من كثر حبك حسبت ان الشقا راحه
ياول غرامٍ سكن واجتـال بعماقـي
عليك ياغايتي الاشـواق فضاحـه
يافرحة اول سنين العمـر والباقـي
يابهجـة القلـب ياقفلـه ومفتاحـه
يامضيعٍ حسبتي ومبعثـر اوراقـي
ومجدد جروح قلبٍ شوفك ارباحـه
القلب مسني وحبك يالغضي ساقي
والصدر ساحة غلا يامالك الساحه
اشلون عقب المحبه تنوي فراقـي
والوصل يحيي خفوقٍ ماتت افراحه
مجروح من غيبتك ومعذب وشاقي
يالعنبـو غيبتـك فرقـاك ذباحـه
ماهو مكفيك يامسبب لي اعواقـي؟
تخطي علي بالجفا والنفس سماحه!!
الله يجازيك فـي لعبـك بخفاقـي
ليه اتولا عليـه وتكثـر اجراحـه
اما تحافظ على عهـدك وميثاقـي
والا ببيع الغلا واطنـش الساحـه
العرض العادي
