في صباح يوم السبت أقدمت على ( قتل ) ثلاثةً من الخرفان
في كل سنة نضحي بثلاث أضاحي لـ أبوي أختي
رحمهم الله وأضحية لنا
لاكن السنة هذي بطعم أخر وبمجهود مُتعب للغاية
معودين كل سنة نوديها للمسلخ بس السنة هذي قلت
لأخوي الكبير نبي نذبحها في البيت ..!! > ناوي أقتل
قال يارجال خذ 300 ريال وودها للمسلخ قلت عطني
الـ 300 ريال وأنا أذبحها وأسلخها لك
قال ترى أنت اللي بتسوي كل شي قلت أوكـ
قلت أنت ماعليك الا أنك تمسكها لي وأنا أنحرها لله
حده حده حده مناك مناك جتك جتك جتك
< أصواتنا وأحنا نطارد الأضاحي
أستقبلت القبلة بسم الله والله أكبر
ذبحت الأولى والثانية والثالثة > جزار
هذي صورة أحد القتلى
< ياقوي قوااااااااااه
بعد ماذبحت الأولى قالت العنز ماااااااااا قلت والله لنحااااارتس
وسلخناها ووزعنا على الجيران والفقراء عسى الله يكتب
الأجر عنده قولوا أمين .
بس حصل مواقف مُضحكه والشي الطريف كل
الجيران نفس الطريقه يضحون في بيتهم وأنواع الأصوات
وفي أثناء الذبح صمعت صوت الجرس وفتحت الباب
ومعي السكينة وملابسي كلها دم
ومن زود الحماس بغيت أذبح اللي طق الباب
يوم جميل لاكن شاااااااق بالنسبة لي قلت لأخوي
السنة الجاية أنا كنا من الحيين ودها للمسلخ
إنتظروني بمواقفي مع ( مقافة الغنم )
1424 هـ تخرج من الثانوية والمعدل للأسف مايساعد
أني أدخل جامعة وماخليت مكان ماقدمت في على وظيفة
لكن معك حرف ( الواو ) تمشي مامعك ( الباب ياسع جمل )
هذا كل دائره أدخلها ولا ياخذ ملفك ويحطه في الدرج وبعد
ماتروح أقرب ( زباله ) مايتوظف غير عيال الشيوخ < الشيوخ
أبوه عقيد عميد والا في المرتبه 13 ، 14 والا أحنا تبطي
ماتوظف لين ( تحج البقر على قرونها ) حتى العسكريه يتشرطون
بعد والله دنيا عجايب غرايب طفش زهق فرااااااغ
الواحد يأمل يبي يتزوج يكون أسره < جمله متعوب عليها ههههه
لاكن تبطي ( صبه ) يعني 6 سنوات عاطل تسبب مشاكل
أمنية وسياسيه ودولية ودمقراطيه .
الواحد من الفراغ يحس أنه عبء على أهله والمجتمع
يعني مو تقصير مني أنا ماخليت دائره حكومه ماقدمت عليها
لكن يجيب الله مطر حتى ( مكتب العمل ) يتشرط لازم معك
شهادة جامعية أو خبره > من وين أجيب خبره وأنا توي متخرج
والله عالم غريييييييييب وإذا جبت واسطه وتوظفت الراتب 2500
نعمه 2500 بس في الوقت الحالي وش يسوي الدنيا غاليه الحين .
ماغير ماسكين طريق الدمام البحرين والا الشمال سوريا
نبي ندور شي يفرغ طاقتنا فيه هنا بالسعودية لاوظايف ولازواج
حتى إذا تقدمت على بنت الحلال يقولون أنت موظف .!!
شكل اللي بيخط منهم الوظيفه مو أنا , الله يرزق الواحد
ومو شرط الوظيفه يمكن بعد الزواج يفتحها الله في وجهه
ماأقول غير متى يجي شهر 3 سوريا على التمثال
أحب حرف (الذآل) ليس لأن الحرف يعنيني كثيراً .. أو أنني أحب شخصاً بهذا الإسم ..!! ولكن لأنني أجده بعيداً .. عن كل (صرآعآت الحرووف) حيث يقطن في الركن الأيسر من ( الكيبوورد ) أحب أن أعيش مثله بعيداً عن مشاكل البشر..!!
كل عام وأنتم بخير
العرض العادي
