قصـــــــائد حزينه تكســـر الخاطر

[أميرة الرومنسيه]

:

هذه القصائد من أحلى وأحزن ديوان لــعبدالله بن عبدالعزيز العليوي رحمه الله

انشــــــــــــــــــــــاء الله راح ينــــــــــال اعجــــــــــــابكم

رائعة من أروع القصـائــد ------>>> منتب على خبري
منتب على خبري تغيرت بالحيل

ماهوب قول الناس .. شوفة عيوني
مثلت لي دور المحبين تمثيل

رح كمل المشوار هالحين دوني
دامه حصل بالوضع يازين تبديل

في عزتي للنفس هجرك يهوني
ماقلت يوم اقفيت مااطولك ياليل

مابيك دام الغير بك شاركوني
شكيت جرح من سواياك لسهيل

لاشك نجم سهيل زود شجوني
مليت أنا ماعاد ابي منك تعليل

خلك مع اللي في هواك حسدوني





رائعة من أروع القصـائــد ------>>> مما جرى
مما جرى ياصاحبي لا تكدر
حزني طبيعه ماتعودت الافراح
الصبر ينفذ والغرابيل تكثر
صار الأمل للياس والهم مفتاح
أبكي شبابي واشتكي واتذكر
وقتٍ مضى ليته توقّف ولا راح
أبكي شره وابكي ندم واتعبّر
من حر مابي ليت من مات وارتاح
طبع الوفا ياناس فينا تغيّر
حتى الوفا مسكين من غدرنا طاح
الله معك مابيك منّي تعذّر
يكفين عنك سهيل والطير لاناح
يمك حداني الشوق ماني مخيّر
واللي حداه الشوق معذور لو صاح



رائعة من أروع القصـائــد ------>>> أبكي هوانا
أبكي هوانا كل ماناح قمري
واذكرك لاضاقت على نفسي الدار
وانت بجروحي ياهوى البال تدري
ياشايلٍ قلبي على كف الأقدار
حفرت في ذكراك همٍ بصدري
لولا الأمل والخوف بيّحت الأسرار
سفينتي في بحر الاحزان تجري
يازين في عهدٍ مضى صرت غدار
مهما يطول الليل باتلاه فجري
لابد من صبحٍ عقب ليل الاكدار
حبك طوى ياغاية النفس عمري
متى بشمسك ينجلي ليل الاقدار




رائعة من أروع القصـائــد ------>>> العزا والتهاني
أنا تقبلت العزا بك من العام
كن العزا في موت حبّك تهاني
ياما سهرت الليل لاغبت ماأنام
ترقد وانا ازرع في رجاك الأماني
واثر السعاده في رجا حبك أوهام
لا طاب جرحٍ صابني منك ثاني
جارت على قلبٍ شقى فيك الأيام
أشكيك للي في غلاك ابتلاني
سهرت عليك عيون ماظن تنلام
ذاك أمس .. والا اليوم .. ماجا كفاني
افرح بطيشك .. والغرابيل قدّام
ياطاك من وقتك مثل ماوطاني





رائعة من أروع القصـائــد ------>>> تذكرتك
تذكرتك وقلبي مسرف الخطوه يبي فرقاك
وفي نفسي بقايا من جروح العام مدفونه
تذكرتك وفي عيني مواري حزن من ذكراك
تلفت يمك الخافق وجاك خطاه مجنونه
وجيتك ثاير العبره .. أحبك من يقول أنساك
غيابك نار .. من يقوى يشيل النار بعيونه
هلا بايامك السودا .. هلا بالحزن في دنياك
رضى قلبي بتعذيبك أبد مايطلب العونه
متى تفرح بك ايامي متى وشلون كيف القاك
متى هالليل في شمسك يذوب ويختلف لونه
تعبت من التعب وينك تعال ومد لي يمناك
حياتي لا خلت من شوفتك ماهيب مضمونه



رائعة من أروع القصـائــد ------>>> داويت بالنسيان
داويت بالنسيان قلبٍ جرحتيه
دفنت أنا حبك .. وتبقى حياتك
ياللي قتلتي حبنا مارحمتيه
انتي تحسبين الهوى حب ذاتك
ياللي سمعتي بالهوا ماعرفتيه
أنتي تبين الحب درب لغناتك
نسيت حبك ضاع كل الرجى فيه
يكفيك عن حبٍ مضى ذكرياتك
درب النهايه باختيارك مشيتيه
لاتذرفين الدمع هذي سواتك
عهد الهوى اللي بيننا ماحفظتيه
رماك في بحر الضياع التفاتك
باقي بقايا حبنا اللي رفضتيه
ترى المحبه ماتوافق صفاتك
مليت أنا مشوار حبٍ رسمتيه
قلبي يعيش افراح ذكرى وفاتك




رائعة من أروع القصـائــد ------>>> راجع
راجع تبي قلبي عقب ماتندمت
راجع تبي قلبي على خبرك العام
العام أنادي ياهوى البال وين انت
واليوم حبك ينتظر حكم الاعدام
على الجفا من طول صبري تعلمت
والجرح في قلبي تداويه الايام
خلك بدربك لو مشيت وتعثرت
مسكين .. ياباني قصورك بالاحلام
مجبور أبيعك لو بكيت وتأثرت
وش حيلتي حظي تردى ولا قام
ماعاد لي بالحب مثلك تغيرت
يازين حبك ينتظر حكم الاعدام



رائعة من أروع القصـائــد ------>>> قضى العمر
قضى العمر ياظالم وأنا اقول عنك اقفيت
وإلا شفت زولك بالصدف هلت أعياني
مشى القلب في ظلك يباريك لو صديت
ولو عفت حبك يوم .. ماعفته الثاني
أنا ماقويت أنسى حنانك ولا ظنيت
سألتك بربك .. وش كلفك نسياني
وأنا اشوف زلاتك بعيني إلا زليت
وش اللي يفيد الشوف والقلب عمياني
أخذت العزا مني ولا قلب لي خليت
وأنا من هواك اليوم حبيت حرماني
عطيتك حياتي ياقمرها ولا رديت
أبي منك لو نظره ترا هجرك أشقاني
أبي قلبك القاسي وراضي بماسويت
تعاتب وتجرحني وتامر وتنهاني
لك الحب مشاني أنا في هواك بليت
أحبك ولو صديت ياكل خـــــلاني

تحيـــــــــــــــــــــ الكم ولا تنسوني من ردودكم الحلوة ـــــــــــــــــــــــاتـــي