أبخنك أنا لا شك ... تبقـى المشاريـه=ما تخلّي الصاحب تشمّت به عـداه
ترى الشماته بالخوي ... نـار تكويـه=تحرق حشى جوفه من أقصاه لأدناه
حق ٍ عليك ليا بغـى مـن يخاويـه=تاقف معه يا احتاج منك المخـاواه
ترى الخوي مع الخـوي ... مايخلّيـه=ليا تركه غيره ... فـرِح يـوم خـلاّه
جرح الخوي ... ماكل طـبٍ يداويـه=لو راح للدكتور ... مـا حصّـل دواه
حيثه صعيبٍ ... مـا تحـدد مشاكيـه=راعيه جسمه كل موضع ... شكى الآه
وأنا الخوي بالقدر ... محـدٍ يساويـه=وأنت الذي قدرك ... محد يوم سـاواه
وقتٍ غدى مـرّه ... بديـلٍ لحاليـه=كم واحدٍ من عقب ... مااضحكه بكّاه
لك قالها اللي ... مـا يغيّـر مباديـه=بإذن الولي ... ما غيّـر بيـوم مبـداه
العرض العادي
