السلام عليكم
انا كنت اكتب قصصي في قسم ثاني واليوم حابه ارجع اكتب قصصي للأعضاء اللي يرزورن هذا القسم فا أرجو العذر والسموحة من الأعضاء الذين انتهوا من قرأة قصصي واتمنى تنال اعاجب الاعضاء الذين لم تتم لهم الفرصه بالقرأة
طبعا قصصي كلها خيال من نسج خيالي ولو في قصه واقعيه راح اكتب في بدايتها
فاطمة وعبدالمجيد قصة خياليه روماااانسية اترككم مع القصة واتنمى تعجبكم
فاطمة وعبدالمجيد
في كل مرة كانت فاطمة تبي تروح بيت عمها بالرياض أمها تعطيها نصايح : انتبهي على نفسك ولا تسمعين كلام زوجة عمك وبنات عمك هم يبون يخربونك علي ومن هالكلام وفي كل مرة فاطمة ترد على أمها وتدافع عن زوجة عمها وبنات عمها لأنهم يحبونها ولا يمكن يضرونها.
سكرت فاطمة الشنطة وقالت : يما خلاص أنا عارفة كل الكلام اللي بتقولينه وحافظته بعد خليني أروح قبل لا أتأخر عن الطيارة وبعدين ماأروح مثل ذيك المرة.
عصبت الأم : فاطمة أنتي ماتعلمتي كيف تحترمين أمك وين المبادئ والأخلاق والفلسفة اللي تتفلسفين فيها عل أخوانك ولا تقولين الكلام ولا تسوينه؟ طيييييييييييب ماراح تروحين الرياض
فاطمة صارت تبكي يما الله يخليك تكفين أبي أروح حرام عليك اللي تسوينه فيني.
طلعت الأم من الغرفة وسكرت الباب بقوة طرخ. دخل عبدالرحمن أخوها من أمها وأبوها وحط أيده على كتف فاطمة وقال : لا تخافين بنروح يلا أمسحي دموعك وألبسي عباتك مشينا. قالت : وش الفايدة أكيد طارت الطيارة قال: أن شاء الله بيكون فيه وقت حتى لو طارت الطيارة أشيلك على ظهري وأوديك وش تبين بعد مسحت فاطمة دموعها وضحكت وطلعت من الغرفة.
وصلهم السواق المطار في الوقت المناسب .وصلوا الرياض وكالعادة عبدالمجيد ولد عمهم يستقبلهم عشان يوصلهم البيت. ركبوا السيارة عبدالرحمن قدام وفاطمة ورى عبدالمجيد مباشرة
عبدالرحمن يسولف مع عبدالمجيد وعبدالمجيد عيونه بالمرايا يطالع عيون في عيون فاطمة وفاطمة تبادل عبدالمجيد نظرات الشوق والحب والهيام. وصلوا البيت سلمت على عمها وزوجته وقالت وين البنات؟ زوجة عمها :فوق في غرفهم راحت لهم وافتحت الباب سبراااااااايس
البنات : وااااااااااو منى : أخيرا تكرمتي علينا وجيتي. حنان: حياك الله أدخلي ليه واقفة عند الباب مثل القطوة هههههه ضحكوا دخلت وسملت عليهم قالت لهم مشتاقة لكم كثيـــــــــــر أسماء مشتاقة لنا ولا لأخونا؟ فاطمة : يووووه منك يا أسماء حرام عليك والله مشتاقة لكم كلكم.
منى : ليه تأخرتي بالجيه من زمان معطلين. فاطمة نزلت راسها قالت: أمي مارضت وزوج أمي معها يقول لها البنت كبرت ومالازم تروح لبيت عمها وأنتي عارفة بنت عمة أختي من أمي بتتزوج وكانوا يجهزون لزواجها. حنان : أحنا بخير الحمد لله على فكرة بنت خالتي أميرة بتجي اليوم العصر الله يعينك.
الأم : تنادي يا بنات أنزلوا الغدى جاهز نزلوا وجلسوا على الطاولة طبعا عبدالمجيد ينتظر فاطمة تجلس عشان يجلس قدامها وطول الوقت وعيونه عليها ألين ماصار وجه فاطمة مثل الطماطه .
عبدالمجيد: فاطمة لوسمحتي ممكن تعطيني الملعقة اللي قدامك مدت فاطمة الملعقة وعبدالمجيد مسك يد فاطمة وأخذ الملعقة ألا أسماء تدعس على رجل عبدالمجيد أن انتبهنا ترى.
راحوا يحلون بعد الغدى ألا العم : هالله هالله في بنت أخوي لاتزعلونها ولا تضايقونها .
حنان: لا توصي حريص يبا راح نضايقها ونأذيها ألين تطفش وتروح بيتهم .
العم : نعم وش تقولين, فاطمة : شفت يا عمي هذا قدامك وش يقولون أجل من وراك الله يعلم وش يسون. حنان: يبا وش دعوة هذي الغالية بنت الغالي الله يرحمه لا توصينا عليها والله أنها مثل أختنا اللي ماجابتها أمي.
بعد شوي وصلت أميرة مع أهلها اللحين الله يعين على المعركة بين أميرة وفاطمة أميرة تمووووت في عبدالمجيد ولكن عبدالمجيد يحب فاطمة وفاطمة تحب عبدالمجيد . دخلت أميرة وسلمت على بنات خالتها وعدت فاطمة ماسلمت عليها.انحرجت فاطمة وراحت فوق راحت تبكي جات منى يافاطمة ليه تتحسسين منها أنتي تعرفين سوالفها وهي مقهورة منك لأنك فزتي بقلب عبدالمجيد. فاطمة بس من جد أنا تعبت أنا كل أجازة ماأصدق متى أوصل الرياض أجي عندكم عشان أرتاح من أمي وزوجها وأجي هنا ألقى أميرة ت مااكملت كلمتها إلا دخل عبدالمجيد وقال معاش من يتعبك أو ينزل دموعك يلا أمسحي دموعك وأنزلي معاي اشر شحها لك قالت فاطمة لا الله يسامحها بس أنا لا يمكن أنزل تحت قامت من السري عند التسريحة تجيب منديل تمسح دموعها ألا سمعت صوت الباب تسكر ألتفتت ألا عبدالمجيد يبتسم قال : أنا طلبت من منى تنزل وتتركنا وحدنا جلست فاطمة وعلى السرير وجلس عبدالمجيد على الكرسي قال لها : ما أشتقتي لي فاطمة : ردت وقلبها يخفق بكل حيى ألا اشتقت لك موووت عبدالمجيد كان بيطيح من الكرسي من كلمتها قال : ممن أجي أجلس جنبك؟ قالت: لا مو ممكن, قال: مو أنتي زوجتي وحبيبتي ليه ماأجلس جنبك قالت: أنا خطيبتك بعدي ماصرت زوجتك إذا تزوجتني لك الحق تسوي اللي تبيه أنا حلالك وتحت أمرك, قال: أسوي اللي أبيه؟ قالت : اللي تبيه , قال : يعني أذبحك وأشرب من دمك. قالت: أقولك أنا حلااااااااااااالك أنا أفديك بكل غالي ومافي أغلى من روحي وأنا اهديك روحي بعد وأقولها لك روحي وقلبي كلها لك هدية. قال: الله ياأبو نورة لو سمعك كان يظل يغني الأغنية طول عمره ياحياتي الله لايحرمني منك ومن كلامك اللي زي العسل أبيك تعرفين شي واحد أنا أموت ولا أخليك تموتين الله يقطع يد اللي تقرب منك قالت: بعيد الشر عنك حبي لاتقول عن نفسك كذا قال: وأنتي صدقتي أني بذبحك أذبح نفسي قبل لا أذبحك. فاطمة عمري لاتقول عن نفسك كذا ترى والله أزعل . قال لالالا خلاص ألا زعل أم عيالي.
مرت لحظة صمت بينهم وملامح الحزن بانت على وجه فاطمة قرب عبدالمجيد منها قال: فاطمة
فاطمة : نعم والدموع غرقت عينها. عبدالمجيد : لالا يافاطمة ألا دموعك يا قلبي وجاب المنديل ومسح دموعها قال شفيك يا بعد عمري قالت: عبدالمجيد أمي وزوج أمي يبون يزوجوني ولد أخو زوج أمي طبعا أمي موافقة بس أنا مابيه أنا ماأقدر أتخيل نفسي مع واحد غيرك ورجعت تبكي عبدالمجيد حس وكأن سكين طعنت قلبه بس ماحب يبين ل فاطمة وقال لها لا تخافين لا يمكن تكونين لواحد غيري ومافي أحد يقدر يغصبك على شي أنتي ماتبينه قالت: تدري أنهم خططوا كل شي وحددوا موعد الملكة عبدالمجيد!!!!!! وقف بكل عصبيه لا مستحيل أنا بكرة رايح الدمام أخطبك لا يمكن تكونين لأحد غيري وأنا والله أموت أموت يا فاطمة لو تروحين عني أنتي ماتدرين وش يصير فيني لما تودعينا وتروحين من جد أحس قطعة من قلبي انقطعت وراحت وأنا بعد تعبت أنتظر ماباقي شي وتتخرجين صبرت كل السنين هذي عشان دراستك وصبرت قلبي معاي وآخر شي بصيرين لغيري مستحيل.جلس جنبها ومسح الدمعة اللي متعلقة بعينها وفي هذا الوقت دخلت أميرة وشافت المنظر وقامت تصرخ يماااااا ألحقي على ولد أختك تعالي شوفي وش جالس يسوي؟ جات أم أميرة وقالت والله ونعم التربية هذي آخرتها ياولد أختي تخون بنتي مع وحده ومين الوحده هذي فطوم القردة . عصب عبدالمجيد وقال خالتي حدك أنا ماسك نفسي لأنك في بيتي وأخت أمي ولا تتعدين حدودك هذي أن شاء الله بتكون زوجتي غصب عنك وعن اللي مايرضى قالت خالته وأميرة قال أميره خليها عندك ألين يجيها ولد الحلال.
قربت خالته من فاطمة تبي تضربها ألا طاحت فاطمة أغمى عليها ماتحملت كل الكلام هذا عنها شالها عبدالمجيد وحطها بالغرفة ورشوا عليها شوية ماي وقامت كان هذا اليوم يوم عيد ميلادها وكانوا راح يسون لها حفلة لكن الخالة وبنتها خربوا عليهم .
أول ماقامت ألا كلهم مجتمعين حولها وبصوت واحد كل عام أنتي بألف خير حنان: كذا تسوين فينا يوم عيد ميلادك عقابا لك مافي لاحفلة ولا هدايا وقاموا يضحكون طلعوا الأهل وبقى عبدالمجيد مع فاطمة : عبدالمجيد: الحمد لله على سلامتك من جد خوفتيني عليك وكل عام وأنتي بألف خير وعقبال مانحتفل بعيد زواجنا ان شاء الله وعلى فكرة عندي لك هديتين وحده لعيد ميلادك والثانية لقومتك بالسلامة.
فاطمة : ألا قولي من شالني من الأرض أنت
عبدالمجيد : لا سواقنا
طبعا انا يا روح عبدالمجيد
فاطمة : طيب كنت خفيفة ولا ثقيلة
عبدالمجيد: مثل الريشة ودي كل دقيقة يغمى عليك وأشيلك
بعدها نزلت فاطمة وصارت الحفلة بعدها جلسوا عبدالمجيد وفاطمة سهرانين الين الصبح ومر الوقت بسرعة من غير مايحسون و قدم لها سلسلة عليها أسمه أسمها وعلبة شوكلاته أكلوها كلها.
انتهت الزيارة ( زيارة فاطمة وأخوها لبيت عمهم ) وهم مايبون يرجعون لكن مضطرين عشان الدراسة.عبدالمجيد قال لفاطمة لما نزلت من السيارة عمري خلال الأسبوع هذي بنجي نخطبك أوكي. ردت بكل حياء أوكي عبدالمجيد انتبهي على نفسك.
جلست فاطمة طول الأسبوع مبسوطة ومرتاحة لأن عبدالمجيد راح يجي يخطبها وفي اليوم بيجي فيه عبدالمجيد يخطبها فاطمة ماقامت من النوم جاتها أمها فاطمة وش ذا النوم كله يلاقومي البنت ماتتحرك أمها تهزها تهزا بقوة مافي فايده البنت ماترد نادت الأم أخوها عبدالرحمن ألحق أختك ماترد علي ودها المستشفى لما حللوا لقوا أن البنت تعاني من فشل كلوي حاد ويلزمها عملية زرع كلية جاها الدكتور وقال لها أنا أدري أنك بنت كبيرة وفاهمه وتؤمنين بالقضاء والقدر ولازم أعلمك وماله داعي اخبي عليك أنتي مريضة بالفشل الكلوي ولازمك عملية بأسرع وقت ممكن قامت الدموع تنزل من عيون فاطمة من غير ماتحس هي ماهمها نفسها همها عبدالمجيد اللي بيجي وماراح يلاقيها وش راح يصير فيه لما يدري أناه مريضة المهم دقايق ألا عبدالمجيد يتصل على فاطمة
عبدالمجيد : ألو
فاطمة : ألو
عبدالمجيد: عسى ماشر فاطمة جيت البيت وقالوا لي أخوانك أنك بالمستشفى خير إن شاء الله
فاطمة : خير إن شاء الله تعبت شوي ورحت المستشفى تدري زوج أمي يخاف علي كثير . أرجوك عبدالمجيد تعال.
لما وصل عبدالمجيد مع امه و أبوه ألا أم فاطمة وزوجها جالسين برى الغرفة
أم فاطمة: خير إن شاء الله وش مجبكم جايين تتشمتون فيني
أبو عبدالمجيد: الله يسامحك يا أم فاطمة أحنا نتشمت في بنتنا أنا عمها ومن حقي أتطمن عليها
دخلوا الغرفة والفرحة مو شايلة فاطمة هلا عمي هلا خالتي هلا عبدالمجيد قامت تبي تسلم على عمها لكن عمها قال ماعليك حرج خلك مرتاحه قالت ليه ماجو البنات قالوا لو ندري انك مريضة كان جبناهم لكن الجايات أكثر إن شاء الله ونجيك بفرح إن شاء الله حكت لهم الحكاية ومرضها وانها لازمها عملية ألا فرت دمعة من عين عبدالمجيد وقال ماحد يتبرع لك بالكلية ألا أنا وفعلا صارت التحاليل وطلع عبدالرحمن والعم وعبدالمجيد كلهم يطابقون دمها لكن طبعا عبدالمجيد هو اللي سوى العملية وقبل لا يدخلون الغرفة للعملية جاء عبدالمجيد عند فاطمة و قال: لا تخافين حبيبتي إن شاء الله بتنجح العملية و تطلعين بالسلامة وباس يدها وطلع وكل واحد عيونه غار بالدموع.
تمت العملية بالنجاح والحمد لله , بعد كم يوم طلع عبدالمجيد من المستشفى لكن فاطمة كانت تعبانه شوي وبقت بالمستشفى.
جاء عبدالمجيد يزور فاطمة
فاطمة: عبدالمجيد شكرا على كليتك
عبدالمجيد: هذي قطعة مني وعندك أبي قطعة منك
فاطمة : أنت تآمر أمر أطلب أي قطعة وأعطيك أياها
عبدالمجيد: قال أمممم أبي قلبك
فاطمة: قلبي عندك من زماااان
عبدالمجيد: طيب عيونك ردت عيوني عندك من زمان
عبدالمجيد : طيب أبي كلك لي
المهم جلس عبدالمجيد يتقوى عند فاطمة ألا فاطمة حست بألم وضيق تنفس طلع عبدالمجيد برى الغرفة وقام يصرخ يادكتور ألحقني ألا أمها وزوجها كانوا برى الغرفة ركضوا وجاو عند الدكتور قال: مافيها ألا العافية بس ضيق تنفس وحطينا لها جهاز التنفس ومافيها ألا العافية إن شاء الله لكن أتمنى ماتتعرض لأي شي والبنت تفكر في شي شاغلها
أم فاطمة كل منك أنت يا عبدالمجيد
عبدالمجيد: أنا
أم فاطمة : أيه انت مو انت اللي كنت عندها
عبدالمجيد: الله يسامحك بس ورجع لفاطمة
في اليوم التالي مازالت فاطمة تعبانه وموجودة في المستشفى جاها عبدالمجيد وقال لها عندي لك مفاجأة طلع لها خاتم خطوبتهم قالت فاطمة عبدالمجيد لبسني الخاتم قال : لا مو أللحين يوم الخطوبة قالت : الله يخليك أخاف ماالبسه. عبدالمجيد : وش قصدك فاطمة
فاطمة : ولاشي بس أرجوك لبسني
لبس عبدالمجيد فاطمة الخاتم وهي لبسته خاتمه وقالت : أحنا أللحين مخطوبين صح قال : صح .
مرة ثانية رجع ضيق التنفس لفاطمة وماقدرت تتنفس لكن قالت لعبد المجيد أرجوك ضمني أحس أني بموت خل آخر شي بحياتي يكون ضمة منك ضمني ضمة تسكن رجفة ضلوعي وبدت عيونها وعيون عبدالمجيد تتغرق بالدموع لكن عبدالمجيد ضم فاطمة ضمة قوووووية وحس فعلا أن رجفة ضلوعها سكنت بعد عبدالمجيد عن فاطمة ألا لقى عيونها مسكرة وارتسمت على شفتها أبتسامه صغيرة قال: فاطمة فاطمة فاااااااااااااااااااااااااااطمة
طلع يضرخ برى الغرفة ينادي ياناس ألحقوني فاطمة ماتت جاء الدكتور بسرررررعة وقال لازم تدخل العناية المركزة بسرعة وطمن الدكتور عبدالمجيد أناه ما ماتت.
طلعت فاطمة من المستشفى وحذر الدكتور من أن فاطمة تتعرض لأي انفعاال.
وافقت الأم على خطوبة بنتها لأنها خافت عليها تموت وهي تعيسة خافت تكون سبب في نهاية بنتها وشقاها
جلست فاطمة وعبدالمجيد يسولفون عن الزواج ومستقبلهم وتحدد يوم الزواج
اليوم يوم زواجها وأماه من الفرحة مو عارفة وش تسوي كان الزواج أروع مايمكن وجاء وقت زفة العريس انزف العريس وجلس على الكوشة ينتظر العروسة وأنفتح الباب ودخلت العروس تتمشى بكل هدوء واتزان وماكملت نص المسيرة ألا وطاحت وكانت الطيحة الأخيرة جاء المعرس يركض لالالالالالا يمكن فاطمة قومي بلا دلع قومي أدري أنك تتدلعين أدري أنها حركة منك تبين أخاف عليك وبس أعرفك تحبين تشوفين نظرة الخوف بعيوني عليك يلا قومي ألا بعد دقايق الناس ملتمه على العروس المرمية على الأرض كانت تحس بأن روحها راح تطلع فتحت عينها ومسكت بيد عبدالمجيد وقربت من أذنه وهمست له أحبك تركت يده وانتبه عبدالمجيد أنها بدت ترفع أصبعها السبابه وتتشهد وهو يبكي لا يافاطمة لا حرام عليك لا تتركيني وحدي ويمسك أصبعها لا لا تتركيني وأنتي وعدتيني ماتخليني لالالالا أرجوك لا تحرميني السعادة اللي أنتظرتها كثير , ووقف أصبعها ووقفت حياة عبدالمجيد معها شالها وأخذ يمشي بالشارع من غير وعي ويصرخ شوفوا ياناس شوفوا العروس يوم عرسها المفروض تكون في حضن زوجها لكن اللحين بتروح في حضن القبر آآآآآآآآآآآآآآآآآآآآه وجلس على ركبته وحطها على الأرض وحط راسه على صدرها ويبكي ويبكي .........
ماتت فاطمة وتركت عبدالمجيد يصارع أمواج الحياة لوحده والولد صابته حالة نفسية صار مايكلم أحد ولا يبي أحد مايكلم غير نفسه وماينادي ألا فاطمة وكم مره حاول ينتحر يقول بروح أبي ألحق فاطمة يمكن أتزوجها عند ربي الحالة النفسية كانت عند عبدالمجيد بقمتها وجلس سنتين على هذي الحالة وبعدها تعافى من الصدمة لكنه ماقدر ينسى فاطمة وكل ماتذكرها ترحم عليها ودعى لها ونزلت دمعة من عينه.
ياحبيبي وش بها الدنيا لينا فرقتنا واحنا تونا ملتقين ضيعتنا من هوانا وأكتوينا بالفراق اللي جمعنا بالحنين
العرض العادي
