قصيدة فتاه اجبرها ابوها على الزواج...

[أمير الضحكه]

يابوي خلوني علـى كيفـي اختـار
يابوي هذا العرس مابـه غصيبـه

يابوي لاترمون قلبي علـى النـار
وتصير بكـره ياجماعـه مصيبـه

يابوي انا اللي عارفه كل الاسـرار
قلبي وانا ادري فـي دواه وطبيبـه

يابوي انا مليت من كثـر الاشـوار
والموت من شور القريـب لقريبـه

يبه .. يبه .. يامكرم الضيف والجار
ياسيـدي ياتـاج قلبـي حبيـبـه

لو شفت دمعي تالي الليـل مـدرار
النوم حاربنـي وانـا لـه حريبـه

في خاطري هم .. وهواجيس وافكار
ماجابت الورقا من النـوح اجيبـه

الله يعين الـي مـن الهـم محتـار
اعيش فـي دنيـاي مثـل الغريبـه

الحلم الاول مـات يابـوي وانهـار
ذبحت حلمي ليـه .. والله عجيبـه

يابوي زاد الهم ضاقت بـي الـدار
صارت حياتـي ياحياتـي صعيبـه

وشعاد لو في غرفتي ورد وازهـار
اشوفهـا يابـوي مثلـي كئيـبـه

ياتـاج راسـي لاتحمّلـنـي أوزار
تكفا طلبتـك .. لاتزيـد المصيبـه

[( ســــارب )]

لا تزيد المصيبه >>

كني ببوها يقول ما عاد إلا هي بنات ويشترطن ؛ اعقبي بس
واحنا انقول علام الهوليوود والسيوليوود اثاريهم متأثرين فينا ؟

ذكرتني بقصيده لوحده مدري عنها .. بس اذكر منها بيت
والباقي مالي فيه ‘‘ لأني صايم ‘‘ ..
حظ البخت جاب لي هقاش / وانا من البيض مقروده

اضحك الله سنك يا امير الضحكه ..دائما وابدا ..
وراك ما جبت اسمها ..وينهي فيه ..حيه وإلا ميت ..

عطري ..

[%فزولها%]

الله يكون في عونها >>>>

عوافي ع القصيده


حظ البخت جاب لي هقاش / وانا من البيض مقروده
>>يويل حالي
مودتي

[أمير الضحكه]

اقتباس المشاركة الأصلية كتبت بواسطة سماوي لا تزيد المصيبه >> كني ببوها يقول ما عاد إلا هي بنات ويشترطن ؛ اعقبي بس واحنا انقول علام الهوليوود والسيوليوود اثاريهم متأثرين فينا ؟ ذكرتني بقصيده لوحده مدري عنها .. بس اذكر منها بيت والباقي مالي فيه ‘‘ لأني صايم ‘‘ .. حظ البخت جاب لي هقاش / وانا من البيض مقروده اضحك الله سنك يا امير الضحكه ..دائما وابدا .. وراك ما جبت اسمها ..وينهي فيه ..حيه وإلا ميت .. عطري ..

والله ما اعرف اسمها وما اعرف عنها شئ لان الموضوع قريته واعجبني ونقلته لكم.......

يعطيك العافيه................

اشكرك عالرد..

[أمير الضحكه]

اقتباس المشاركة الأصلية كتبت بواسطة %فزولها% الله يكون في عونها >>>> عوافي ع القصيده حظ البخت جاب لي هقاش / وانا من البيض مقروده >>يويل حالي مودتي

يسلموا حبي...........

ثانكس عالرد..

[فـطـيـس]

صح لسااااانك

والله يعين البنات على بعض الاباء


مشكوووووووووور على النقل