تصيح تقول يا(حرمه)،تحسب إنك تعايرنـي!!
شنبك اللي تفاخربه..ترى اللي جابته حرمـه
تصدق كذبتك دايم ،، مبادئ حيل تقهرنـي
(نقص عقلك مع دينك)،،ترى مليت هالكلمه
ياجاهل فتح عيونك..ياويلك لو تصاغرنـي
غضب،،تهديد،،وإستلمّه..وسمّه اللي تبي سمّه
أنا مليت من ظلمك يا(آدم) وش تصورنـي!!
أذا إني ناقصه بعينك،،وداعي منتهي الحكمـه
تراني ساكته بكيفي ،، نصيحـه لاتفجرنـي
غضب شيطان ماميز ،،مابين الخال والعمـه
عيوبي طيبتي وقلبي..حنان وشـوق يجبرنـي
علي عكسك تجي قاسي وكلن راضي بسلمه
حسافه وقتي الفايت،،تذكّر يـوم تِسهِرنـي
علي قولة انا عاشق وحبك صابنـي سهمّـه
تذكّر يوم لي تركض ،، تقول يازين آمرنـي
علي سنة رسول الله أشيل الحمـل وآزمّـه
فرحت وقلت هذا اللي أبي في ظلّه يسترنـي
اذا ضاقت بي الدنيا،، مسح دمعاتـي بكمـه
ابي انسى به الدنيا وابـي بالحـب يشعرنـي
ابيه يكون لي فرحـه اذا زاد الزمـن همه
صــٌ ــحْ لِســَـانْ قَـايِـلْـهَـا
العرض الشجري
