بسم الله الرحمن الرحيم
السلام عليكم ورحمة الله وبركاته
يسعد صباحكم وممساكم جميعاً بكل خير ...
جايبة لكم قصيدة أعجبتني بس ما اعرف مين كاتبها ..
بترككم مع القصيدة ..
جت بعد عامين تنشد كيـف حالـك ؟
قلـت طيـب بعدهـا غمضـت عينـي
خفت لا تلمح بعينـي شخـص هالـك
اهلكـه طـول الغيـاب ومـات فينـي
قلت: بسأل .. قالت :اسال وش سؤالك ؟
قلت يوم انـك رجعتـي لي تبينـي ؟
ويوم رحتـي ليـه خليتـي خيالـك ؟!
كــل ماسجـيـت عـنـك يبتليـنـي
الله لا يوفق عـدوك وش طرالـك ؟!
تتركينـي جالـس أفـرك فـي يدينـي
رحتي وكـان المسـا مظلـم وحالـك
كنـت أدور فيـه عـنـك صدقيـنـي
ليه صدقتي الكـذوب اللـي حكـا لـك
وليـه أصـلا مـا رضيتـي تعلمينـي
قلت لك: وش قال ؟ قلتي: وانت مالك ؟
روح حــد الله مابيـنـك وبـيـنـي
جاوبيني شفتـي وش سـوا هبالـك ؟
وإلا تدرين اسكتـي لا تجاوبينـي
صدقيني يالجـواب اللـي فـي بالـك
مـا يعـوض مـا فقدتـه مـن سنينـي
كل هذا وتسألينـي كيـف حالـك ؟!!!
ما يخصـك .. زيـن..يالله فارقينـي .
وتقبلوا تحياتي ..
محدثتكم بنوته << ههههه الله يذكر أيام الاذاعه بالخير
العرض العادي
