يعلم الله بقلبي ماتكدر بيوم
لين شاف الحبيبة الغدر بهدابها
لجل ذيك القلوب ياللي تحمل هموم
مدري هي جابت الهم والا هو جابها
شمسها في سماها ضيعتها الغيوم
اسألوها السبايب منهو طلابها
بردها برد قاسي صيفها به سموم
كل ماقلت هانت قفلت بابها
كلمتني بحب (ن) عقبها صار هجوم
مدري ليش الحبيبة كشرت نابها
اللي بالارض واقف مايطول النجوم
واللي يبغى الثريا يرضى بحبابها
هذا قلبي تكدر بعد ذيك الحلوم
كل حلم(ن) جميل(ن) عاش لهدابها
العرض العادي
