تعالي بمسح بكفي دموع الحزن من خدّك = وابصفع في يميني خد منهو يالغلا بكاك
وكل اللي تبين يصير قولي بس وش ودّك = يهون الكل لعيونك وازعّلهم عشان رضاك
انا بـعرف من اللي يوم ظن انه بلغ ندّك = وهذا الي عمت عينه وفكّر يوم يتحداك
ومن ذا اللي ركبه ابليس وحاول ينقلب ضدّك = قسم بالله ياهذا يعاني نقص بالأدراك
وحتى لو غبي لازم يعرف انه مهو قدك = انا بعلمه انه يموت ولايدوس خطاك
بشده بايدي من شعره واقله يابزر حدك = حدودك لو تجاوزها تراني بالقدم بآطاك
ترى لاانته ولاعمك ولاخالك ولاجدك = يساوي ظفرها عندي وعندي ظفرها يسواك
واقول اصحى تكررها ترى والله ماعدّك =ازيلك من على الدنيا ولا اندم على شرواك
والى منه عرف قدره زبنك انت ومسك يدّك = وقبلها ذليل وخر لك راكع تحت ماطاك
وساعتها يعرف شلون يساير مزحك وجدّك = ويعرف قيمة اسياده ويتكلم بادب ويّاك
وهذي فرصه اني بس ارد شوي من مدك = وابرهن لك ولو مره شكثر يابنت بدر اغلاك
انا ياسيدة كوني ارد الكل ماردّك = ولو انسى كل هالدنيا ورب البيت ماانساك
انا لولاي اخاف اللي زرع في خافقي ودّك = لقول انه خلقني بس من شان اعشقك واهواك
انـا ياسيـدة كونـي ارد الـكـل مــاردّك
ولو انسى كل هالدنيا ورب البيـت ماانسـاك
انا لولاي اخاف اللي زرع فـي خافقـي ودّك
لقول انه خلقني بس من شان اعشقك واهواك
//
صح السانك والله لا يهينك
على هذه الرائعه التي اثريت بها
متصفح همس القوافي
كم هو جميل هذا الشعور و كم هي جميلة ترجمتها
على اوراقك
بشوق لجديدك فلا تطيل
لك مني باقة ورد
طارق اليامي
.gif)
العرض العادي
