تصدقوون - ولا تزعلون عليّ - إن قلت لكم إنّي داخل ولا عندي أي نيّه مُسبقه لإدراج مشاركه ..
بقدر ما هي عملية تنسيق لهذه الكيبورديه التي أردت إرسالها لمنتديات العالمي ..
لعل وعسى أن أجد حلاً لعملية تفعيل عضويتي هُناك ... بعد ما صار لي فترة مسجل ولكن ماحولك أحد .
مني العذر ومنكم السموحه على التقصير ..
يالعالمي .. لي مدّةٍ فيك موجود =لا شك مدري هو يهمّك حضوري!
متواجدٍ والراي .. غايب ومفقود = ولا زلت صابر .. وأنتظر منك دوري
أطرق عليك الباب .. والباب مسدود != عاشق وأبيك .. ابـ /أمر جدٍ ضروري!
ماني على جيّتك .. مُجبر ومحدود! = ولا جيت لك عابر سبيلٍ يزوري!
جيتك وفا كلّي .. وأبي منك مردود= الشاهد الله ثم جملة سطوري
عضويتي موؤدةٍ .. خافت الدود != ورغم الجفا لا زلت باقي صبوري
مدري متى ياعالمي .. ترسل الكود = تسمح لصوتٍ .. في كيانك جهوري
واختامها .. تحيّةٍ بأزرق العود = من هايمٍ جا لك يبي الرد فوري
سلام مني عد ما ذعذع النود=وعداد مافي الراس فكرة تدوري
للمنتدى اللي بالوفا دوم موعود=تجارته مهما حصل ما تبوري
معروف ما يحتاج تصديق وشهود=الحكي مايرضي بوصفه غروري
وماني بناسي ارسل تحيات و ورود=للصاحب اللي لا طلع بان نوري
اقول له ارحب على الطيب والجود=حضور ابو ريان داعي سروري
النصر يوم انه عطى قاف وردود=ينبي لجمهور الشعر بالظهوري
الحر لو هاجر فلابد بيعود=مهما يعيقه في الزمن من اموري
وحبل الصداقه بيننا دوم ممدود=الشاهد الله ما تغير شعوري
العرض العادي
