الله مـن جفـنٍ عـن النـوم عيّـا
ماعاد له في هجعت الليـل حاجـه
له حاجـةٍ فالقلـب عيّـت تهيّـا
ممـا لجـا بالقلـب عكّـر مزاجـه
شيٍ ينادينـي علـى الحـزن هيّـا
في مصخفات القلب عسر انفراجـه
على اللذي ماسار فـي درب سيّـا
مصيون عـرضٍ مايجيـه انعواجـه
من لاهبٍ فالصـدر حالـي حنيّـا
صبري طول وان طال عوّد سماجـه
ياضـي شمـعٍ فـي خيالـي دنيّـا
لانامـوا العربـان ولّـع سراجـه
إليا عبر لك طيـف ناديـت حيّـا
حيّه خيالـن فـز قلبـي وساجـه
لوهو بعيـد اهنـاك جانـي هنيّـا
في مقلة العينين يضحـك احجاجـه
كنّه بدر لاعسعـس الليـل ضيّـا
يسرق فـؤادي زيـن دل وغناجـة
الله اكبـر يـوم طــل المحـيـا
يانـور فجـرٍ زاد فيـه إلتعـاجـه
شوقك سكن فالقلب واثّـر عليّـا
غدا فؤادي منـك مثـل الزجاجـة
فجرّت قلـبٍ راح مثـل الشظيّـا
من يجمعه في شعف زايـد عجاجـه
هبّـة ريـاح الهجـر شـيٍ فشيّـا
وازداد جرحٍ وين أبلقـى علاجـه
ان قلت ابا اشكي ماتفيـد الشكّيـا
وان قلت ابا اصبر صاب قلبي خلاجه
محتار ما ادري ويش سويـت ويّـا
حزنٍ لجـا قلـب العتيبـي ولاجـه
اصرخ بصوتي بس مااسمعـت حيّـا
ما ادري متى بالصبر اعيش انفراجـه
ياهقوتـي يـا طلـح مافيـك فيّـا
بعد قـراح المّـي نشـرب هماجـه
العرض الشجري
