((ليه احبك))

[مسعد المدلج]

السلام عليكم ورحمة الله وبركاته

عندما تكثر الاسئله ولا نعرف كيف نجيب عليها

عندها يبقى الصمت هو سيد الموقف

ولكن هناك سؤال حيرني ولا اعرف كيف اجيب عليه

اخواني هذه احدث قصائدي

ارجوا ان تحوز على اعجابكم

[poet font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
((السؤال))

كم سؤال ٍ حير اقلام الكتابه = وكم اجابه صارت اشبه بالمحال
السؤال يضيع مايلقى اجابه = والاجابه تنتظر طرح السؤال
ياعيوني ضيع العاشق صوابه = ضيع الاقلام والتفكير طال
صارت الاشعار جمله في كتابه = والكتاب اليوم اصبح له وبال
كلها الالوان بعيونه تشابه = لين صار اللون اسود كالليال
والعنود اللي تعجل في ذهابه = يوم قلبه حبها غصب ٍ ومال
تجرحه والجرح يزداد التهابه = طال صبره والصبر ماله احتمال
تلعنه والموت انذر باقترابه = يشتكي من ضيمها صدر الشمال
اشهد ان المغترب طال اغترابه = اتعب الاقدام غربه وارتحال
واحتظنه الليل والهاجس سرابه = للبحر واهل البحر حول الجبال
والشعور اللي لفا حظرة جنابه = هو شعور الحب والا من خيال؟
يالحبيبه والله اني وسط غابه = ضايع ٍ والحب فيني مايزال
وانتي اقسى من طويق ومن هضابه = قاسيه تبغين جرحي بأي حال
قلبي المسكين طولتي بعذابه = يحتري منك الموده والوصال
ماحسبتي حساب دمي والقرابه = ولا رحمتي عاشق ٍ جرحه حلال
وقمت انا اسأل ليه تسعين بخرابه؟ = جاوبتني طعون هجرك والنبال
والسؤال اللي عجزت ألقا جوابه = ليه احبك كثر حبات الرمال؟

كلمات/ مسعدبن مدلج
[/poet]



[SOUND]http://movn.net/moseqa_alsh3r/movn_3.ram[/SOUND]

[nowras]

مسعد بن مدلج المطيري


مشرفنا الرائع همسات رائعة من شاعر مميز


سلمت انا ملك ولا عدمناك

تحياتي


النورس

[بندر العجمي]

صح لسااااااانك0

بيض الله وجهك على ها القصيده الطيبه 0

وعز الله قصيده جزله 0 ومهيب غريبه عليك يا ابن مدلج 0

تمنياتي لك بدوام التألق وا التوفيق 0

هذا وتقبل تحياتي واحترامي 0
0
0
بنـــــــــــــــــدر

[عابرة سبيل]

والسؤال اللي عجزت ألقا iiجوابـه
ليه احبـك كثـر حبـات الرمـال؟


شاعرنا المميز مسعد صح لسااانك لا جديد امير الشعر ورائعه جديده

ولكن سؤالك اعتقد ان الاجابه كلما زادت قسوة الحبيب كلما زاد حبه


تحياتي ,,,,,,,,,,,,

[سعد العصيمي]

مشرفنا الرائع مسعد المطيري

كم انت رائع

كم انت مبدع

كم انت فنان




هنا اتوقف وأتأمل






والسؤال اللي عجزت ألقـا جوابـه
ليه احبـك كثـر حبـات iiالرمـال؟





صح لسااااااااانك مليون



دمت ايه المبدع



تقبل اجمل تحياااااات اخوك



متأمل خير

[الرزينة]

استاذنا / مسعد

صح لسانك

كلمات تألقت روعة وجمالا

سؤال يظل يبحث عن اجابة

فأين نجدها؟؟؟؟

اسجل اعجابي

تحياتي لك,,

[آخرة العنقود]

الله الله عليك يا مسعد مدلج

شاعرنا


افتقدنا بوحك زمناً

وهاانت تعود لتصافحنا بهذه الشامخه

قصيده تحمل الجمال بكل اشكاله

قصيده توشحت بالابداع والروعه

قصيده تبين المعادن وتظهر الفروق

قصيده يكفيها جمالا

انها رائعه

صح لسانك وسلم بنانك ولاهنت على هذه الرائعه

لك تحياتي

[مسعد المدلج]

nowras


اهلا بك ايتها المبدعه

هنا في هذه اشكرك على مرورك الكريم

واشكرك على على كل حرف وضعتيه هنا

تقبل تحياتي

[مسعد المدلج]

بندر العجمي




اشكرك على حظورك وشرف لي ان ارى اسمك هنا

وان ارى ردك هنا


تقبل تحياتي

[ابومشعاب]

[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
صح لسانك يابن مدلج=قصيدة اكثر من رائعة
ويسعدني ان اول مشاركة=لي المرور على قصيدتك
والاشادة بها=وشهادتي فيك مجروحة
تحيـــــــــــــــاتي=ابو مشــــــعاب
[/poet]