مبروك للسعوديات قيادة السيارة ......

[هجير الشتاء]

ورب البيت يا شيخه تكون العقوبات اللي تكون.. فيه شعب الله وكيلك وإلا تدرين
وناسه والله..انا وربي بس انتظر اول وحده تمر من قدامي. وياليت عند اشاره..
بس بقعد اناظر فيها دقايق.. وربي وراها وراها.. ولا زليتها لعيونها عقدتين...

... بغض النظر كم انسانه عاقله بالعشرين اعقل من الي بالثلاثين..
انا اشوف يا جماعه ان الوقوع في الخطأ يبان وحياتكم...
لو كانو منصفين بقرارهم ما المانع ان البنت أيا كانت تسوق. مثلها وحالها حال الرجل
ولكن هذي بداية الطريقه ..بالتدريج.. واحنا كلنا عارفين بس اشوفها مش من الشجاعه
يعني الحيل هذي تنطلي على مين ..

انا اشوف / من نظريتي الشخصيه بس/
ان الرجل كل ما كبر يعقل ويكبر تفكيره
ولكن صدقوني المرأه اشوفها كل ما كبرت تصغر ويصغر تفكيرها
ما ادري.. فلسفه...
ولكن.. موعدهم الصبح ..إليس الصبح بقريب.

[AbdAlMajeeD]

ههههههههههههههههههههههه

[#@# الخالدي #@#]

ههههههه
اخر زمن الحريم يسوقون
والله اتمنى ان الخبر كذب

[المســــافر راح]

قوية عين يسلموا على كلامك العطر ردك أعجبني الحقيقة

وبصراحة الموضوع بسيط جداً الموضوع أنو قيادة المرأة للسيارة ليست محرمة وأنا مع قيادة المرأة لكن لننظر قليلاً في شبابنا المهستر وإللي يجيك سكران وإللي تصنف معه يروح يسوي ويسوي مابي اتكلم وربي يا بنات السعودية ليتكم تعرفون بعض حالات شبابنا لمن يشوفونكم تقودون السيارة وربي لا يعلمونكم شلون تطلع نجمة الليل في عز الظهر :)

[$$قاطع طريق$$]

أخت قطوة بصراحة بتكلم وياريت يكون صدرك وسيع شوي علي اوكي...

أختي من الواضح إنك منزلقة ومتحمسة مع أفكار العلمانييين إللي غرضهم الوحيد بهالشي خروج المراءة من بيتها طبعاً يقولوا نحن لانريد إلا الإصلاح ولكن الباطن أعظم قيادة المراءة في الشرع حلال ونعم حلال تبغي دليل أعطيكي دليل ولاتزعلي خذي هالإثبات: ((عائشة زوجة النبي صلى الله عليه وسلم ثبت وفي روايات عديدة من ضمنها الرواية المشهورة إللي هي حادثة الإفك أنها كانت تركب فوق الجمل أو الناقة وهي اللتي كانت في زمن النبي صلى الله عليه وسلم المركب الذي ينتقل فيه الشخص من مكان لأخر... )) هذا الدليل والإثبات إن سواقة المراءة جائز لكن المحك في موضوعنا إللي هو مسألة "الموازنة" نوازن بين مفاسد قيادة المراءة الآن ومصالح قيادتها إذا رجحت كفة المصلحة فتأكدي إنك راح تسوقي دبابة أربع كفرات ومحد يقولك شي... وإذا رجحت كفة المفسدة فعلمي إنك بسعودية أوكي يعني لاتنجري ورى الدعايات المغرضة من قبل العلمانيين وتتحمسي وتتوهمي انهم هم اللي بيخرجوكي من الأزمة إللي انتي فيها بعكس ماتتصوري إنتي عايشة بنعمة لو تعرفي ان المراءة الغربية وهي داخل عملها ماتترقى إلا بعد ماتبيع جسدها وعندك الأخبار ياماكثرها أنتقي منها ماتشائي وأعلمي أنك لو خرجتي ونفذتي مايريدونه بني علمان أعرفي إن جسدك راح ينباع وأبشرك بشارى برضاكي كمان عشان تتأكدي إن المسألة مسألة وقت بس ...

هذا ماعندي وأتمنى إنك تردي علي هذا لو كان عندك شي تبي تضيفيه تقبلي تحياتي. ولاتغتري بكلام بني علمان ود17 ههههههههه..
مع السلامة....

[هجير الشتاء]

اقتباس المشاركة الأصلية كتبت بواسطة المســــافر راح قوية عين يسلموا على كلامك العطر ردك أعجبني الحقيقة وبصراحة الموضوع بسيط جداً الموضوع أنو قيادة المرأة للسيارة ليست محرمة وأنا مع قيادة المرأة لكن لننظر قليلاً في شبابنا المهستر وإللي يجيك سكران وإللي تصنف معه يروح يسوي ويسوي مابي اتكلم وربي يا بنات السعودية ليتكم تعرفون بعض حالات شبابنا لمن يشوفونكم تقودون السيارة وربي لا يعلمونكم شلون تطلع نجمة الليل في عز الظهر :)

إيه شنو بعد.. يا أخي باين انك تجامل البنات كثير حتى لو كان على حساب شخصك..
ما كان ودي ارد اكثر واعلق على الموضوع اصلا ولكن.. من القهر يا اخي كلامك..
انا اشوف كل الشباب يقولون مثل الكلام اللي قلته ولا ندري بعد من ( المهستر ) فعلا
لكن يا اخي تأكد وثق تماما ..ان البنات مش ملائكه بالعكس فيهم من الهستره الي تقولها
اللي اكثر من الشباب..

مع اني متأكد واثق تماما ان الكلام كله فبركه مالها وجه من الصحه ولكن لو نفرض
صدقني الشباب مثلي ومثلك ما راح يتحرشون في المرأه شختك بختك.. إلا وفيه شي
واللي مثل الصراط المستقيم تمشي صدقني ما احد راح يتعرض لها..

دخلت على الموضوع بسرعه حبيت ا شوف واتذكر تعليقي فلقيت تعليقك مع اني مسحت
كثيييييييييير... علشان ما احرج اي احد ..شف حال بعض البنات عندنا فكذا مكان وبكذا موقف
وتشوف الهستره فعلا ..اللي نسبتها للشباب احنا عاشين بزمن غير زمن الربابه وانا اخوك

[الامير النايف]

مبرووووووووووووووووووووووووووووووووووووووك

للشباب السماح للمراءه بقياده السياره

بكره اذا طحت بالزحمه مراح تحس فيها .. لا بعد تدعي الله انها تطول

كل ما ناظرة يمينك ويسارك الا شئ يفتح النفس مو حالتنا الحين كل ما تناظر

الا جنبك تمساح شوي وياكلك .

بس بصراحه ماني مصدق هذا الخبر

وانشاء الله مايكون له اي اساس من الصحه

[THUG~LIFE]

[QUOTE=عاشق الأثير;1900574]الله لا يقولها انشاء الله

وحسبي الله على من يساعد في إفساد بلادنا بلاد الحرمين الشريفين

لا تستانسون يا بنات والله ماهي من صالحكم السواقه

وإذا كان الكلام صحيح

الله يستر على اهلنا

وقالها استاذي (ياسر التويجري ) الله يجزاه الجنه

بس اتمنى المواضيع تكون افضل من كذا

يعني لا تنشرونها لأنها (فتنه)


ابصراحه انـــــــــا ايد عاشق الاثير على الكلمه
<--------- معارض على سواقه المرأه في المملكه
ومشكوووووووووووووره على النقل اختي

[قطوه كيوت]

مشكورين جميعا على كلامكم الرائع


ولا يعدمني من اراكم


وانا الصراحه ماراح انتقدكم على كلامكم


لانه كل واحد له وجهه نظر احترمها


وانا لو يسوقون الحريم ماراح اسوق لاني اخاف


بس الموضوع شفته وحبيت اني انقله لكم


ويجزاكم الف خير

ولا يحرمني منكم

[الامير النايف]

قطوه كيوت

بعد عمري لا تصدقين الكلام اللي نقوله هذا كله كلام منتديات والله يامعظم الشباب والبنات

ينتظر هالقرار على نار بس ماهو قادر يصرح

انا والله بخلي امي توديني للجامعه وانا جالس جنباها

هلا هلا

ويعطيك الف الف عافيه على هالتميز في الطرح والنشاط

ودمتي بود

وتقبلي تحياتي

الامير النايف