8 نصائح لراغبي التميز .. .. ..

سليمان السمير · 08-01-2005, 01:12 AM

8 نصائح لراغبي التميز .. .. ..

1ـ احضن الاخرين وحسسهم بالدفء
الحضن وما ادراك ما الحضن ... جرب مع زوجتك وعيالك انك تحضنهم وتعد الين خمس طعش وانت حاضنهم ... سوف يشعرون بالامان وانت بالسعاده ... جرب ذلك مع الاخرين مع اصدقائق مع السائق مع الخادمه .... سوف يستغربون في البدايه ويتهمون بالجنون او التعاطي ... ولكن لاتهتم وثابر واصبر واستمر على تحضين العالم ... سوف تشعر بعدها بان الجميع قريبين منك وانه لايوجد حواجز بينك ونينهم ... وهذا يعطيك مزيدا من السعاده والثقه ... وهي طريقه جيده ومجربه ولكن يعيبها الحمل العشوائي ..

2ـ عد طفلا مرة ثانيه
اطرح همومك وتصرف كانك بزر .... تبول في فراشك .... اقعد صايح عند باب المسجد والناس يصلون ... جمع القطوف واشربها ... ونصيحه انتبه الين سويت نفسك بزر يلعب عليك احد ويقول تعال اوريك الطياره الطايحه ... تراه كذب مافيه طيارات ولاهم يحزنون (وشو عقبه كشفتهم )...
اذا سويت نفسك بزر بتلقى هاليوم احسن يوم في حياتك ...

3ـ ابتسم
بيقولون الناس عنك في البدايه انك سبهه ... ابتسم في وجه امرتك عارف انك منتاب قادر لكن حاول تذكر ان الدنيا فانيه وتذكر الناس الي ماتوا ... وبعدها بتقدر انك تبتسم في وجهها ... وانت تمشي في الشارع حاول انك توزع ابتسامات ... تراك بتنطق وترا مكافحة المخدرات بتمسكك ... وكل يوم محللينك ... وترا اهلك بيقرون عليك وبيتسوونك (سعوديين ماتعودوا على الابتسامه ) لكن خلك صابر وثابر وصدقني انك بتعديهم ترا الابتسامه تعدي ( افلقني اقول سعووووديين تقول تعدي )

4ـ ابق كما انت
لاتحاول تقلد الاخرين ترا كل انسان عنده ميزات ومواهب ... وانت بعد عندك مواهب ومميزات اذا حاولت تبرز مواهبك صدقني فيه ناس واجد تقدر المواهب وخصوصا الي يربون حمام بس لاتيأس

5ـ خلك دجاجه
يعني نم مبكر وقم مبكر ... بس انتبه لاتبيض

6ـ ارسل لنفسك باقة ورد
لان في السعوديه مافيه امل يرسل لك احد باقة ورد .... اكتب على الورد لا اعلم كيف اعيش بدونك ياحبيبي ... وارسلها لنفسك عن طريق عملك .... وهذا سوف يكسبك الثقه بالنفس امام زملائك في العمل اذا كانوا اجانب اما اذا كانوا سعوديين فتحمل التهزيء الي بيجيك .... اقل ما بيقولون الرخمه حرمته مرسله له ورد

7ـ الفت نظر الآخرين
اذا جيت بتدخل المسجد في الشتا شغل المراوح ... وفي الصيف اول ماتدخل المسجد طف المكيفات ... اذا طلعت في المسجد اقعد نخم وتفل والي مايعجبه الوضع او يناظرك اتفل على نعلته ..... المطاعم فيها قزاز يعني تشوف الي جالسين ياكلون وانت في الشارع ... اوقف قبالهم واقعد نغف .... اذا رحت العزيمه وشفت العالم جالسين وساكتين اقعد تاغر ..... اذا جيت في السوق حاول تدخل الثوب في الي انت خابر يعني اسحب الجلنط وصدقني ان كل العالم بيطيرون عيونهم فيك ....
وكلها شهر ويعرفك القاصي والداني

8ـ امزح مع الجميع
يعني اذا شفت صديقك هو ومرته ... امش وراهم واستهبل عليهم قل احلا يعني اني ماخذ حرمه ... .... اذا شفت المذن بيذن ادخل واقعد صايح جنبه .... واذا حطوا اهلك الغدا سو نفسك مادريت واوطه .... صدقني بعدها الكل بيدورونك

مزاجي صعب · 08-01-2005, 01:26 AM

سليمان وش هالنصائح هههههههههههههههههههههه

يعطيك العافيه على الموضوووع وبإنتظار ماهو أروع 00

تحياتي لك أخووك الشاطر 000

أعانق هم · 08-01-2005, 12:21 PM

هههههههههههههههههههههههه

بصراحه نصايح مفيده

واللي بيعمل بها بيطلع مجنون

شكرا اخوي على الموضوع

تقبل خالص تحياتي