السلام عليكم ورحمة الله وبركاته
واسعد الله اوقاتكم بكل خير
اليوم جايب لكم قصة وقصيدة
للشاعر بـصــري الـوضــيــحــي
ماادري اذا كان معروف لديكم او لا
الشاعر هذا شاعر غزل
واشتهر بالغزل العذري
من شبابه وحتى شيخوخته
عندما كبر بالسن اخذه ولده
لاداء فريضة الحج
وعندما اراد ان يقبل الحجر الاسود الكريم
رأى فتاه جميله
وقبل الفتاه بدل من ان يقبل الحجر الاسود
المهم هذا اللي يحضرني من القصه
فأليكم الابيات واستمتعو بها
التايه اللي جـاب بصـري يقنـه *&*& جدد جروح العُود والعُـود قاضـي
جينـا نحـب ونطلـب الله جنـه *&*& جنة نعيمٍ يـوم يابـس الحاضـي
ياليت كانـت حبتـي فـي معنـه *&*& يوم العيون عن الخوامل غواضي
يامن يعاوني على الوصـف كنـه *&*& اشقح شقـاح ولاهـقٍ بالبياضـي
لا ريحةٍ قشـرا ولا هـي مصنـه *&* ريح النفل بمطمطمـات الفياضـي
ونهودهاالثـوب الحمرشولعـنـه *&*& حمرٍ ثمرهن واقفـاتٍ غضاضـي
والخـد ذابـوح القلـوب المرنـه *&*& برّاق مزنٍ لاعـج الـون ياضـي
ياليت لو سني علـى وقـم سنـه *&*& بايام مـا بينـي وبينـه بغاضـي
ايـام جلدالذيـب عنـدي محنـه *&*& نصبح وزرق الريش لهن انتفاضي
وا جرح قلبـي جـرح وادٍوطنـه *&*& غرالمزون اللي وطنـه وفاضـي
والبيض قبلـي محسـنٍ عذبنـه *&*& ونمرٍعلى وضحا جرا له عراضـي
والبيـض كـم واحـدٍ يبسـنـه *&*& يبسة شماليل العـذوق النفاضـي
عـزي لمـن غـر الثنايا كـونـه *&*& واركن على كبده كُويٍّ اعراضـي
شوفـي بعينـي والخـدم يركبنـه *&*& بنت الشيوخ امخدمين الحياضـي
على اشقح من زمـل ابوه امظنـه *&*& ركبت عليه اتشنطـحٍ بعتراضـي
بمشجـرٍ مـن سـوق هجرٍمغنـه *&*& على خياطه ناب الارداف راضـي
وين انت يا مشفّي على طردهنـه *&*& انا طويت ارشاي واقفيت قاضـي
احدٍ يطيـح ابنـار واحـدٍ بجـنـه *&*& وترى الحظيظ اللي له الرب راضي
اتمنى ان تحوز على رضاكم واستحسانكم
العرض العادي
