وين الحنان؟؟؟؟؟؟؟؟؟

[احلى القمر]

السلام عليكم ورحمه الله وبركاته
في موضوع والله شاغل بالي له كم يوم وابي اطرحه عليكم وأتمنى إنكم تشاركوني فيه
لأني والله الاحظه في كثير من البيوت الخليجيه بشكل عام
وهو القسوة على البنت اوبمعنى اصح الجفاف في المعامله معها وبكثير من الأسر وهم طبعا يسون كذا بدون قصد على بالهم بيحافضون عليها أكثر يعني مثل مايقولون (مانبي نعودها على الدلع)متناسين إن البنت بطبيعتها عاطفيه وحنونة ومحتاجه للحنان أكثر من غيرهاانا ماني عارفه وش السبب بالضبط هل بسبب خوفهم عليها او لان الولد اخذ كل الدلع ومابقي للمسكينه شي
والله قليل في مجتمعناالامهات الحنونات والي يضمون بناتهم
السؤال هنا.....ليش امهاتنا مايظهرون حنانهم لنا مع اني متاكده انهم يحبونا حيل ويخافون علينا حتى من الهوى
والله العظيم اني اشوف كثير من خوياتي وربعي يعانون من هاالشي انا والحمدلله امي حنونه حيــــــــــل علينا لدرجه يمكن ماتتصورونها ولما اسولف لخوياتي يقولون انتي تبالغين .....
السؤال الاهم؟؟؟؟هل لهذي القسوه سبب في انحراف كثير من البنات الي يحاولون يلقون الحنان الي ماقدروايحصلونه عند اهلهم؟؟؟؟
وهل هذا الي يخلونهم يصدقون أي كلمه حب من أي شاب ويتعلقون فيه مع ان بعضهم والكثير منهم عرفين وش نهايه الموضوع؟؟؟؟؟
اتمنى تشاركوني وتعطوني رايكم


تقبلوا تحياتي
احلى من القمر

[الافي]

مشكوره أحلى القمر على الموضوع ويعطيكي العافيه ....



أنا عندي تعليق على موضوعك وأتمنى أنك ماتفهمين غلط ..

يمكن تكون الأم قاسية على بنتها شوي لكن بالعكس الأم معروفه بحنانها والشيء الأهم أن البنت المنحرفه أعتقد أن سبب أنحرافها هو التربية وليس الحنان وأضيف على هذا الشيء أن البنت تجد الحنان عند الأب أكثر من الأم والولد عكس البنت يجد الحنان من الأم والكل يعرف ..........

وأجدد شكري لك .



الافي

[BROWNING]

السلام عليكم

من وجهة نظري ان احيناُ

تكون البنت ما لاقت الحنان من عند الام


ويجي واحد يقص عليهاا

وتبدأ تقنع نفسها ان الحنان عند الشاب


ومشكور اخوي على الموضوع



Browning

[تفوق^الوصف]

أختي السالفه مو بس تتعلق بحنان الأم

وحنان الاب وين ,,معقوله ماله أي تأثير

اي بنت مستحيل بتلاقي الكمال من جهه الاب والام الين ماتنتقل لبيت زوجها ,, وممكن بتعوضه بمسأله المهاتفه وتكوين العلاقات
لكن حنان الاب أكبر واهم من حنان الام
ممكن الام بتكون حنونه وتعطيك الي تتمنيه ومستحيل تبخل عنك
لكن في اشياء بالبنت ماتقدر تاخذها من امها ’’يعني بفتره معينه من العمر تلاقيها محتاجه حنان امها اكثر من اي فتره مرت فيها
محتاجه تكون بحضنها وتشيكلها همها ,,بس هشي احنا مانلقاه ,,نلاقي الكلمه الحلوة والمعامله الي مافي منها بس الشي الناقص صعب نكمله ,, وهنقص مايجي من فراغ وماله اي علاقه بالتربيه مثل ماالبعض يعتقد بالعكس تلاقي البنت مافي منها بالتربيه ومع كذا حاسه بفراغ عاطفي ,,
ولما تدوري عن السبب الرئيسي ,,راح تلاقي يااما الاب قاسي او الاخوان معاملتهم خطأ مع الاخت ,,
لان كل فرد في العائله يكمل الثاني ,,

وان شاءالله ربي يستر علينا ويعوض كل بنت بالزوج الصالح وتقدر تعطي بناتها الحنان مع زوجها طبعا ,,لان بكذا مستحيل البنت تفكر بأي علاقه مع الجنس الأخر

ويعطيك العافيه اختي على موضوعك

[فهد الأسعدي]

اولا شكرا على الطرح الجميل
وثانيا ممكن يكون الحنان له دور بس مو في كل الحالات


ليه لان البنت بشخصيتها وفكرها وقوة ايمانها وهو الاهم يبعدها عن السلبيات المذكوره
بعد كذا يجي دور الاسره ومحيطها العائلي

ناهيكم عن الصحبه الفاسده وهو اكبر تأثير للبنت لانه من الملاحظ
ان البنت بعد ما تختلط بزميلاتها لا بد ان تتاثر منهن


ولكم تحياتي





ودمـــــــــــــــــــــــــتم ’’’

[الهدار]

اختي افاضلة

احلى القمر

موضوع تربوي هو اساس

كثير من الإنحرافات

نقص الحنان

باختصار شديد

الأبن والابنه و الزوج والزوجة

إذا لم يجدوا حنان ومشاعر حب

ووجدوها في مكان آخر اتجهوا نحوه

سواء هذا الجذب سلبي أو إيجابي

شكرا للطرح الجيد

ننتظر جديدكم المميز فقد عودتمونا

[الورور]

والله موضوع محترم

شوووف يبويا

احنا نعامل البنات كدا لانو زي ما قلت

انو ما نبغاهم مدلعيييييين

وبالنسبة للحنان االلي انتا تقول عنو

فانا اقلك

انو الحنان يجي من حليب الام

يكفي الواحد ازا رضع ياخد حنان

بس في حنان وهوا طفل

اما بعد كدا فالواحد يكون متشبع حنان

هادي نظرتي انا

خلينا نشوفك

[نبـض المشاعــر]

موضوع حلووو

ياأختي الغاليه

مو كل الأهــل مثل بعض

في امهــات تلقين عندهم الحنان كله

واما النوع اللي تقصدينه

مكن يكون لعدة أسبــاب

يعني يمكن الأم نفسها فاقدة للحنــان
وطبقت نظرية (( فاقد الشي لايعطيـــه ))

أو أنها عندها مصطلح خاااطئ
وهو (( مانبي نعودها على الدلــع ))
وهذا اكبــر غلط

لان البنت راح تبحث عن الشي المفقود
ويمكن بطرق خاااطئه

لذا على البنات
أنهم يحاولون يفهمون أمهاتهم
ولا يقولون ليه وليه وليه

وإذا مالقيتي الحنــان عند أمك
ان شاالله بتلقينه عند زوجك

والله مايخلي أحد


وشكـــرا على الموضوع




أختك

ليــان الملموحه. . .