العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
إضافة رد
   
 
أدوات الموضوع تقييم الموضوع انواع عرض الموضوع
قديم 13-12-2013, 08:12 PM   رقم المشاركة : 1
قلبيaيحبك
( ود نشِـط )
 
الصورة الرمزية قلبيaيحبك
 






قلبيaيحبك غير متصل

قصيده وثلاثه ردود




السلام عليكم ورحمة الله وبركاته
كالعاده كنت ابحث بقوقل ولقيت قصيدة الظفيري
بمنتدى من المنتديات
اليكم القصيده
هاض الخفوق وقلت لشعر هيهات
مافيه صمت وجيب بدع ومثايل
نوادرن تشفي غليلي ليا جات
مثل السيوف المرهفات الصقايل
عن ماجرا قلي وهات الخبر هات
صارت مصيبه من كبار الهوايل
فالح ترى امه في هموم ومعانات
وابوه حزنه في محانيه صايل
سجين وحموله حمولن ثقيلات
وينخا هل الفزعه عيال الحمايل
امكبلن بالسجن والسجن حسرات
تكفون ياحكامنا والقبايــل
وين الرجال اهل الظفر والمهمات
عتق ارقبه والاجر ماهوب زايل
تكفى واكررها عليك انت بالذات
يالفهمي تكفى ياعريب السلايل
اعفو عنه واجلب لاهله المسرات
واجرك عضيمٍ وانت راع الفعايل
امه من اجله بين دمع وتنهات
في جوفها والحزن صايل وجايل
تبي تحج لاكن للوقت دورات
خلا دموع امه على الخد سايل
فالح له الله ماحصل فيه مأسات
ماهو باقاصد لا ولاهو بعايل
صد وتغاضا عنه مره ومرات
وحاول يبعد في جميع الوسايل
لاكن ابليس ايشن للشر غارات
عور ويعمل للخلايق عمايل
ارفع يدي وادعي دعاء المناجات
عبدك ضعيف وللغرابيل شايل
بقعا تقوده للهلاك وللاموات
والمشكله لاصار مامن صمايل
لاكن يبين القرم والطيب وقفات
ماقول شي بمقحمين الدبايل
اليا حصل في بعض الاوضاع ميلات
امعربين الجد ماهم قلايـــل
ويالله يامرسي الجبال المنيفات
تفرج لمن حظه غدى اليوم مايل
سهو بن سهو الظفيري


المهم اني سجلت بالمنتدى
وكتبت هالقصيده
فاضت مشاعر يالظفيري بموجات
فاضت على العالم ولاهم قلايل
مكتوب ومقدر وياليت ماجات
ياليت ناصر كان والله بحايل
لكن صارت وانكتب بالمجلات
ونحمد الله حتى والحض مايل
الله يخارج فالح ويرحمه من مات
مقدر افيد ابشي ولا افعل فعايل
ادعي لكم جعل الفرح والمسرات
معنا ومعكم جعل هالهم زايل
ياصاحبي اقول لك فات مافات
واللي انكتب عنوان بالهم شايل
تركي الفهمي

عجزت اضبطها واكملها لإني مب شاعر
وكنت بوقتها متواصل
مع الشاعر سعيد الفهمي والشاعر خضر الفهمي
وعلمتهم بالوضع وماقصروا بيض الله وجوههم
كل واحد عطاني قصيده ورد على قصيدة الظفيري
اليكم الاولى


أبـدابـذكــر الله عــــداد الـصــلآوات
وعــداد تكلـيـف الـرسـل بالرسـايـل
يامـرحـبـا ترحيـبـتـاً تـثـبـت إثــبــات
بــإن الـوفـاء لازال والـشـك زايـــل
مـادام هـمـك يدفـعـك تكـتـب أبـيـات
بيـن العـرب طـبـع وسـلـوم ودلايــل
تبـقـى تـحـت تدبـيـر رب الـسـمـاوات
فيـه الرجـاء والملتجـا ذو الجـلايـل
مكتوب لويبقى مـن العمـر ساعـات
حسـب الأجـل لوحـضـرت بالعجـايـل
ويجيك فـي الحـروه غريـم الملـذات
مـاحـال مــن دون المقـاديـر حـايــل
مابينـنـا مـشـرك ولامـنــك شـمــات
الـهــم واحــــد والـغـبـايـن عــلايــل
نـاصـر بـذكـره بينـنـا حــي مـامــات
حـتـى ولــو قـالــو هـــواة الـقـوايـل
عساه فـي رحمـة وعفـو ومسـرات
فـي جنـة الـفـردوس خـيـر النـزايـل
وبـوه مـن قـوم الشيـم والشهامـات
حـمـايـة الـمـاقـف كـــرام السـبـايـل
لـه وقفـتـةً تـجـلا ســواد المـلامـات
يـــوم المـنـيـة جــاوبــت بالـحـفـايـل
كبر بصوت الحق من بين الأصوات
حيـن الذخيـرة تـدلـج فــي المحـايـل
يقـدر عـلـى الطـولـه بلـيـا مــدارات
ويقدر علـى فعـل الوفـاء والجمايـل
وحنا في حكم مرويضين الحكومات
سـقـم الحـريـب معربـيـن الخصـايـل
وصـلاة ربـي عـد فـرض الصلآوات
عـلـى الــذي بـلـغ بخـيـر الـرسـايـل
سعيد بن خميس الفهمي


ســر ياقـلـم واكـتـب جـديــد الـعـبـارات
مـــن شـاعــر(ن) مايلـتـفـت للهزايــــل
مـريـت بـيـت الشـعـر وألـقـيـت نـظــرات
واشــتــاق قـلـبــي لـلـبـيـوت الـجــزايــل
يابن سهو وأن كان لابليس حضرات
انــــا مــعــك لــكــن وش انــــت قــايــل
لــو كــان مــا فالـيـد خنـجـر وشـفــرات
مـاكــان خـــلا الـــدم فـالـعـرق ســايــل
تـبـكـي فـــلاح وبـاقـيـن حـــي مــامــات
وكـيــف انـــا مـبـكـي عـقـيـد الـحـمـايـل
ناصـر ولدخاتـم غــدا ضـمـن الامــوات
فـــي المـقـبـره هـلـنـا عـلـيـه الـهـوايـل
حـكـم الـقــدر يـاخــوك مـامـنـه فـــرات
امــــراً كُــتــب لــــه مـاتـفـيـد الـمـثـايـل
فـــــلاح بــاقـــي يـنـتـظــر لــلــقــرارات
يـصـدر علـيـه الحـكـم والـحـمـل مـايــل
لـكــن يـابــو الـذيــب عـنــدي خـيــارات
الشـعـر بـيـن اهــل الشهـامـه رسـايــل
ابـشــر بـفـزعـة ناطـحـيـن الـمـغـيـرات
ربـعــي لـهــم فـزعــات بـيــن الـقـبـايـل
نمـشـي مـعــك بـالـجـاه مـــره وكـــرات
لــكــن خــلـــك فـالـصـفــوف الاوايـــــل
بـاذن الله تلقـى بـيـن ربـعـي المـسـرات
اهـــل الـوفــا ومـروضــت كـــل عــايــل
خضر بن خضير الفهمي

هذا الكلام من فتره لها وقت طويل
والحين الحمد لله كل شي صار تمام
وتم التنازل عن القضيه بس حبيت اجمعها بموضوع واحد
واقدمها اليكم
تركي الفهمي








التوقيع :

الحياه ليسة الأنفاس ............
انـــمـــا
الإحساس الذي
..............نــعــيــشــه

رد مع اقتباس
قديم 14-12-2013, 12:46 AM   رقم المشاركة : 2
شمس القوايل
المشرفة العامة
 
الصورة الرمزية شمس القوايل

يعطيك العافيه ع الطرح والقصائد الجميله

صح السان من قالها ولاهان

ننتظر منك المزيد من الابداع

دمت بود

شمس القوايل







التوقيع :


اضغط على الصورة لفتحها بصفحة مستقلة

رد مع اقتباس
قديم 14-12-2013, 02:27 AM   رقم المشاركة : 3
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

●●●
انتقـآء رآئــع, وطرح جميــل كجمال روحك
دآئمـآ مآنرى الإبدآع والتميز يلآمس انتقائك
ربي يعـــآفيك وآلف شكـر لك.
دمت بكول خير وسعادهـ
مع تحيآتي : قلب الزهور .ببآي








التوقيع :
اضغط على الصورة لفتحها بصفحة مستقلة

رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:34 AM.




 


    مجمموعة ترايدنت العربية