العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
موضوع مغلق
   
 
أدوات الموضوع تقييم الموضوع انواع عرض الموضوع
قديم 04-07-2011, 06:59 PM   رقم المشاركة : 1
شمس القوايل
المشرفة العامة
 
الصورة الرمزية شمس القوايل
:::: ( تخونيني تبين أرضى ؟؟؟ !!! ) ::::

السلام عليكم ورحمة الله وبركاته


بوقت من البطا وبليل تتراقص شياطينه


بعد شفت الضياء ينزع من ثياب المسا ثلثين




تحايلت المنام اللي مثل بيتك تزورينه

وانا اللي من تفارقنا وانا ماغمضت لي عين






غـريبة كـل حـلمٍ يـمر بـرقادي تزورينه

والاغرب كيف احلم الحلم وارجع واحلمة بعدين






قـبل يـومين شـفتك بـالمنام وقمت من حينه

ونمت امس ورجع نفس المنام اللي قبل يومين






انا اللي قبل اسافر شلت قلبي من شرايينه

تركته في يدك مثل الامانه واحفظيها زين






ترى حفظ الامانه دين مجبوره تردينه

اجل مافي احد قد قالك حفظ الامانه دين






مرد المقفي بيلفي ويستوفي وتوفينه

بعد ليله.. ثلاثه .. اربعه ..عشره شهر شهرين






اذا انت منتي بقد الكلام اللي تقولينه

حرام استأمنك حاجه واذا جيت اطلبك تنسين






تخونين وتبين أرضى واحد يرضى تخونينه

انا لاجيت اخونك مع حبيبه ثانيه....(ترضين!!)






من اول مارجعت من السفر ماشفت لك بينه

وانا اللي كنت احسبك قبل ادوس ارض المطار تجين






تكونين انت اول شخص عيني تحتضن عينه

وكنت اتخيلك من زود فرحة رجعتي تبكين






واشوف بدمعتك حكيك واعرفه قبل تحكينه

واجيب احلى من اللي بتحكينه واتركك تحكين






تقولين البلد نور واقول بنور مضوينه

تقولي غديت احلى واقول عيونك الحلوين






كلام نام بشفاهك وخفتي لاتصحينه

ذخرتيه للغرام اللي ينام ويترك تصحين






تغانمتي غيابي لين رجحتي موازينه

تعلم من يدك لمس الكفوف وعلمك تجفين






وليتك لاقية به شئ فيني ماتلاقينه

ماهو بغرور ولكن خابرك مالك امل تلقين






تغافلك بغلا ولا الحلى ماهو من زينه

تزينه الصور ولا الصحيح ابن الحلال زوين






وان ماني بناقص عنه يوم انك تبدينه

نصيبي هو نصيبي لو يسددها من الصوبين






قنوع بمظهري والسم مايذبح ثعابينه

على قول المثل ماني حلو لكن ماني بشين






اذا اهداك الزهر مره انا اهديتك بساتينه

واذا الهاك بفرح ليله انا تهت لبكاك سنين






واذا استضعفتك املاكه وشتتّك ملايّنه

انا حتى فتات الخبزه اقسمها معك نصين






طموحي بس اجي واظفر بشي تستحقينه

تدينته , تسلفته , سرقته, مو مهم منين






كأني من كثر ماارضى بكل اللي تمنينه

لو انك تطلبين الله يعميني باقول آمين






انا ما العب على الحبلين بوقت الطيش وسنينه

تبيني الحين يوم اني كبرت العب على الحبلين!!






ترى عند البدو بالذات عيب اللي تسويينه

حلاتك لاعشقتيني تعشقيني ليوم الدين






غرام نسكن ضلوعه حشيمة من مجانينه

جفا يجمع محبتنا ولا عشق يذل اثنين






كثار اللي تحدوني وقالوا لي تحبينه

امانه لاتخليني صغير بعينهم تكفين






لاني كل ماقالوا تخون قلت مسكينه

عليك الله علميهم منهو المسكين






انا خايف ليا طاح الجمل تكثر سكاكينه

وانا ما عادت اضلوعي تحمل طعنة السكين






مثل ماقالوا المكتوب واضح من عنواينه

لو ارحل منك للغربه بسافر من ظلامك وين!!






كفايه كـل حـلم يـمر فـرقادي تزورينه

كفايه من تفارقنا وانا ماغمضت لي عين






قـبل يـومين شـفتك بـالمنام وقمت من حينه

ونمت امس ورجع نفس المنام اللي قبل يومــين








الشاعر المبدع : حامد زيد






التوقيع :


اضغط على الصورة لفتحها بصفحة مستقلة

قديم 06-07-2011, 08:42 AM   رقم المشاركة : 2
Ŗờờ7 έήŠấń❥
( مشرف أقسام التقنية والتصاميم والجرافيكس)
 
الصورة الرمزية Ŗờờ7 έήŠấń❥

يعطيك ربي العافيه
موضوع وانتقاء جميل الغاليه
شمس القوايل
وننتظر جديدك
ودي وتقديري







قديم 06-07-2011, 09:11 PM   رقم المشاركة : 3
ملكة الرومنس
( مشرفة العام والمكتبه الادبيه )
 
الصورة الرمزية ملكة الرومنس

ّّ شمس القوايل ّّّ

نقـــــــــــل رآآآئع لشاعر أروع
تسلم يدينك غلاي ع الطرح المميز لاعدمناك
ودي وتقــــــــــــديري

تقبلي مروري المتواضع ع صفحتك المميزه""







قديم 08-07-2011, 05:24 PM   رقم المشاركة : 4
شمس القوايل
المشرفة العامة
 
الصورة الرمزية شمس القوايل

اقتباس
المشاركة الأصلية كتبت بواسطة ●مَّـلِّـڰِ أِّلِّاَحٌّـِسٌِّـّأَّښَِّ●
يعطيك ربي العافيه
موضوع وانتقاء جميل الغاليه شمس القوايل
وننتظر جديدك
ودي وتقديري

الله يعافيك ويبقيك والاجمل مرورك لاهنت

اعذب التحايا

شمس القوايل






التوقيع :


اضغط على الصورة لفتحها بصفحة مستقلة

قديم 10-07-2011, 07:52 PM   رقم المشاركة : 5
شمس القوايل
المشرفة العامة
 
الصورة الرمزية شمس القوايل

اقتباس
المشاركة الأصلية كتبت بواسطة ملكة الرومنس
ّّ شمس القوايل ّّّ

نقـــــــــــل رآآآئع لشاعر أروع
تسلم يدينك غلاي ع الطرح المميز لاعدمناك
ودي وتقــــــــــــديري

تقبلي مروري المتواضع ع صفحتك المميزه""


الله يسلمج مشكوره ع المرور يالغلا

اعذب التحايا

شمس القوايل







التوقيع :


اضغط على الصورة لفتحها بصفحة مستقلة

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:10 PM.




 


    مجمموعة ترايدنت العربية