قولون البكى يريح ؟؟

[كـهف الأحزان]

السلام عليكم ورحمة الله وبركاته
هذي أول مشاركه لي وبتكون أخر مشاركه لأني فقط حاب أوصل رساله
أو أنبهكم من قطرة سم لابد ان يتجرعها كل شخص في هذا الكون ,., أنا ربما تجرعتها مرار وتكراراً ... كل شخص يعصر تجربة حياته في حكمة يقولها ,,, أنا ربما صغير السن لكن أقول أجمل شئ بالدنيا لقاء من تحب وأمر شئ على الأنسان فراق الحبيب خصوصا أذا كان للنهايه ,
قطرة السم هي الموت
لاأريد الأطاله ولكن أقول لكم كلما تجرعت هذه المصيبه لاأردد سوى أبيات سمعتها وحفظتها


أترككم مع الأبيات

يقولون البـكي يريًح . . وأنا أقول البكا ما فـاد =دموعي هلتً وجفتً . . وجرحي عاده بأوجاعه!!
تثاقل هالجفن حتى تصادق مع هدبْه " اسهاد "=تمنيت الكرى لحظة شريته لـو هو بيـاعه
سبايب علتي شخصٍ طـواه البعد والمبـعاد=تناسيته وأنا أذكره!! ولو بأنسى ذِكرني فيه مرباعه
رجع لي كأنها الدنيا . . مع حظي بدت ميــلاد =رجع لي . . شايل همه . . وصدره ضاقت أوساعه
حبيبي// قول لي وش فيك؟// عِيونك هّدها الإجهاد =علامك مكتئب ضايق . . وصوتك بحّت أسمـاعه ؟
يقول "أرجوك واسيني " // ترى الدنيا بعدكْ اسواد!! =أنا جيتك أبي أرتاح // أبي الراحة . . ولو ساعـة
أنا عيوني تبي تبكي . . وأبي كفك لهـا مـرداد !! =أبي يمسح على راسي . . ويمسح دمعي بإصبـاعه
دخيلك يا "عطر" تكفين . . ترى أيامي غدّنْ اشداد =ولا غيرك في هالدنيا . . طلبتـه طلبة اسبـاعه
أنا لبيـك ثم لبيـك ثم لبيـك .. و لـكِ إشـداد=أبـي تغفى على حضني . . مثل طفلٍ هدا رياعه !!
حِضَن أمه .. ونسى الدنيا .. نسى جرحٍ بدا يزداد =نسى الدكتور والجراح// نسى المشفى نسى (إبرة وسمّاعة)!!
غفى مثل الطفل لمّـا .. تكاثر في عيونه رقاد =تثاوب فمه الصغيّر . . ووجهه "نور" به شاعـه
وأنا مدري غفيت ونمت .. جفنّي خاصمه الاسهاد =وعيت بوقت مدري كم؟ ولا أدري متى الساعـة؟؟
توقعت إني أتخيل .. وإنه حلم ما هـو وكـاد!! =لقيته صدق متسند .. وحلمي صدق .. واتبـاعه
مشت ايدي على خده .. ابيه يصحى بعد الرقاد =ابيه يقـوم يتغدى .. أظنه نـام بجياعــه..
حبيبي// رد ، ليه ماترد!! وليه جسمك سكْن بجماد!! ="طبيبي" رد// تكفى قوم // ترى مزحَتْك!! خدّاعة!!
حبيبي// بسك التمثيل!! ترى قلبي جروحه جداد!! =دخيلك لا تذكرني بشخصٍ مت ، بوداعــه!!
حبيبي // سائلك بالله ، ذبحني همّـي والتنهاد!! =ذبحني بس هالتفكير!! وفكري بالفهم ، باعـه!!
حبيبي // لا ماأصدق // أنا قلبي إنفطر وإنباد!! =أنـا لا يمكن أصدق!! ولو ناعـي الحزن!! ناعه!!
أنا قليّ بعد ماتروح .. منهو لي ظهر وسناد؟؟ =منهو اللي في هالدنيا!! بيحفظ نفسي اوداعــة؟؟
منهو اللي "عطر" تنخاه.. إلا مرن ليالي اشداد!! =وإذا شاحت بي الدنيا .. منهو صاحب افزاعــة؟؟
سكت هالكون من حولي!! مع حزني عليك حداد!! =يواسوني وهم يدرون .. بأني "مت" بوداعــه!!
ظنهم هالحزن بيخف!! .. بس الجرح بيّه زاد!! =وأنا مالي سوى سجودي ، وأدعي ربي الشفاعة!!
يقولون البكى يريّح!! وأنا أقول البكا مافـاد!! =أنا بأرتاح في قبري .. إلا ربي قضـى "الساعة"!!

أأسف على الأطاله

[[] خفـوٍق الـرِوِح []]

يـقـولـون الـبـكـى يـريّــح!! وأنــــا أقــــول الـبـكــا مــافــاد!!

وربـي معـزوفـه جنـآن .. كـهف ..,.,’.. اسمـح لـي .. سـويـت تنسيـق للقصيـدهـ .. نقـل مـذهل .. بحـق أمتعتنـآ بمعـآنقـة تـلك الشـآمخـه .. والأروع .. حفظـك لحقـوقـهآ الأدبيـه .. وحيـآك معنـآ بمنتـدىآ الـود .. طـرحـك سيحـضىآ بالقسـم المنـآسب .. وبإنتظـآر بـوحـك بهمـس .. ,.,’..