مصافحه اولى ((امي غلاها))

[منبع الطيب]

[poet font="Arial,4,white,normal,normal" bkcolor="transparent" bkimage="backgrounds/10.gif" border="none,4,gray" type=3 line=200% align=center use=ex length=0 char="" num="0,black" filter=""]
اعضاء هذا المنتدى يسعدني ويشرفني وجودي بينكم وهذي القصيده في المرحومه امي اتمنى ان تنال على اعجابكم

من قبل لاتاصـل وصل قبلها الطـيب=لاجيـت اقبـل راسهـا ريـح حنـه

الحـب نـارٍ فــوق روس المراقيـب= واللـي يعـدي الضـلع ماخاب ضنه

حبـي لهـا مافيـه شـــكٍ ولا ريـب= كنـه ورى عــوج المحــاديب كنه

ماهو هـوى اللي في جـحور السراديب= واليوم الآخـــر لـو يقفـي نسنه

مهما كبرت ولآح فـي عارضـي شــيب= فـي عينهـا طـفـلٍ صغـيـرٍ تحنـه

امي هـواها بيـن ذيـك المحـاديب= مـن تحـت رجــليها والأقدام جـنه

يازيـن لاقـالت وهـي عنـي اتغيـب= ياريـحة أمـي ريـحته غـبت عنـه

لاصــار بـي شــيٍ لـو انـه أكـاذيب= قـامـت تجــر امـن المعاليق ونـه

يـومـي صغـير ولاعـرفت المـــواجيب= يـوم اقـصـرانا بنت الأجـواد بنـه

لآجيت ابطـلع قـلـدت عـويت الـذيب= قـالـت تـرى بـرا يـعضـك بسـنه

ولآجيتهـا بريـح الحطـب والمحـاطيب= ريـح الحطـب بالثـوب قـامـت تكـنه

حـبـي بـذيـعه بالجـزيره بـترحـيب= اللي تـذيعه هـي خـديجـه بنت قـنه

ياجـعـل يـفداهـا بـناتٍ رعـابـيب= واللــي يـبيهـن يومـهـن مايـبنه

ماقـصــرت ربـت أرجــالٍ اصـاعـيب= صـغـيرهـم شـقـح العذارى نـخـنه

ابـوي مـات اللي يحـل المناشيـب= يـومه عـلى رجـله انا جيـت مـنه

قـلته وانا من راس قومٍ مجـاذيب= سـيفاً لنا فـي وجـه الأعـداء نسـنه

يمه كــبرت ولآيـخـوفـنـي الـذيــب= الحـين انا ذيـبٍ ولـي نـفـس سـنـه
وسلامت قلوبكم



[/poet]










[/poet]