت يوم منتي
ولو سألتي عن رياح الشوق والغيم بسمايه=كان بينًت الجواب وكان واضح لو فطنتي
لو سألتي عن جنون العشق وفصول الروايه=كان قلت الك الراويه يوم باعماقي سكنتي
لو سألتي لحظة الغزو الجنوني في البدايه=كيف كانت والحصون اللي دمرتي واستهنتي
واحتلال الخافق اللي صار حبك به ولايه=من ولايات الخيال اللي بها عشقي رهنتي
واستبحتي قلب عاشق واحتفلتي بالجنايه=والجنايه في خفوقي ليه خفاقي سجنتي؟
ولو سألتي عن جمالك ؟ قلت لك طاغي وآيه=خالقك سبحانه اللي صورك حتى فتنتي
لو سألتي بلسم الجرح العطيب وعن دوايه=قلت وصلك هو دواء كل الجروح اللي طعنتي
لكن انك تسأليني عن تفاصيل ونهايه ! ! !؟=والفشل واحساسه اللي داخلك حتى ظننتي
الظنون آثام !! وانتي دائمآ ظنك خطايه=وانتي .. انتي تعرفين الخافق اللي به مكنتي
والله انه ماتساوي مدة يدينك عطايه=كلما مديت كفي واعتلى مدي طمنتي
انتهينا ..! وانتهى الفصل الاخير من الحكايه=وانجلى زيف المشاعر والهوى بيدك دفنتي






التوقيع :
حتى اشعار اخر

رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:33 PM.




 


    مجمموعة ترايدنت العربية