// برنس الشوق\\
لا تنصدم لا قلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
وارميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك
//برنس الشوق\\
بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
// برنس الشوق\\
لي عزة(ن) كنها حوت بعض الاشجار
اموت واقف ما انحني للهواني
انا عريب الجد من نسل الاحرار
بين الجدي وسهيل هذا مكاني
//برنس الشوق\\
ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحا الارض وخلا هالسماء
زرقا لعلمك كيف تندم يوم تهجرني
//برنس الشوق \\
وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك ومشكور
// برنس الشوق\\
والله لو تبعد فلاهمني رضاك
واسمع كلامي زين دام انت هادي
ماكنت شي وشلون ازعل لفرقاك
عادي وجودك كان .. وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مــد الايادي
// برنس الشوق\\
لو تباعدنا غدا الكون الكبير
شارع مظلم وتبكيه البيوت
جائز الوضع من بعدك خطير
وجائز إن الهم في صدري يفوت
بس شي واحد محال إنه يصير
ما أذل النفس لجلك لو تموت
// برنس الشوق\\
شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب اني ارتجي من نساني
ما جيت ابي منك محبه وتقدير
حتى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني
// برنس الشوق\\
علم غرورك عزتي مالها حد
ولي وجه غير الود مابي تشوفه !
ايام صدك عدها لاخر العد
ونشوف انا والا انت يلقى الحسوفة !
//برنس الشوق\\
برحــل وابترك لك بقايا أمانيك
غدرك عذاب حـال دوني ودونك
وخل الرفيق اللي غـدربي يسليك
وأذكر ترى من خان لأجلك يخونك
// برنس الشوق\\
أنهنت في حبــك وانا حــر ما أنهان
والحــر ما يرجع لشخص يهينــه والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!
//برنس الشوق\\
يـا نجــم يالـلي تقول الناس من حدري
يـا صفقة الطيب .. عند البايع الشاري
يـا مـبدع بـطـعـنـتي .. يا ذوق في غدري
لله درّي .. و درّ الـصـدق بــأشـــعـــاري
عــرفــت قـدرك .. و لانـي جــاهــل بــقـــدري
مـشـكــور جــداً .. عـلــى تـقـصـيــر مــشــواري
// برنس الشوق\\
نفسي عزيزه وافهم العلم لاهنـت
الـذل مايـومٍ بعمـري تبعـتـه
رفضت غيرك وانت بالحب مالنت
ياقرد حظي يوم غيرك رفضتـه
واذا الغلا يرجع على معرفة نت
انسى الذي بينـي وبينـك كتبتـه
//برنس الشوق\\
خل الرفيق اللي غـدربي يسليك
العرض العادي
