ما أشقى أن يكتشف المرء
بأن كل ما كان يعتقده في الحب حقيقه ..
ماهو إلا وهم خادع
وأحلام زائفه
ولذا لم يعد لديه إلا التعلل بأن ماحصل
كان متوقعا ومدركا
رائعه من روائع شاعرنا الاماراتي القدير
(( محمد احمد المرزوقي ))
اتمنى ان تحوز على رضاكم
كمشاركه اولى بينكم
ما ابيك تشرح شِفْت وعْرِفت قدري "=" كِل شيّ واضح ما يبي اي تفسير
صدّقْت كذبه قلتها ( انت عمري ) "=" واقنعت نفسي بالوهم دون تفكير
كنت احسبك بدري وشمسي وفجري "=" واثر الاسم لي لكن النور للغير
عذرك مَعَك مادامه الحب مغري "=" ما الوم قلبك لو طرى فيه تغيير
كِل شيْ توقعته سوى مِنك غدري "=" ذنبك كبير.. وما يكفيه.. تكفير
عذرك قِبَلته وإقبَل اليوم عذري "=" انا السبب في كل ماصار ..ويصير
ادري .. وتدري ما ابي الناس تدري "=" وآسف اذا منّي بدا أي تقصير
وفّر دموعك والحق الليل واسري "=" واحمل معك مني تحيّه وتقدير
ياصاحبي إدفن همومك بصدري"=" خلّ السهر لأجلي وتصبح على خير
العرض العادي
