مرثيـــه

[أميرالعاشقين]

البارحة يوم الخلايق نياما بيحت من كثر البكا كل مكنون
قمت اتوجد وانثرالماء على iiما من موق عين ٍ دمعها كان iiمخزون
ولي ونة ٍ من سمعها iiمايناما كني صويب ٍ بين الأضلاع مطعون
وإلا كما ونت كسير السلاما خلوه ربعه للمعادين مديون
في ساعة قل الرجا iiوالمحاما في ما يطالع يومهم عنه iiيقفون
وإلا كما ونت راعبّية iiحماما غاد ٍ ذكرها والقوانيص iiيرمون
تسمع لها بين الجرايد حطاما من نوحها تدعي المواليف iiيبكون
وإلا خلوج ٍ سايبة iiللهياما على حوار ٍ ضايع ٍ في ضحى iiالكون
وإلا حوار ٍ نشقوله iiشماما وهي تطالع يوم جروه iiبعيون
يردون مثله والظوامي iiصياما ترزموا معها وقامو iiيحنون
وإلا رضيع ٍ جرعوه iiالفطاما توفت امه قبل اربعينه iiيتمون
عليك يا شارب لكاس iiالحِماما صرفٍ بتقدير ٍمن الله iiمأذون
جاه القضاء من بعد شهر iiالصياما صافي الجبين بثاني العيد iiمدفون
كسوه من بيض الخرق ثوب خاما وقاموا عليه من الترايب iiيهلون
راحوا بها حروة صلاة iiالاماما عند الدفن قاموا لها الله iiيدعون
برضاه والجنه وحسن iiالختاما ودموع عيني فوق خدي يهلون
حطوه في قبر ٍ غطاه iiالهداما في مهمه ٍ من غُرب الامات iiمسكون
ياحفرة يسقي ثراك iiالغماما مزن من الرحمة عليها iiيصبون
جعل البختري والنفل والخزاما ينبت على قبر ٍبه العذب مدفون
مرحوم يالي مامشى iiبالملاما جيران بيته راح مامنه iiيشكون
ياوسع عذري وان هجرت iiالمناما ورافقت من عقب العقل كل iiمجنون
اخذت انا وياه سبعة iiاعواما مع مثلهن في كيفة ٍمالها iiلون
والله كنه ياعرب صرف عاما ياعونة الله صرف الايام iiوشلون
واكبر اهمومي من بزور ٍ iiيتاما وان شفتهم قدام وجهي iiيصيحون
وان قلت لا تبكون قالوا iiعلاما نبكي ويبكي مثلنا كل محزون
لاقلت وش تبكون ii؟قالويتاما قلت اليتيم اياي وانتم iiتسجون
قمت اتشكا عند ربع ٍ iiاعداماما وجوني على فرقا خليلي iiيعزون
قالوا تجوز وانس لامه iiبلاما ترى العذارى عن بعضهن يسلون
قلت إنها لي وفّقت بالولاما ولو جمعتم نصفهن iiمايسدون
ما ظنتي تلقون مثله حراما ايضاً ولافيهن على السر مامون
واخاف انا من غاديات الذماما اللي على ضيم الدهر iiمايتاقون
اوخبلة ٍ ماعقلها iiبالتماما تضحك وهي تلدغ على الكبد iiبالهون
توذي عيالي بالنهر والكلاما وانا تجرعني من المر iiبصحون
والله لولا هالصغار اليتاما وخايف عليهم من الدجه iiيضيعون
لقول كل البيض عقبه حراما واصبر كما يصبر على الحبس مسجون
عليه مني كل يوم ٍ iiسلاما عدة حجيج البيت واللي iiيطوفون
وصلوا على سيد جميع iiالاناما على النبي يللي حضرتوا iiتصلون

قصيده للشاعر نمر بن عدوان يرثي زوجته وضحى

[همس الجروح]

لا اعرف ماذا اقول

خنقتني العبره...... طوقتني الكلمات..... احرقتني دموعي

ذهلت ُ حين قرأت ُ هذه ..

ترقرقت ِ الدمعة ُ محتالة ً على أحداقي ! .. تريد النزول لا للنزول إنما كي أكمل .. !

فعلا كلمات مؤثره احترت اي جزء اختار لارفقه بتعقيبي

فكل المرثيه رائعه

عزيزي أميرالعاشقين

شكرا لك على هذا الاختيار الدامي

لا عدمناك اميرا للكلمه انشاء الله

تقبل فائق امتناني وتقديري

أختــــــــك / همس الجروح