زمان لو تعيشونه بكل العمر تشرونه .. زمان جدتي وعهد الوجار والمحافظ على حق الجار و(الرادي) ونشرة الأخبار.
جدتي صارت تبيع الصمت في سوق الكلام وتحفظ القصايد وكم غنوة غرام .. وتعرف اليسا والفنانه احلام .. وصارت تسولف على(الورعان) عن ليلى وقيس .. ونست انها كان عندها عنز وتيس .
جدتي تحسب ان القمر القمر صغير .. مادرت انه كبير مثل جرح القلب فب هالزمان .
جدتي كانت اذا جاها مرض والا (عماش) تون ون وهي على الفراش .. (وأونست) العافيه .. وطلبت من ابوي يشتري لها قماش ويوم جابه ابوي ، قلت لجدتي :(كنت امزح) ابوي اخذ لك ثوب من ارخص قماش .. زعلت وصاحت .. ما ابي البس قماش الرخص لو كان جديد .. ثم مدت يدها لجيبها وأخرجت حزمة ورق .. ذكرت ان الدوله تعطيها معاش .. وصاحت في وقالت / ساري اشتر لي احسن قماش للعيد لو تصرف فيه كل المعاش .
رجعت جدتي تتابع (طاش ماطاش) ناظرتها متعجب وصاحت في وقالت روح (يافغره) رديت عليها ياعمري يارقيه .. ياللي خايفه على بشرتك وجالسه بالفيه .. وماتمشين الا بنعال خايفه من الشوك وقرصة الحيه .. كانت تحب تمزح معاي
لأني احس بدفاها وتحس بدفاي .
وترحل جدتي وتترك فراغ كبير في حياتي حزنت كثيراً عليها ومازلت حزيناً .. آآآه ياجدتي .. هي من كانت تخرجني من حزني ومن همي .
رحمك الله ياجدتي واسكنك فسيح جناته
تحياتي ساري144
رديت عليها ياعمري يارقيه .. ياللي خايفه على بشرتك وجالسه بالفيه .. وماتمشين الا بنعال خايفه من الشوك وقرصة الحيه
اخي ساري 144
اشكرك سيدي على اضفائك جو المتعه
وتكييف كلماتك كيفما تشاء
فعلا كلمات صعبه
رغم انني ظحكت ونسيت نفسي
الا انني اقول لك
رحم الله جدتي وجدتك
وجدات المسلمين