*,’أفا هانت العشره عليك ..’,*

[ملكة الرومنس]

أفا هانت العشره عليك ..

أفا هانت عليك العشره وبايـن مـن اعـذارك
وأولها صباح الخير أشوفـك صـرت ناسيهـا

وأول تسـأل ودايـم تطمنـي علـى اخبـارك
تخفـف حزنـي ودنيـاي تنسينـي بلاويـهـا

تشيل ببسمتك همي وتنثـر عنـدي اسـرارك
وأنا همومي إذا زادت بقلبي بحـت لـك فيهـا

خساره كنت في عيني .. وبيدك شلت مقـدارك
ونار الشوق في قلبـي عجـزت إنـك تطفيهـا:

ألا وش غيرك قلي .. وش اللي غيـر أفكـارك
ما عاد أتفهّم اعذارك ولا ادري وش خوافيهـا

أحسك واحـدٍ ثانـي غريـب وهاجـر ديـارك
وحتى لهجة أفعالـك عجـزت افهـم معانيهـا

دخيلك ..! قول صارحني وش اللي موقدٍ نـارك
أنـا متأكـد بقلبـك أمـورٍ عـنـي تخفيـهـا

مناي تحس في قلبٍ يحبك مـوووت واختـارك
ودمعـه حايـره بعينـي تعاندنـي وأخبيـهـا

وتعرف وش مجنني .. ؟! عنادك دوم واصرارك
على انـك روحٍ تحبـك تلـذذ يـوم تشقيهـا

علشانك أنا باصبر .. وبامشي درب مشـوارك
ولا باشكي عنادك لين معـاك أشـوف تاليهـا