لقــاء مــع شعــراء وشــاعــرات الــود فقــط

[الطلحي2000]

1- من هو الطلحي
أنا الذي مبداي روس المراقيب ............. ماأرضى بغير النايفات الطوالي ( الطلحي2000)
2- الدنيا دواره
خلك من الدنيا حريص وحذري ........ وإلاتبيعك بين يــــوم وليله
روّاغــــة وظــلــها مايــــــذرّي ........ تعيش فيها بين عدل وميله
3- الصداقه
الصداقه الصداقه الصداقه ......... الصــــداقه مفترق زين وشيني
الصداقه مثلما قالوا حذاقه ......... صادق الدندون والعقل الرزيني
4- الخيانه
طول عمري ماتجرعت الخيانه ....... وافي وامشي مع محبوب وافي
5- الحظ
لو ينام الحظ اباراجع سجلي ......... واعرف إن العلم به نقص وزودي

[الطلحي2000]

الدموع ومتى سالت؟
مثلما ذكرت متى سالت دموعي ونظمت بذلك قصيده في اليتيم منها هذه الأبيات

ياســـامع للقول عســــاك تسلم ......... فقدت أبوي وصابني الهم والياس
حتى البصيره كنها الليل الأظلم ......... أقـــــاسي اللوعه كسير ومحتاس
مر العــزا وأنا حســايف ومغتم .......... والحــــزن طاويني وولّع بمقباس
وين الغلا اللي شايل عني الهم .......... خيره مغطيني من الرجــل للراس
ماعــــــاد ينفع خال ولاولد عم ........... انا واخـــواني تحت رحمة الناس
والغاليه تبكي بــــدل دمعها دم ........... على الذي درب الخطا فيه ماداس
والقصيده طويله ولكن تم إتصارها

منتدى الود قلت فيه القصيده السابقه

[الطلحي2000]

أخي الغالي حبيس المشاعر حياك الله يالطيب
الحقيقه الشعرفطري في اي شاعر ولكن لابد من التأثربشاعر معين وأنا شخصيا تأثرت كثيرا بالمرحوم الشاعر عبد الله بن مستور المسعودي رحمه الله وأسكنه فسيح جناته

أما الحب في هذا الزمن الذي طغت عليه الماده اقول الدنيا بخير
لكن في هذا الزمن الحب بمعنى الحب الحقيقي اعتقد انه غير معدوم ولكنه نادر طغت الماده والمصالح واختلفت السلوم كثيرا

[الطلحي2000]

أختي غربة الروح
الأخ نايف كفى ووفى والأخ نايف تشرفت بمعرفته وشهادتي فيه مجروحه كيف وهو من أبناء حاتم الطائي اكرم العرب
وانا اشكر لك هذا الإطراء الذي لاأستحقه والله يقدرني أقدم مايرضي الود واهل الود الغالين على قلبي

[هجير الشتاء]

يا شيخ بلا رسايل خاصه بلا خرابيط..
ابدا معي وتوكل على الله ...

خلني اختبر شاعريتي؟؟

[*+* مـهــآآآآجــرة *+*]

نايف الشمري فكرة راااااائعة تسلم على طرحها مجهود يستحق الشكر صاير في المنتدى نشاط وحركه وتفاعل ما شاء الله عليك بانتظار دوري الف شكر أخوي لا عدمناك ----------------- مهآآآآآآآآآآجرة

[نايف المايق]

شااعرنا المبدع الطلحي

ياهلا ومرحبا بك وباجوبتك مره ثانيه

معذور يابعدي ولابينا اعذار

واانا ماخترك اول ضيف والا انا

على ثقه تامه انك تقوالها وتطولها يالقرم

ولاهي غريبه عليك ولاعليك زود والكرم عادتن للاجواد شرواك

وفيت وكفيت يالقرم عز الله بهالاجوبه الوافيه

ج-1

أنا الذي مبداي روس المراقيب= ماأرضى بغير النايفات الطوالي

ونعم يالذيب عوايدك روس المراقيب ماتنزل الطمانه ونعم اللحيه والله

ج-2

خلك من الدنيا حريص وحذري=وإلاتبيعك بين يــــوم وليله
روّاغــــة وظــلــها مايــــــذرّي=تعيش فيها بين عدل وميله

الله اكبر على هالتصوير الله لايضرك يالمبدع

عز الله اني ماخطيت يوم اترتك ضيف بصفحتي يالمبدع

ج-3

الصداقه الصداقه الصداقه=الصــــداقه مفترق زين وشيني
الصداقه مثلما قالوا حذاقه=صادق الدندون والعقل الرزيني

الله اكبر عليك يالطلحي وانشهد قلت وطلت

صادق الدندون والعقل الرزيني وانشهد انك صدقت

لله درك يالمبدع والله لايضرك على كذا تصوير

ج-4

طول عمري ماتجرعت الخيانه=وافي وامشي مع محبوب وافي

ياعلك ماتذوقها يالمبدع وهذي عوايدك ياكحيلان ماتمشي الا مع مثيلك

ج-5

لو ينام الحظ اباراجع سجلي=واعرف إن العلم به نقص وزودي

الله الله مبدع عز الله وان شاء الله علومك كلها غانمه يابعدي

ولاعليك زود يالذيب

الله اكبر عليك مبدع وانشهد

ياســـامع للقول عســــاك تسلم= فقدت أبوي وصابني الهم والياس
حتى البصيره كنها الليل الأظلم=أقـــــاسي اللوعه كسير ومحتاس
مر العــزا وأنا حســايف ومغتم=والحــــزن طاويني وولّع بمقباس
وين الغلا اللي شايل عني الهم=خيره مغطيني من الرجــل للراس
ماعــــــاد ينفع خال ولاولد عم=انا واخـــواني تحت رحمة الناس
والغاليه تبكي بــــدل دمعها دم=على الذي درب الخطا فيه ماداس

معزوفه على نااي الحزن سافرت بنا الى شواطي الحزن يالطلحي

الله على التصوير قصيده لايحسها الا من عاش واقعها

الله يرحم والدك ويسكنه فسيح الجنان ويغفر له ذنوبه

ويجعله من مجاورين حبيبه ونبيه عليه الصلاه والسلام

اشهد بالله انك صورتها ولاقصر ت بتصويرها

الطلحي صدقني اني تشرفت بكونك ضيف من ضيوف هذه الصفحه

فانا كنت على ثقه تاامه يابعدي انك تبي توفيها ولاتقصربها يالجزل

صح لسانك مليون على هالابيات الوافي يالوافي

وكفيت ووفيت وان شاء الله اننا ماثقلنا عليك بالاساله

وافي يابعدي وافي

تشرفت يابعدي بوجودك هنا واستمتعت بعزفك المبدع

وتحملنا شوي باقين لك كم يوم بهالمتصفح

ونبيك تنتظر الاساله اللى تبي تتوجه لك من معجبينك الكثره

دام تشرفيك في متصفحاتي

ولاخلا ولاعدم

اخوك

نايف الشمري

[نايف المايق]

اخوي الغالي هجير

ياهلا ومرحبا بك يابعدي

واتشرف باستضافتك

واذا الله عطانا طولت

العمر تبي تكون ضيف بهالصفحه

حياك الله وكل الشكر لتواصلك هنا

وننتظر تفاعلك معنا بهالصفحه

ولاخلا ولاعدم

اخوك

نايف الشمري

[نايف المايق]

شاعرتنا المميزه مهاجره

كم هو شرف لي تواجدك هنا يالاصيله

كل الشكر على تواجدك هنا وتشريفك

والجمال لايكتمل الا بتواجدك

والله الله يدك بيدينا نبي نفعل ونشط هالصفحه

واتشرف بك يالغاليه بكونك ضيفه من ضيوفي يالاجوديه

وثقي ثقه تامه سوفا تكون استضافتك قريبا لنرتوي من ابداعك

ادام الله تواجدك وتواصلك المشرف

اتمنى تواصلك هنا

اادام الله لي هذا التواصل المشرف في متصفحاتي

ولاخلا ولاعدم

اخوك

نايف الشمري

[الطلحي2000]

نزولا عند رغبة اخي الغالي نايف لتكملة قصيدة يتيم
تعرف اخوي نايف إني ماأقدر ارفظ لك طلب هذي القصيده بالرد الآتي
عزيز وغالي