القصيده للشاعره ............ على لسان زوجه تزوج رجلها عليها وحبيت ارد عليها
اليوم لـك ثانـي مـع راحـة البـال
..............................وانا بعـد همـي لـه اليـوم ثانـي..
اليـوم تاركنـي انـاظـر بـالاطـلال
........................صورة,, رساله ,,حلم ,,جرح واماني
ليلـي قضيتـه بيـن هـمٍ وغـربـال
..............................واقول فـي نفسـي حبيبـي نسانـي
غنيت انا عقبـك مـن الضيـق مـوال
..............................يومك تسمـع للطـرب والاغانـي
لي دمعةٍ من فـوق الاوجـان تختـال
................................يومـك تلاعـب مترفـات المبانـي..
وبي عبـرة منهـا المخاليـق تهتـال
.................................ياعبرتـي لاتفضحينـي عشـانـي
ياعبرتـي خلـي لـك الصـدر منـزال
..............................لاهوب بـك داري ولاهـوب عانـي
مشغول لـه فـي ترفـة حالهـا حـال
...............................ماهوب فاضـي لعبرتـي او جنانـي
في يـوم واحـد نستـه كـل الامـال
...............................وش عاد لو يدري بشـوق غشانـي
ماهـوب مثـل اول هـذاك الغـلا زال
................................عـــــزاه كيـف الـود زال بثوانـي
اربع سنيـنٍ طـوال ياكيـف تنـزال
....................................وتحط في قلبك هنـوف مكانـي
ماكنت اظنـك تجحـد الـود لا طـال
.................................اثرك علـى طريـف وتبينـي اعانـي
قـد قالـوا ان البعـد والصـد قتـال
...................................وانـا اشهـد انـه علـة بالمحانـي
يومي اشوفك لابس بشت وعقـال
................................والشارب الاسـود وزول سبانـي
وعروستك من الحيـا ترخـي الشـال:
................................ وترسل لها بسمه تزيـد امتحانـي
دمعي بلا علمي على وجنتي سـال
................................اشتقت لـك ليتـك تحـس بحنانـي
ليتك تشوف الحـال يامتلـف الحـال
...............................بس التفت لي شـوف شالله بلانـي
نصيتهـا تضحـك لهـا لاهـيٍ سـال
....................................واقـول ياليتـه حبيبـي نصانـي
الله يادنـيـا التعـاسـه والاهــوال
..............................الله يستر وش يخبـي لـي زمانـي
غلطانـه اللـي تعشـق اليـوم رجـال
.................................مهما حلـف بالـود يبقـى انانـي
وقلب الرجل مابه من الحـب مثقـال
.................................والبنـت ترفـه قلبـهـا مايـدانـي
حاولت اعبر والقلـم فـي يـدي مـال...........................
من هول مابي انعقـد بـي لسانـي
الرد على القصيده بلسان الزوج
الحب من قلبك هو رماني للاهوال ** ولقيت وردة مفتحه في الجناني
يا ما بغيت منك الحنان بالحال ** وانت للولد دوم تلاعباني
أنا رجال ابغي الدفيء والدلال ** ويوم اقبل للبيت نار الله توقداني
من يدك شعرت بالضيق منهال ** ويا ما قلت لك اريد الحب والتفاني
واليوم لقيت صبيه لها العين تختال ** صغيره وسهم الحب منها رماني
مشغوله بالولد انت وحالك حال ** وانا رجال يحب كل يوم الاهتمامي
أربع سنين ضيعت القلب بإهمال ** وانا الحين مع الورده تمسح الاشجاني
(تقولين ليلـي قضيتـه بيـن هـمٍ وغـربـال)**( واقول فـي نفسـي الحب من قلبك نسانـي)
الله عليك يا الهنوف وحالك غير حال **ودمعك فوق خدك ينسابي
لين قلبي من حبك ما زال ** بس إهتمي فيني وزيدي الدلالي
انا رجال اتعب من كثرة الاعمال ** وهموم قلبي تزيد وأعاني
أبي أقبل على البيت منشرح البال ** تلاقيني بلهفة المحب وترحابي
من حقي لبس البشت والعقـال ** وأزين روحي بالزول السبانـي
لعروسة ٍ من الحيـا ترخـي لي الشـال** وترسل لي بسمه الحب والسلامي
ليتك تشوفي الحـال يامتلـفة الحـال**بس التفتي لي شـوفي شوالله أعطاني
وسلامتكم ’ اعطوني رايكم
اسف ما ذكرت الاسم ولكن بعد الرد تعرفون اسم الشاعره الكبير في نظري
العرض المتطور
