جاني وانا في وسط ربعي وناسي
جاني نشلني مثل ما ينشل الناس
مني نشل روح تشيل المآسي
تشكي من ايام الشقى تشكي الياس
اثر الالم في سكره الموت قاسي
ماهالني مثله وانا انسان حساس
جابوا كفن ابيض مقاسه مقاسي
ولفوا به الجسم المحنط مع الراس
وشالوني اربع بالنعش ومتواسي
عليه ومغطى على جسمي الباس
وصلوا علي وكلهم في مآسي
ربعي ومعهم ناس من كل الاجناس
ياكيف سوا عقبنا تاج راسي
وامي الحبيبه وش سوى بها الياس
اسمع صدى صوت يهز الرواسي
قولو لها لاتلطم الخد ياناس
قولولها حق وتجرعت كاسي
لاتحترق كل يبي يجرع الكاس
اصبحت في قبري ولابه مواسي
واسمع قريع نعولهم يوم تنداس
من يوم قفوا حل موثق لباسي
وعلى رد الروح صوت بالاجراس
هيكل غريب وقال ليه التناسي
صوته رهيب وخلفه اثنين حراس
وقف وقال ان كنت يانمر ناسي
هاذي هي اعمالك تقدم بكراس
ومن هول ماشفته وقف شعر راسي
وانهارت اعصابي ولاارد الانفاس
ياليتني فكرت قبل انغماسي
بالغفله اللي منتهاها للافلاس
وفزيت من نومي على صوت ناسي
واصرخ واقول الموت وأحذر الناس
قائل القصيدة توفي في حادث مروري بعد يومين
(رحمه الله وأموات المسلمين )
اللهم ارحمنا برحمتك يا أرحم الراحمين
منقول
تسلم اخوي اسود على هذا النقل الرائع وفعلا القصيدة رائعه واعجبني تصوير الشاعر لمراحل الموت وكانه رآها فعلا .. نسال الله العلي القدير ان يتقبله في رحمته ويدخله فسيح جناااته هو وموتانا وموتى المسلميين .. اللهم آآآآآآآآمين ...