بسم الله الرحمن الرحيم
..
..
السلام عليكم ورحمة الله وبركاتة
..
..
قالت بدو .. صدت وقالتها بقرف .. بنت الاكابر و الترف .. متكبره متعاليه .. يعني بدوي يقعد طرف .. والمعنى دون المستوى .. .. .. .. حنا بدو .. حنا عمى عين العدو .. كنا و لا زلنا بدو .. و بنموت هم و احنا بدو .. هاه حياتي وش رايك في قصيدتي ( طبعا المتحدث هو شخابيط ) .. و يخرج من سماعه الجوال احلى صوت شافته عين شخابيط .. شخابيط يسمع بعينه علشان العين حق .. اسمع يا شخابيط صحيح اني احبك موت موت .. و لو انك اردى خلق الله برضوه راح احبك موت موت .. و كم مرة عديت لك نصبه و نصبه .. تذكر قصيدتك مذهله تراني عارفه انها لعبدالرحمن بن مساعد بس علشاني احبك خليتها تعدي .. و تذكر يوم تشغل لي اغنيه سواح و تقول انها اغنيتك .. احب اعطيك خبر اني عارفه انها لعبدالحليم حافظ .. و تذكر يوم ترسل لي صورة جورج كلوني و تقول انها اخر صوره لك .. مع العلم اني شايفتك الخميس اللي راح و عديتها لك و من زين الطبايع جايب له صوره مع نيكول كدمان .. طيب يا حياتي ما خفت اني اسألك منهي اللي معك في الصوره
و ما انسى بعد يومك تقول لي تابعي مبارة المنتخب و تراني بألعب مع المنتخب و رقم الفنيلة عشرين .. و بعد المباره اتصلت عليك و باركت لك الفوز و الاهداف اللي سجلتها مع اني عارفه ان رقم عشرين هو ياسر القحطاني .. يا حياتي يا شخابيط انا احبك تفهم وش معنى احبك .. يعني خلاص حبك متمكن داخلي .. ما راح يجي شخص ثاني و يحل مكانك .. و منتب في حاجة كل هذي النصبات .. بس انها تصل معك المواصل انك تسمعني قصيده انا مسجلتها لك من اف ام و تنسبها لنفسك .. هنا انا لازم اوقفك عند حدك .. شخابيط .. شخابيط .. انت تسمعني .. هلا حبيبتي معليش كان معي خط ثاني
شخابيط انت تبي تقهرني .. حرام عليك اللي تسويه فيني .. اييييف يا شخابيط لاتستغل حبي لك بالشكل هذا .. حس فيني .. ترا الكلمه الحلوه ما راح تخسرك شي .. الوو شخابيط تسمعني .. هلا حبيبتي معليش كانت اغير بطارية الجوال .. تبي تهبل فيني .. كيف تغير البطاريه وانا اكلمك .. تنكولجيا يا حوبي وش عرفك .. انت انطقها زين بعدين تعال .. تكنلوجيا .. يالله اجيك ههههههههههههههه .. بيهبل فيني ذا
اسمع لازم تترك الهبل هذا على جنب .. خلك جدي شوي .. كيف اصير جدك شوي .. جدك مهبول ما احد يقدر يقلده .. ناسيه يوم تقولين لي انه ناشب لكل البنات اللي يزورونك في البيت و يمسك كل وحده على جنب و يقدم لها خاتم و يركع على ركبته و يقول لها تتزوجيني .. شخااااااااااااااااابيط يا معفن انا بنتحر بسبتك .. جدي يعني كلمني بدون استهبال .. طيب يا حبيبتي بكلمك الحين و لاول مرة بجديه لم تعهديها مني .. اسمع يا بنت الناس انا مليت منك و ابي انهي العلاقة
يا حقير يا واطي يا نذل .. كذا تسوين فيني .. تتركني بعد ما تعلقت فيك .. هذي اخرة حبي لك .. ههههههههههه امزح معك يا بنت الناس .. تعرفين مستحيل اصير جدي يا حبيبتي .. بعدين من اول يوم عرفتك فيه وانا كذا .. تبين تغيريني الحين اسف يا دوبه .. اموت في خفة دمك يا دوب ( ياشين مغازل الماصلين ) .. يا حبيبي ابيك تسمعني اغنية بصوتك .. طيب بسمعك اخر اغنية لي و هي من كلماتي و الحاني و غنائي .. الاماكن كلها مشتاقه لك .. والعيون اللي انرسم فيها خيالك ( هنا تخيل عزيزي صوت القطار ههههه ) .. الوو الووو حوبي وين رحتي .. افاا الظاهر راحت تصيح .. الخبله صدقت اني اللي اغني .. يا حليل البنات مخفات ( احس ان فيه واحد بينفرش بس مييييين الله اعلم )
يا شخابيط .. يا شخاابيط .. يا شخابيط ... هلا هلا يمه .. سمي طالع عمرتس ( صدقني مهوب لايق عليك التس ) .. اسمع يا شخابيط ابيك تروح لعمتك .. اخت ابوي .. شاطر يا شخابيط .. ابيك تروح لاخت ابوك .. قصدك عمتي .. يا ليل ايه عمتك و اخت ابوك ابيك تروح لها .. قصدك اروح لهم اروح لبيت عمتي بعدين اروح لبيت اخت ابوي .. شخابيط تكفى لاتجيب لي الجلطه .. عمتك و اخت ابوك نفس المعنى .. يعني ساكنين في بيت واحد حلو وفرتي على المشوار ..
شخاااابيييط اسكت اسمعني و انت ساكت .. كيف اسمعك وانا ساكت .. طيب لو سكت كيف بشوفك و انت تسولفين .. وبعدين معك بتعقل او ادعي عليك بالشلل .. طيب لو دعيتي علي بالشلل كيف بروح لبيت عمتي ( ذكي الولد ما شاء الله عليه ) .. انا ليش ما جبت بنت مكان هالولد البثر .. يمه لو جبيتي بنت محلي .. محلي و لا سفري هه هه ( هذي الام ) .. خلني اكمل بعدين تميصلي على راحتك .. لا تكمل خلني اقول لك وش تروح تسوي عند بنت الكلب عمتك يا حيوان ( ههههههههههه عصبت الام ) .. يمه وش هالكلمات السوقيه .. هذا و هم يقولون الام مدرسة .. ابوها مدرسة عندك .. الام عندك يا شخااابيط بتصير شقة دعارة مو مدرسة .. اذا صرتي شقة دعارة بسهر عندك كل ليله ههههههههههه .. الظاهر بجيب شوزن ابوك و اخرقك يا ..هههههههههههههه
يييييييييييييييييبه الحقني امي تبي تذبحني .. دوووووف دوووووووووووف ( اصوات طلقات من الشوزن ) .. وقف وقف خلني اذبحك و اريح الامه من بثارتك .. دوووووووووف دوووووووف .. ييييبه يييييبه حفيدك راح ينقتل وانت ساكت ( هنا قال الاب بصوت واطي ) اجل حفيدي و تبيني انقذك .. الا عسى ان شاء الله انها تذبحك مع اني اشك بحكم انها عمياء ( اجل ان الام عمياء يعني ما تسمع ( الظاهر حتى انت يبي لك شوزن ) لا ان شاء الله ) .. يبه تراني سمعتك و انت تدعي علي .. دوووووووووف .. وهنا توقف شخابيط بعد الطلقه .. هههههه خلاص يمه راحت عليك .. كيف راحت علي يا ولدي .. انتي اطلقتي خمس طلقات .. و الشوزن داخلها خمس طلقات فقط .. و هنا نهض الاب يا عجوز قريح راحت الطلقات على الفاضي لا انتي اللي ذبحتيه و لا انتي اللي تركتي الرصاص لي ( وشذا العائلة الحاقده على ولدها ) .. وش عرفني ان البندقيه ما فيها الا خمس رصاصات .. اصبر خلني اجرب .. وجهت الام الشوزن تجاه الاب و دوووووووووووووووووووووووو وووووووووووووف
يا حقيره اصبتيني في مقتل .. وه وه يا بو شخابيط هماك تقول ما في الشوزن الا خمس طلقات حتى شخابيط يقوله .. يمه عيب عليك تكذبيني .. انا قلت يمكن داخل الشوزن خمس طلقات ( يا نصااااب ترا كلامك موجود فوق ) .. يبه يبه تسمعني اه اه اه مات ابي .. قتلتيه يا مجرمه .. اسمعني يا شخاابيط الحين انا بموت و اترك لك كل شي بسمك .. و ابيك تروح للصين .. علشاني في رحلة من زمان تعرفت على صينيه .. هههههههههههههههههه يبه كيف تعرفت على صينيه يعني كنت في مطعم و جابوا لك صينيه تجلس معك خخخخخ .. يا حمار صينيه .. ايه عارف صينيه يعني صحن عند اهل جدة .. لا يا ثور صينيه يعني حرمه صينيه .. كيف يا بو شخابيط حرمه صينيه .. يعني حرمه مثلي بس فوقها دله و بريق ( هنا كع شخابيط و امه ضحك على ذبه الام الاخيرة حتى انا و انا اكتب الموضوع مجنونه ذا الام ههههههههه )
الظاهر يا بو شخابيط انك كبرت و خرفت .. كبرت و خرفت و الدماء مني تنزف و شوي و اموت .. بعدين اللي يسمعك و انتي تقولين حرمه يصدق انك حرمه .. تراك بالكثير برميل زباله عند شقق عزاب .. لا بو شخابيط تراني استحي من الغزل .. يمه ابوي مهوب يغازلك .. اجل وش يسوي يا شخابيط تراك تفهم اكثر مني انا يا ولدي ما اعرف اقرى و اكتب و زد عليه عمياء .. يعني وش عمياء يمه .. عمياء يعني ما تجيب عيال . اهاا .. ايوه يا شخابيط وش يقصد ابوك .. هو يصفك وصف مجازي .. مجاري في عينك انت و هو .. اسكت خلنا نعرف وش قصة صينيه ابوك .. ايوه يا بو شخابيط .. ام شخابيط تراك تعبتيني مع ولد خلوني اقول اللي عندي بعدين اموت وانا مرتاح .. اسلم اسلم .. صينيه منسوبه لدولة الصين و هي في قارة اسيا .. يعني انا رحت في رحلة لدولة الصين و تعرفت على بنت من بناتهم .. اه يا بو شخابيط تخوني تهي تهي تهي
اصبرررررررررررررري خلني اكمل .. انا تعرفت عليها قبل ما اتزوجك .. و حبيتها بس مو اكثر من حبي لك يا ام شخابيط .. يا عيني على الاستدراك يوبه .. كل تبن و خل ابوك يكمل والله انك فاضي ابوك بيموت و انت تبي سيدرك .. يا ربي بموت و انا مقهور .. اسمعوني بعدين تميصلوا على راحتكم .. البنت هذي انا تزوجتها و جبت منها بنت .. يعني يا شخابيط انت لك اخت .. وش يعني اخت يبه .. يعني مثل عمتك يا شخابيط .. اها يعني عمتي هي اختي .. لا لا عمتك اختي و اختك هي الصينيه .. يعني عمتي صينيه .. لا لا افهمني يا حبيبي .. انسى سالفتة عمتك اعتبرها ماتت .. عمتي ماتت متى و كيف .. يووووووووه وشذا البزر خلاص انسى ان لك عمه من الاساس .. طيب الحرمه اللي امس تبوسك منهي .. هذي عمتك .. طيب انت قبل شوي تقول ما لي عمه
يا الله كيف اتفاهم مع ذا .. انت اسكت بس يا شخابيط و انا اتكلم زين .. ابيك تروح لصين و تبحث عن البنت و امها و تجيبهم للديره و تصرف عليهم .. ما ابي عيالي يتشتتون .. انت تسمعني يا شخابيط .. عرفت وش ابي منك .. انت ليش ما ترد علي .. رد علي انا اكلمك .. سافهني الحيوان .. كلمني سمعت وش اقول او لا .. شخااااابيط رد علي .. و هنا يا اخوان غادر الغرفه شخابيط مسرعاً .. و ابوه ينزف دم و الام جالسه عند التلفزيون تتابع حركة الاسهم .. و بعدين التفت الام على الاب و قالت له : شف يا بو شخابيط الاسهم نازله و كلها احمر مثل دمك اللي يطلع منك ههههه .. افاا يا ام شخابيط انا جالس اموت و انت تتريقين علي .. ما هقيتها منك بعد السنين العجاف و كل الصبر اللي صبرته عليك تضحكين علي دمي .. لا والله يا بو شخابيط ما كان قصدي بس حبيت اداعبك شوي و اوسع صدرك قبل ما تموت .. تداعبين الله يذكر مداعباتك لي في شهر العسل بالخير
وهـ يا بوشخابيط تراني استحي .. وين تستحين وانت مصوره ليلة الدخله و كل سنه تعزمين العائله و تشغلينها لهم .. ابيهم يعرفون ان عندي ثروه لا تقدر بمال .. هههههه الله يقطعك يا ام شخابيط ما تتركين المراجه عنك .. ما علينا روحي شوفي وين ولدك طس .. و شوي الا شخابيط داخل عليهم الغرفه و معه ورقه و قلم .. و اخذ الاب الورقه و الام اخذت القلم ليش اخذته مدرى .. و بعد ما قرى الاب المكتوب التفت على شخابيط و قد احمرت عيناه و اغرقت بالدموع و سلم نفسه ( هنا قفز احد المصالين و قال ليش هو حرامي يسلم نفسه )
و قام شخابيط بتحريك والده علشان يتأكد هل هو صاحي او مات و قالت له امه : شف ابوك هو حي او مات ترى يمكن يستهبل و يسوي نفسه ميت .. قال شخابيط : على مين يا بابا كان غيرك اشطر .. اسمعي يمه انا بروح اجيب مويه بارده ارشها عليه زين يمه بجيب مويه بارده مره مره و ارشها على ابوي ههههههه .. هههه ايه يا شخابيط جب مويه بارده مثلجه و رشها على ابوك علشان يقوم ( كانت الام و الابن يرفعون اصواتهم بهذا الكلام ظن منهم ان الاب يستهبل و يبون يخفونه ) .. وبالفعل ذهب شخابيط احضر كاس مويه بارده و رشها على الاب .. لكن الاب كان اقوى من مويه بارده تصحيه .. و قالت الام : الظاهر مهوب صاحي الا اذا رشيت عليه مويه حاره .. طيب يمه بجيب مويه حاره تشوي و ارشها على ابوي هههههه والله يا وجهه بينسلخ اذا ما قام الحين و ترك الاستبهال عنه .. و نفس اللي صار بالمويه البارده صار بالمويه الحاره .. و صار وجه الاب غير واضح الملامح .. حسبي الله عليهم
قال شخابيط,,
طيب نقص اظافره وش رايك .. قالت الام : ايوه نقص اظافره و نخفف شعره ونجيب له شطنه المحقق كونان بعدين ندخله المدرسه ههههههههههههه .. غلب حماري يمه شوفي لنا حل نصحيه من غفوته .. قالت الام : ما لنا الا نربطه في حوض الددسن و نسحبه الى اخر الشارع و اذا وصلنا اخر الشارع و هو يضحك فهو يستهبل و ما فيه شي و اذا وصلنا اخر الشارع و هو ساكت و ما تحرك فأبوك ميت ( يعني السحبه هذي ما راح تموته ) .. حل مقنع يمه بس المشكلة ما عندنا ددسن .. يووووه شفت الحظ كيف .. طيب نلعب عليه و نسوي انفسنا مصدقين انه مات و نبكي عليه و نروح نصلي عليه و بعدين نقبره و نرجع و نسوي له عزاء و بعد ثلاث ايام نرجع للمقبره و نطلعه من القبر و اذا طلع و هو يهاوش فأبوك حي .. و اذا طلع و هو ما تحرك نشوف لنا حل ثاني
يعني يمه مهوب ميت من الجوع ثلاث ايام بدون اكل و شرب .. لييييش كذا يا شخابيط تخرب كل خططي .. طيب حلها انت .. كيف نعرف ان ابوك حي او ميت .. قال شخابيط : فيه حل بس لاتعصبين اذا قلته .. قالت الام : قل الحل خلنا نشوف .. قال شخابيط : شوفي انا بتصل على واحد من العيال و اعطيك السماعه و ابيك تتغزلين فيه و تواعدينه يجي البيت .. و تجلسينه في الغرفة اللي ابوي فيها .. و اكيد ابوي يغار عليك و راح يقوم و يهاوش .. و بكذا نكشفه .. و اذا ما تحرك فهو ميت مما لاشك فيه .. قالت الام : خلاص ما عندي مانع غرضنا شريف من هذه الحركة و لله الحمد
و اتصل شخابيط على واحد من العيال و عطى السماعه امه .. و طلب منها تنعم الصوت بس للاسف ان امه كانت مغيره الحبال الصوتيه بمعلاق ملابس مما سبب خشونه في الصوت .. حتى ان خواتها يسمونها نجاح الموجي لشده شبه بينها و بينه .. صوتياً و شكلياً و اخلاقياً و دمياً ( من ناحية خفة الدم للتوضيح فقط ) .. و من اول المكالمه قال صديقي شخابيط : هلا ام شخابيط بغيتي شي .. قالت الام : وجع كيف عرفتني ..
قال صديق شخابيط : حلوه كيف عرفتني .. متصله من جوال شخابيط و ما تبيني اعرفك .. و سكرت الام المكالمه و قال لها شخابيط : وجع بهذي السرعه تواعدتوا
يا كمخه انت داق من جوالك على خويك و عرفني على طول .. قال شخابيط : قايل لك نعمي صوتك بيعرفك الرجال .. طرررررررررررااااااااااااخ هذا كف من الام لابنها .. حلولك مثل وجه ابوك الحين .. اسمع الظاهر ان ابوك ميت .. ولو مهوب ميت بنعتبره ميت خل الاستهبال ينفعه .. يالله قم غسل ابوك خلنا نقبره .. قال شخابيط : يعععععععععععععع لا ما ابي اغسله .. انتي زوجته روحي غسليه او الحين صار كخه .. انا ما اصلح اغسله يا شخابيط كل الناس ممكن تغسله الا انا مستحيل .. و ليش ان شاء الله مستحيل تغسلينه .. قالت الام : قلب الام يا شخابيط
و بينما شخابيط ذاهب بأبيه الى المقبره بعد صلاة الميت و كان متسلف جمس جيرانهم .. وضع شريط لراشد الماجد و شغل اغنية اجيك يسلم راسك وشلون ما اجيك .. و رفع على السماعات على الاخير انطرب اخينا في الله .. و مع الطرب نسى ان توه طالع من مسجد و رايح للمقبره .. و مسك خط الشرقيه و الجثه في المرتبه الاخيره .. و كل شوي يتنقل من اغنية الى اغنية و يهز راسه طرباً .. و شوي الا الجثه تتحرك و تقوم من مكانه و تطمر على المرتبه اللي قدام .. و تقول لشخابيط : ممكن تعيد الاغنية اللي قبل شوي مره حلوه 
العرض العادي
