في أيام الدراسة رجعت للبيت ...وكانت الوالده حفظها الله مسافرة مع والدها للعلاج
ومعها أختي الصغيرة ولما دخلت ما لقيتهم حسيت بالوحشة وضيقة الصدر فقلت...........
من يوم جيت وشفت أنا البيت مهجور = ما فيه حس وكل جوه كــــــــــآ بـــه
أولـــع اللمـبه ولا شــفــت أنـــا النور = بيني وبين النور مثل السحـــــابــــه
دمعي جرى من فوق الأوجـان منثور = وحسيت وسط القلب هــــمٍ لجـابـــه
نـــاديــت يــا يـــمه وأنـــا ألــف وأدور = ردي على قلب تجـــــدد صـــوابـــه
وتلفتت عيني تبي شوف منور = ونـــاديتها لا شـــك مـــا بــــه إجــــــابــــه
وناديت جـــــــدي قلت ماني بمسرور = من بعـدك الأيام عندي تــــــشابــــه
بالله تعالوا شوفوا الحال مخطور = قلبي من الفــرقـــا تـزايـد عــــذابـــــه
أيام عندي كنهــا سنين وشــــهور = البــعــد طول والصبر صــك بــابــــه
الداربـــعــد فــراقـكــم ما بـهــا نور = وفي وسط عيني صار كــنـه خــرابــه
عفت المكان اللي تــركــتوه مــجبور = ما عاد لي بـــه شــف ولا طـــلا بــه
أجلـــس وحـيــد ضايق الصـدر مقــهور = مثل اليــتـيــم اللي نفــوه القــرابــه
يــالله يــا المعبود يــا فــالــق النور = تشــفــي لي اللي يشــتـكي مــن صوابــه
ويرجع لنا طيب معافى ومــــــــاجــــور = يـــا رب لا يبــــطي عـــليــنا غــيابــه
العرض العادي
