يا فجر ويـنـك طـول الـليل وابـطيـت
مـا عـاد لـي فـي عتـمـة الـليل حاجه
يا كـثـر ما هـوجست وحـدي وونـيت
والـقـلـب مدري وين الاقي عــلاجـه
لاقـلـت طبت من الجروح وتـشافـيت
عــود وجـع قـلـبي يـزيـد اخـتـلاجه
كله من أسباب الغضي حـين مـريـت
مـــا قــــدر الله وقـتـهـا وانـتـواجـه
رجـعت مدري عـادني حـي او مـيت
بـس الـــوكـاد أنـي مـشـيت بعجاجه
أســـودة الــــدنيـا بـعــيـــني وقـفـيـت
واشوف غض العود يـطفـي سراجه
يا حـيـف يا حـظـي دعيـتك ولا جيت
حـطيـتـني فـي مـثل عـنق الـزجاجه
ادعيك دايم وانت للـصوت ما أوحيت
عجـل تـرى فـكـري تـعـكر مـزاجه
قـل للولـيـف أن كـان بحـمـاه مـريـت
بعض الغرور أن طال يصبح سذاجه
الـحـب مــا هو مـثل يـمكـن ويـا لـيت
ولا يـجي بـالـمـصلـحه لـجل حـاجه
شفني لجل حبه ليا قمــت وامسيت
ادعي عسى قـلـبه يــزيد انـفـراجـه
اشتقت لك يااا........................
العرض العادي
