الجزء الثالث عشر:
بعد لحظة صمت مرت على الأثنين..قرر زيد يتكلم بدون مايدري بالأضرار الجسيمه اللي صارت بعد حركته بدون مايحس بالإنسانه اللي جرحها في الصميم بسبب غبائه..
زيد: اقول النوري ماتحسين ان عمتي تعبانه؟؟؟؟؟؟؟؟؟؟؟شكلها متغير وضاعفه.!!!!!!
نوره بعد جهد جهيد في إنها تخفي دموعها وتعدل من صوتها: الا والله احس..احس حالتهاساءت ومتراجعه..وسكتت.....
زيد: الله يعافيها يارب...
نوره: آمين........ولفت الجهه الثانيه..
بعد ماطلعت نوره وزيد بعشر دقايق تقريباً طلع ابو زيد وفايزوام زيد وهند..وكانوا آخر الموجودين..لما طلعت هند مرت على ولد عمها اللي كان جاي يسلم على مرت عمه..وسلمت..
هند: السلام عليكم ياسعد..
سعد: وعليكم السلام يالله حيها بنت العم..كيف حالس؟؟؟؟؟؟؟
هند: يسرك حالي..انت وش لونك؟؟؟
سعد: بخير طاب حالس....عاد سيروا علينا ياعم مانبي في كل مره نعزمكم انتم اهل البيت ومافيها شيء لو تنازلتوا وزرتونا.....
ابو زيد: ابشر يابوك..كل مافضينا بنجيكم..
سعد:حياكم الله..
ركب ابو زيد جنب فايز اللي كان يتعلم السواقه ورافض ابوه انه يسوق الا بعد مايخلص الثانويه....
بعد ماطلعوا بيت ابو زيد..جلس سعد يتذكر هند اللي جات في باله على طول..كان من مذهول من طولها الفارع وركزتها..وصوتها العالي والحاد...كان يحس انهتوه يشوفها..ابتسم على نفسه وتفكيره ودخل!!!!!
نوره اول ماوصلوا البيت..طلبت من زيد اللي كان بيصف السياره يجيب لها ورق عنب..
نوره وهي تحس بشرود زيد: زيد ممكن طلب؟؟؟
زيد اللي يحاول ينسى او بالأصح يتناسى منيره:طلب واحد بس...انتي لوتبين عيوني مهب بباخل عليس آمري....
نوره: تسلم عيونك بغيت ورق عنب..ممكن تجيب لي..
زيد: الليله!!!!!!!!!!ماكأنس متأخره في وقت الطلب؟؟؟
نوره:ادري خلاص ماله داعي تجيب..مشكور ماقصرت..
زيد: خلاص يابنت الحلال بجيب لس الحين تبين شيء غيره..يعني لو طلبت منس تحنين علي ماحنيتي..لكن ان بصير احسن منس وبروح اجيب طلبس ياحلوة الحلوات..
نوره:انا..انا يازيد مااحن عليك..المهم ترى لو ماجاء الطلب مهب نايمه وانت كيفك عاد...
زيد: الا ..يالدبه ..تمسكيني من يدي اللي تعورني هاااه...لكن مايخالف مردوده...
في اليوم الثاني..نزلت نوره تساعد هند في الفطور..شافت محمد يسوي له شاهي قربت منه وقالت:ارتاح محمد انا بسويه لك ...ولما التفت عليها كانت تتمنى لو مزنه عندها عشان تذبحها على اللي سوته فيه..كانت عيونه حمره..والهالات السود تحت عيونه..ومهب قادر يصلب طوله..على طول التفتت عنه يوم حست بدمعتها تخونها ماكانت تبي تحسس محمد من شيء يكفيه اللي فيه..وبعد ماسيطرت على دمعتها التفت صوبه لقت محمد يمشي طالع من المطبخ والشاهي حقه في يده..نوره بعد ماشافته طلع طاحت في بكاء عميق..لدرجة ان هند حست فيها وخلت اللي في يدها وجات تركض عندها...........
هند:خير النوري عسى ماشر...فيس شيء؟؟؟؟؟؟ احرقس شيء؟؟؟؟؟؟؟
نوره: مافيني شيء ياهند..!!بس محمد عورني قلبي عليه يوم شفت شكله...تكفين هند علميه ان مزنه ردت تركي وانها ماتبيه تكفين...!!
وانه الحين يقدر يطلبها من سعد..بس لايعذب نفسه..طلبتس قولي له....
هند:خلاص بقوله بس انتي اطلعي غسلي وجهس بعدين انزلي ونادي رجلس معس عشان تفطرون..ولما شافت نوره مستسلمه بتطلعالتفت عليها..يوم سمعتها تقول:الا اخواني يانوره يكفي اللي صار منس انتي واختس..اررررحمونا...وسكتت لما شافت نوره ترجع تدخل المطبخ وهي تبكي بصوره اكبر وجرتها معها للمخزن اللي جنب المطبخ ..عشان تفسر لها كلامها!!!!!!!!!!!!!!!!!!!!!!!!!!!!!!!!!!!!!!!!!!!! !!
زيد بعد مانزلت نوره سحب الكمبيوتر وفتحه..كان وده يفتح مجلد نوره اللي حطته برقم سري..ومنبهر بقدرتها العجيبه في معرفة اسرار الكمبيوتر..مع انها مادرسته..وجلس يحاول يفتح ويحط رموز واسماء وماخلا احد في العالم الا وجرب بأسمه...واخيراص وبعد عناء وشوي غباء..جرب بأسمه.....!!!!!!!!!!!!!!!!!!!!!!!!!!!!!!!!!!!!!!!! !!!!!
يالله مااصدق انه انفتح..ياحياتي والله يالنوري..حاطه اسمي فديت قلبس والله..وجلس يناظر في ملفات الوورد اللي داخل المجلد..ومحتار من كثر شوقه انه يشوفهم مايدري وش يقرأ...في الأخير فاز الملف اللي طاحت عينه عليه في الطياره بالتصويت ..مسك الماوس بحذر..وبخطوات بطيئه.وفتح عيونه عالآخر..وقرب السهم من الملف..وسواله فتح...
...................!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
هند بعد ماطلعت نوره كان ودها تقوم وتضرب راسها في الجدار ..نورهاجبرتها على الكلام..ماكانت تبي تقول شيء بس لسانها طويل..
قررت اول شيءتروح تبشر محمد اخوها لأنه الأهم بالدرجه الأولى بعدين تفكر في المصيبه الثانيه..ودخلت على محمد لقته يكتب في دفترقالت وهي تقعد جنبه على السرير:محمـــــــد....!!!!
محمد:نعم هند..بغيتي شيء ياخوس..
هند جلست تناظر فيه بتمعن وتقول سبحان الله رغم كل اللي فيه يحسسنا بطيبته الله لايحرمنا منك ياخوي وينولك اللي في بالك يالغالي...
هند:ايه فيه شيء..وشي مهم بعد..!!!!!!!!
التفت محمد بصعوبه على هندوقال:وش بعد..لايكون جاية تكملين علي وتذبحيني ,,وتبلغيني بيوم عرسها وتبيني احضره....
هند عورها قلبها صدق على اخوهالها دالرجه يامحمد تحبها وهي ماتفكر فيك..حسبي الله عليس يامزنه في اللي تسوينه في اخوي..:لا..ببشرك ببشارة خير..مزنه ردت تركي..والحين اعتقدتقدر تخطبها من اخوها..
محمد ابتسم إبتسامه يمكنفرح جزئي بالموضوع ..ولكن قال كلام يعكس مشاعره المضطربه:وعاد..وش كأنها سوت ردت واحد بتوافق على غيره..يعني لاجديد شفتيها قالت انا ابي محمد..هي مازالت ماتبيني..انا وش يفيدني ردته ولاقبلت به..دامها ماتبيني انا بالذات..بعدين اعتقد اني قد قلت لس اني طلبتها من اخوها وكنت ابي اعرف رايها بس..وانها ممكن تنتظرني بس هي قالت ماتبيني..تبيني ارز وجهي مره ثانيه..هند قومي ياخوس..وانسي ذا الموضوع اللي عور راسس الصغير..والله يقدرن انا بعد على نسيانه..وغطى القلم وسكر الدفتر.وقام ينسدح..على سرير وقال:تراني ماابي الفطور..طفي النور وسكري الباب وغطى نفسه بالملحف...!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
طلعت هند وهي ماتشوف الدرب من الدموع اللي كانت ماليه عينها..على حالة اخوها..كانت متدري وش تسوي..وكانت فكرة انها تقول لمزنه على اللي صار لمحمد وارده في بالها دامها خربانه تخربها...........
لما مسك زيد الماوس كان خايف يشوف شيء فالملف مايعجبه..لما سواله فتح..شاف نوره كاتبه.....:
تعبت اشكي.. تعبت ابكي.. تعبت احكي مآسي الروح..
قتلني الوقت بظروفه..ذبحني وجفف انهاري..
اخبي علتي واسكت..وانا في داخلي مذبوح..
اجامل وارسم الضحكه..وانا قلبي على ناري..
احاول والله يعلم بي ..اداري دمعتي لاابوح..
اداري الجرح واتجاهل..عن اللي ينشد اخباري..
اقول بخي لكني!! جريح وفي حشاي جروح..
صداها لو دفنته يوم ..يبين سنين بأنظاري..
صرخت بحسرتي يكفي..صرخت بصوتي المبحوح..
الا ياوقت وش ذنبي ..عشان الفيك بأعذاري..
تبعثر حلمي قدامي..وغديت بدنيتي منزوح..
وقفت ولاقدرت اجمع..ماغير مشتت افكاري..
اخبي النفس واخدعها..واقول ان كربتي بتروح..
وهي والله مولوده.. قدر فأرحام اقداري..
قتيل والبقاء في راسي..في دنيا مابها مصلوح..
قتيلٍ والقهر قاتل ..من اللي ياخذ بثاري..!!!!!
زيد بتعجب مناالي كاتبته نوره قال:وش عندها نوره كاتبه هالكلام..اكيد عشان معاملتي لهافي مصر ..بس الحيني انا تغيرت..تغيرت كثير عن اول..اي تغيرت يازيد الله يهديك..ماكفاك اللي سويته البارح فيها يوم كنتم في السياره ......زيد كان متأكد ان نوره كانت تبكي..بس ماكان في يده حل يسويه كان ضايع..ضايع بعد ماشاف منيره حبه الطفولي..عشقه طول هالسنين..حلمه اللي ماكتب له ربي انه يتحقق..
زيد وهو مندمج في التفكير ..قطع عليه سرحانه صوت الباب حق الشقه كان ينفتح ثم يتسكر..قال هذي اكيد نوره..اغلق الوورد والمجلد وقام عن الكمبيوتر كله..وراح يوقف عند الكوميدينه..وقعد يسوي نفسه يمشط شعره..الا وباب الغرفه ينفتح وتدخل نوره.......!!!!!!!!!!!!!!!!!!!!!
العرض العادي
