**
العب حديد
ماهو علشان الجسم
ولا عشان النسم
عشان هالراس العنيد
العب حديد واحاول يمر العمر من العمر
و أقصر مديد
واقول : لا طاح الارق مع العرق
هل من مزيد !
انا حياتي مايشابهها على الدنيا حياة
هي موت في داخل حياة
وان قلت آه
قالو ياشاعر :
عيّد .. عيّد
ليت الشعر شهره وحب ومعجبه
ان كان كل بـ يكتبه
لكنه الشئ الوحيد
اللي يخلي صاحبه
يحب كل الناس ويخالطهم
ويبقى وحيد ..!!
تدري متى الانسان يشعر بالحزن ؟؟
اليا عمل كل شئ ممكن يشعره انه سعيد
و لا شعر انه سعيد !
الا يا انتثر فوقه مزن
واليا وقف تحته مزن
وقال لك :
ما من جديد ..!
هذا الحزن .. هذا الاكيد
يمكني استهلكت في صغري متع كل العصور
مفروض خليت لنصف عمري قليل من الشعور
احس باحباط وفتور
فـ يا أني اكون اتفه من الموجود
او العب حديد
فـ الافضل اني العب حديد
**
حاولت اعيش مع الاماني في سلام
لقيتني اضيق والا هي تضيق !
انا الغريق اللي يدور عن الوئام
مع البحر حتى و لو انه غريق
ياصبر انا المأموم والا انا الأمام
انا الغريق انا الطريد انا العشيق
انا ابتسام الرد على الابتسام
ودمع الشقيق اليا انحدر على شقيق
هذا الكمال اللي تشوفه من حطام
هذا القسى هاللي تشوفه من رقيق
الشمس ترسل نورها على الانام
وهي من الداخل متاهات وحريق
على ابواب الملك .. ألد الخصام
باقي شوي ويسقط الملك العريق
اجارتك يارب من صغر المقام
في ساعة يدور بها الحلق ريق
مانيب خايف من ضياع ومن ظلام
اخاف اوقف وانا في نصف الطريق
**
العرض العادي
