|| بعـض المسااجـلاات الهجيريـه ( صـووت وو صـددى) .. ||

[العـ راعي ـليا]

اقتباس المشاركة الأصلية كتبت بواسطة ( ســــارب ) ‘‘‘ دوك يا غازي من همومي وهات وإن حصل لا تترك جروحي تروح قالوا:إن الصدق في الدنيا نجـاة وياخذ الله من خذى الدعوه مزوح وانت مالي عن نقى وجهك غناة لو يلـوح الفجر والغالي يلوح شف ملامح صاحبك كنها رفات دلني وشهي سواتي وين اروح ؟ الليالي صارت بعيني خــوات كلبوها يا اقشر ارويلي جروح ! الحياة اللي عليك وع الممات وش وراها يا الشمالي من طموح ؟ سآيلك بالله وش معنى الحياة لا كتمت بخافقي غصه وبوح شف ملامح صاحبك كنها رفات دلني وشهي سواتي ..وين أروح ؟ لو به اقسى من صنوف الذكريات ما قدرت اعيش للحظة سـموح ولا ذكرت شوي مني وامنيــات ما ذكرت اني ولو مره جموح كانت اقرب من جهد حذفة حصاة يوم كان الدم في عرقي يفوح شف ملامح صاحبك كنها رفات دلني وشهي سواتي .. وين اروح ؟ من طرف يمناي واكمام العباة قبضة كفوف ٍ لو اطلقها تنــوح ! من زمان ٍ لا لمح صدري يبات ومن مكان ٍ لا لمح عيني يشوح ما يسد الجوع يا غالي فتات ولا يفيـد اللي شرب وقته شروح شف ملامح صاحبك كنها رفات اسألك بالله ياخي وين اروح ؟ ‘‘‘

اقتباس المشاركة الأصلية كتبت بواسطة العـ راعي ـليا ‘‘‘ من الرويلي هاك ياصالح وصـاة يوم له خصّيت تسأل وين اروح ؟ جابها لك دون أدنـى مقدمـات من خفوقٍ يعلم الله ‘ لك نصـوح ما يضيع اللي قرأ ل / اللافتات ولا يخيب اللي كسى ذاته ‘ وضوح قلتها ولا ظـن تجهلـك السـواة لغير ربـك .. يالعتيبـي لا تـروح وحـده الوالـي ولا غيـره ولاة منجين بالفلك كل اتبـاع ‘ نـوح مخضر الهشيـم في جِرد الفـلاة محصي الارزاق عنده وسط لوح واحد(ن) عنده حلول المعضـلات نافخٍ في جسم من صلصال روح! قلتها لك وانـت تـدري بالسـواة لغير ربك .. في سؤالـك ، لا تـروح وانت راسي تشبه جبال السراة وقدرك بصدري ، مشيّد له صروح من تسمّع هرج حسّاد و وشـاة ما هناله غير ‘ سمٍ له ذبـوح! الطموح بها الحيـاة الصالحـات وكل حين لا هيا له ‘ من سروح قلتها لك وانـت ادرى بالسـواة لخلق ربك .. لا ترجّى ولا ‘ تروح والليالـي مـا تجـي متشابهـات كم بها ليله خفوت وكم مسـوح! والذي صاد الجدي صاد المهاة حط هذا له غبوق ‘ وذِي صبوح ما يفيد لمن ندم عض الشفاة ولا تضيق وبالسماء ‘ للبرق ضوح يا خوي الدرب ‘ تمّمت الوصاة لمن/ خلقنا من آديم الارض ‘ روح ‘‘‘

[العـ راعي ـليا]

اقتباس المشاركة الأصلية كتبت بواسطة قيس نجد سر ياقلم وأكتب على كل قرطاس=ماعاد به شياَ ياربعي نخبيه سر ياقلم ثم سمع الجن والناس=الهم راكبني وأنا راكباَ فيه هماَ على طاعون وعله ووسواس=كله سبايب من هجرني وأنا أبيه منولٍِ نلعب سوا فوق الأطعاس=من أسفل الطعس يامزعبل لعاليه من يوم راح الخل ماجاني نعاس=ولاذقة حلو النوم عقب طاريه أذكر خياله كل ماهب نسناس=أذكر خيال الي قليبي يباريه واليوم جاء ياخوك تشويش فالراس=أما يجي والى تراني أبا أجيه الخشم سلة سيف ونهود جلاس=وفمه كما الخاتم وشعره لرجليه وختامها بشيل من قلبي الياس=وأبا أحتري خلي عسى الله يخليه

اقتباس المشاركة الأصلية كتبت بواسطة مزعبل يا مرحبا ترحيب موزونه الماس=بالصاحب اللي فز فكري لطاريه جاني قلمك اللي كتبته بهوجاس=هوجاس عبّر عن خبر كنت مخفيه همّك ترى همّي وبالحيل حسّاس=أدناة دعوى كنها أكبر دعاويه الحب عرق و قالوا العرق دساس=يبقى على طول الدهر بك مواريه والذكريات اللي مضت جرعة الكاس=والكاس مر ولا به احد(ن) يدانيه لن عشت فالذكرى ترى العَيش ينحاس=أحسن تموت ولا تجرّع بلاويه وإن قلت ابنسى والعوض باق الاجناس=تاخذ بك الذكرى وتطري طواريه هم(ن) يشيّب كل بلسم ونبراس=لا حول صعب إن الوفي ما نوافيه وختامها اصبر يبيدقنّ الأجراس=ويصير يوم(ن) فيه خلّك تلاقيه والحب قالوا فالبشر ساس من ساس=والله يخلّي كل غالي لغاليه

[العـ راعي ـليا]

اقتباس المشاركة الأصلية كتبت بواسطة العـ راعي ـليا يا ذيب جرّيت أنا الموال=وأهديت لك عذب الألحاني من قبل لا تطرح السؤال=بالهمس يا جيـت تلقانـي نبا أنتبارى على المنوال=للطا يله ‘ وأنت عنوانـي ما هي سوا ليف بالجوال=ولا هي ملاعيب غزلاني ولا هي تجاره وروس أموال=ومصالح فـلان وفلانـي جلسة عصر دلّه وفنجال=وهرجة عقّيـلٍ وشيبانـي بالناس تعجِبك بعض أزوال=ثم ‘ يتّضح عكس ما باني! فتلة شنب ؛ بس دون أفعال!=وكل يوم عليـك شرهانـي! طودٍ ولا به ذرا لو طال=بمفارقه ما أنت ندماني ما كل مزن(ن) ثقيل اخيال=يخضِر صَحاصِح ورِيضاني الدنيا زرعٍ قصير إظلال=والموت ‘ ما عنه مزباني خطير ‘ تيّارهـا لا مـال=دنيا ألفنا حيّهـا فانـي سبحان من يعلم الأحوال=المعتلي عالي الشانـي نسأله في ساعة الأهوال= جَنَّات عَدْنٍ ‘ ورِضواني

اقتباس المشاركة الأصلية كتبت بواسطة شاعر الدرر سلمت ياعالي المنـزال=سلمت يانبض شريانـي الشكر لك فاق كل اقوال=ومن كثرها يعجز لساني خذها وعد حِل او ترحـال=لوفيـك ياذيـب سرحانـي ولو نبتعد عن مدى التجوال=نبقى على طـول خلانـي ماني بتاجر ورجل اعمال=اجمَـع المـال طمعانـي يكفيني احضى معي برجال=سند ولو جارت ازمانـي ماهو رجال(ن) بجسم بغال=وعقول اشبـه بخرفانـي ولو يوضعوا داخل الغربال=اصبح من الحمل مليانـي اذا حكى لك عن الابطـال=صوَر لك البحر ميدانـي هرج الذي يلبس السروال=وهـو بداخِلـه عريانـي ناس (ن) توقَف على الاطلال=وتبقى مع كان ما كاني وناس (ن) لها كل يوم هلال= لا غاب واحد جا الثاني الحظ لو هو قسى ما حال=دون الهدف قاصي و داني واللي لبس بردة المختـال=لابـد يلبـس للكفـانـي

[العـ راعي ـليا]

اقتباس المشاركة الأصلية كتبت بواسطة العـ راعي ـليا يالعبد رزقك على واليك=لا تطلب الرزق من غيره هو اللي عن الملا يغنيك=وخير المخاليق من خيره ربك اليا من عطا يرضيك=والغير لك بان تقصيره

اقتباس المشاركة الأصلية كتبت بواسطة هجير الشتاء يا مرحبا بك كثر ما اطريك = يالوافي الطيب السيره إن جيتني لا تقول إش فيك = ضاع البلنتي بصفيــــره ! يهديني الله هنا ويهديك = لو قلت لك هات لي بيــــره

اقتباس المشاركة الأصلية كتبت بواسطة العـ راعي ـليا اللي اقسم لك يبي ياتيك=ياصلك من دون تدويره واللي مصيبك مهو مخطيك=لو حِط بين الملا بصيره وكانك ملزم لآجل عينيك=تجيك لو جيت تأشيره

اقتباس المشاركة الأصلية كتبت بواسطة هجير الشتاء جاوب عيوني قبل تنبيك = وش يعذر النوم تأخــــــيره شف الدجاجه عزيزي بديك = وامثال ربك ترى كثيره ما غير ولْدِك يحب ايديك = لو الريال أنقلب ليــــــره!

اقتباس المشاركة الأصلية كتبت بواسطة العـ راعي ـليا يا صاحبي عزّتك تكفيك=والقرش ما درت توفيره وضعنا ما ظنتي خافيك=يصعب على العقل تصويره فيه (الــ ... )تحوّل بيك=وحنا من جرفٍ لدحديره

اقتباس المشاركة الأصلية كتبت بواسطة هجير الشتاء ويش الذي بالعمر يكويك = لو تهدر بدمك الديره ! كف ٍ قويه تبي تلويـك = ما احبها لو بقت غِيـــره ! يا صاحبي علني ما ابكيك = يوم البكى عِز لمنيره !

اقتباس المشاركة الأصلية كتبت بواسطة العـ راعي ـليا بلاك لا صار منك وفيك=كسرٍ .. ويا صعب تجبيره هو الذي طعنته تدميك=يا حرّها ... نار تفجيره ما هو بعيدٍ لجِل يمديك=والهرج يشملْك تكبيره

[العـ راعي ـليا]

اقتباس المشاركة الأصلية كتبت بواسطة شاعر الدرر السلام عليكم ورحمة الله وبركاته هذه كلمة حق اقولها للمبدع اخوي راعي العليا وذلك مجاراه لقصيدته حييت يالبـارق المشنـوف=ياللـي بعيـداتٍ اللـوِيّـه! العلم في داخلـه ملفـوف=والغيـب يعلمـه بـاريّـه يابنت ماني حشا مكفـوف =ابصـر بهـاذي وهاذيّـه! قافي اليا احتجت له مردوف=سيـلٍ تـلاطـم عوالـيّـه والدرب اللي بالخطر محفوف=أمشيـه والرجـل مثنـيّـه ما عوّد دون الهدف بنكوف=ورشاي يجـذب لـي دليّـه تدرين به شيكي المصروف=من دون هاتـف وبرقيـه! لا شك عن الخطا موقـوف=ولا أنظر لغيـري بسلبيّـه! ما هف بالريح غير الصوف=وكم ديـرةٍ قفـر ماطيّـه! وهذاهو ردي على هذه القصيدة ولعلها ان تحوز على استحسانه واستحسان الجميع من وحي شاعر الـــــــــــــــــــدرر سيري درر وارسلي المظروف=تعبير في صوره شعريه ماني مجامل ولا بي خوف= ولا همني ذاك او ذيه حنا مع الحق دوم سيوف=والكل عندي سواسيه ودام اللعب صار عالمكشوف=ومابه معه اي سريه سلمت ياذيب يا موصوف=بالمبدع اللي سطع ضيه انت المقدم وحنا صفوف=اعبر ونارك معك حيه واللي يبي الدق فوق دفوف=يبشر نعرقي له الكيه هذا كلام الوفا معطوف=على الحدث دون رمزيه ويبقى الخوي دوم لي معروف=هو لي شماغي وطاقيه من نجد حتى نصل للجوف=سلام يالذيب رديه

اقتباس المشاركة الأصلية كتبت بواسطة العـ راعي ـليا يسلم جناابك يالذيب والله والسبعة أنعام بك ولا يهون الجميع .. ياهاجسي مـا عليـك كلـوف=بالشعـر .. فـرقٍ وفرقـيّـه دوّر على اللي ماهـو مألـوف=ودوّن ابـيــاتٍ رهـاويــّه خـذ الوصايـف ياكلاشنكـوف=أبيهـا تـوصـف خـلاويّـه شمس الضحى ما غشاها كسوف=احروفهـا وضـحٍ .. منقـيّـه كامل قمرهـا ماجـاه خسـوف=سحبٍ ترازم حماويّه رعّادهـا لا أرعـدت راجـوف=وبرّاقـهـا فــج جنـبـيـّه خابرك ما تركب المعسوف=والـقـاف يحتاج وزنـيّـه ردن على اللي مهـو مكلـوف=فـيـنـي ولا رد جـبـريـّه ادري ولا هـو بعـد محيـوف=ولا جابـتـه طــخ ردنيّـه لا شك عنـه الـردى منقـوف=دارة علـى ســاس مبنـيّـه مـا هزّتـه هبّـة العاصـوف=بالحـق كلمـتـه ..فـرديـّه لا هنـت ياسيفـي القاصـوف=يـا فزعتـي ساعـة الهـيّـه يـدوم لـك عـزّك المسقـوف=مرفـوع فـي راس سـاريّـه وإلاّ الـردي خلّـه لـذالـوف=يمـوت مــا ذاق جمـريّـه من يعترض سيلكـم مجـروف=بالعـون ملعون ثاويّه والطيب بين الملا منصوف=كل(ن) خذا منّه قسميّه ما ني لحق العرب جاحوف=اديار الأجواد ممليّه ما طار طيرٍ وهو منتوف=(والحق ما ينحجب ضيّه) قد قالها اللي مهو مكتوف=حر(ن) اليا جيب طاريّه (رائد النايف) وكلّه نوف=من هالنا ؛ عذب صافيّه

[العـ راعي ـليا]

اقتباس المشاركة الأصلية كتبت بواسطة متاابع ريح المطر من عقب سبع ن اعجافي= لاجيت جبته ياغلا القلب ويّاك تعال واسق متيّم ن فيك صافي =من سلسبيل ن منبعه من شفاياك

اقتباس المشاركة الأصلية كتبت بواسطة العـ راعي ـليا اكتم شعور(ن) بين الأضلاع خافي=ويظهر بعيني كل ما حل طرياك يابو خديد(ن) .. شرقته نور ضافي=وشلون ابصبر ... واتصبّر بليّاك!

اقتباس المشاركة الأصلية كتبت بواسطة متاابع أكتب وانا بكامل قواي اعترافي=اني احبك واعشقك عشق واهواك وان كان ما دوّنت ماهوب كافي=اطلب وانفذ كل ماتريد لرضاك

اقتباس المشاركة الأصلية كتبت بواسطة العـ راعي ـليا اكملت مشواري معك دوم وافي=راجع ضميرك شف على وين ودّاك! امشي لك الضلمى على الشوك حافي=وقلبي على غيرك من الناس بدّاك

اقتباس المشاركة الأصلية كتبت بواسطة متاابع اكيد ما جر الونين متعافي =ولا حس فيك الاالذي جاه ماجاك يشهد على ماقلت رجل ن اسنافي =ياراعي العلياء شد مد يمناك

اقتباس المشاركة الأصلية كتبت بواسطة العـ راعي ـليا اكبر دليل وجالنا منك شافي=يا ذخر من بالنايبه جاك ناجاك بالعون لو به يامتابع خلافي=يجيك بدري رافع الصوت ينخاك

اقتباس المشاركة الأصلية كتبت بواسطة متاابع أكتال من زين القوافي قوافي = واتزين لامن عارض القاف شرواك رجل ومسيرك مايجيه انحرافي = من طيب أصلك طيّبات ن سجاياك

اقتباس المشاركة الأصلية كتبت بواسطة العـ راعي ـليا اكثر طباع الناس فيها اختلافي=إلاً أنت اشوفك راسخات(ن) مزاياك اقولها وللغير .. ماني امتلافي=عسى الولي من شر الأيام ياقاك

[حورية جيزان]

هلاااااااااااااا ومرحباااااااااااا
لك مني بستان ورد................
على هذا الابداع لا خلا ولا عدم
جزاك الله الف خير

[حورية جيزان]

هلااااااااااااا اخي العـ راعي ـليا
اهنيك على هذا الابداع صدق مبدع
لك بستان ورد على هذا الابداع تستاهل

[*+* مـهــآآآآجــرة *+*]

الشآآآعر القدير / رآآعي العليا

جهود مثمرة

كل الشكر على ما تقدم من مساجلات رآآقية

ومتابعة جيدة لكل ما يسطر هنا

صح لسآآآنك وربي لا هآآآانك


ننتظر منك المزيد

دمت بخير "

[متاابع]

بيّض الله وجهك ياراعي العليا





ومشكوووور لاهنت





جهودك واضحة وملموسة




كنت أتمنى تثبيت هذا المتصفح من بدايته




والحمد لله تم ذلك والشكر موصول للمشرفة



مهااااجرة





تقبل تحياااتي ومروووري