والله مالي غير الأشواق
عــــذري
واللي عرف شوق المواليف
ما لام
يا مالك أمري!
وش نواياك..
بأمري؟
ارحم خفوق عن هوى غيركم
صـــام
أدري بحالك
وأنت
بالحال تدري
يا الله عسى ذا
العــــ م ــا
أحسن من..
العـــ م ــا
----------
فدوة عيونك لو غدت روحك مغليك
وش عاد لو راحت..
لعينك عشــايـر
أبيع ما يغلى على الكون وأشريك
واسوق ليا جتني..
علومك بشــايـر
وآخذ من أيامي..لك أيام واعطيك
وان راح عمري لك..
فلا هو خســاير
----------
كني أشوف الحب
في ناظرك
شــــاب
لا واحسافة قلبي
اللي تصده!
البارحه تعبد
هوايه
بمحــراب
واليوم سيف الحب
ضدي تحده!
لا وألف لا.. ماتنحني
روس
وأرقاب
ومعبد هواك اللي
بنيته
بــــــهده..!
----------
أنا السجين بغرفة
مالها باب!
وأنا الغريق فبحر
مجهول حده!
الصمت و الدمعه
وصدك لي
أصحاب!
وليل ضرير مسامره
مايوده!
رسمتني
في لوحة الذكرى
عذاب!
طفل يتيم ودمعته
فوق خده!
يا صرخة الذكرى كفى
لوم و عتاب!
أطوي خريف العمر
وجرح الموده!!!
----------
هذا وجودي مرتبط في
وجـــودك
موتي و حياتي
في يدينك
أمــرهــا
لو الأمل في نفح
طيبك و جودك
إن كان مالي بالحياة
وكدرهــا
أنا أسير في..
هواك و قيودك
قرب ترى فرقاك روحي
دمـرهــا
بعطيك أسئلتي..!؟
وعطني ردودك..!!
((سـر المحــبه وين يكمن خطــرها))؟؟
----------
غررتني بالحـب.. والهــم سلــواك
ليه يا هوى؟
سيرتني في شراعه
وغرقتني بالدم.. يا صـاح مقساك
واقفيت عني!!
بين صد و وداعـــه
منساك والـلـه.. لو قلت بنــساك
قصة غرامك؟!
خالده كل ســاعه
وما أوعدك بالوصل.. في يوم لقياك
ما أقدر أشد الحبل!؟
بعد انقـطاعه
----------
أشب النار اذا أقبل واداري
دمعي المسكوب
ولامن قال لي: تبكي!!
أقول النار مشبوبه
مدام ان السماء تبكي وتفرح
من بكاها قلــوب
ترى ما عاد به شيء يسمى
بوقتنا أعجوبه
تركني هايم.. واقفى وانا مالي
سواه ذنـــوب
على حد الحياة أبقى كأني
وسط غيبوبه
----------
حيرتني بدمعة عيونك
ورجواك
لا سلهمت يمي غدى القلب
راعه
كنه تذكر مامضى منك
يا ذاك
وبخافقه همسة رضى
وامتناعه
وكنه يذكرني
بهجرك و فرقاك
باللي تمثل بالهوى.. ثم باعه
ياكيف أبنسى..!
جرح قلبي بيسراك
ومن قبلها يمينك
تمادت طماعه..!
----------
دام الهوى مابه
ياليت و ياعل
ودامك تقول:
الحب قلبك يحمله
ليه اللقاء... صــــد
وليه الغلا.. غــــل
وليه الجفا.. شرع الليالي
المقبله
ولهان وبفرقاك
أهتم و أعتل
وليلي غدى عقبك
ما أطـــــوله
أنتي هوى بالروح
يا غاية الكـــل
وأنتي غلا روحي
يا كل الولـــــه
----------
يامـا عطـيناكـم
و لا بـان مـعــروف
ويـامـا شـريـنـاكــم
وذقــنا الـخـســاره
وياما سكنتوا داخل
القلب والــشوف
والـفــكـر يـذكــركـم
بـلـيـلـه ونـهـــــاره
العرض العادي
